وخز الدبابيس.. إحتضار و الراء نون

١٢

"على لسان ليالي"

_بعد كلامه ده حرفياً إرتحتا شديد..قولته ليهو:-والله يا أبوي هو زول كويس وأنت أكيد ح تشوفه وتسأل عليه وتطمن للأخر❤..قال لي:-خير إن شاء الله..ما تسمعي كلام أمك دي..والله لمن جيت أتقدم قالت لي تعال أعقد بس وسوقني😂😂..لكن طبعاً طبع الامهات بكونوا حابين بناتهم يعيشوا في مستوى احسن من الهم عاشوه..ما تخافي أنا بتكلم معاها وبقنعها إن شاء الله❤..قومتا وبوستا راسو وجريت الغرفة..حضنتا ياسمين طبعا بقت مخلوعة فيني😂😂..قولته ليها:-أبوي واااافق..وااااي وااااي ما قادرة أصدق..قالت لي:-لازم يوافق طالما أتكلمت معاهو أنا😌😌..قولته ليها:-قدي..بعد طلعت..أتصلتا على رُسلان..رد ب:-لياليِّ..قولته ليهو:-يا روح وقلب ليالي أنت❤..اممم فاتحت أهلي في الموضوع وأبوي ما عندو مشكلة تجوا في أي زمن..ح أرسل ليك رقمه طيب أتفاهم معاهو...قال لي:-جادة أنتي!..أحلى خبر و الله..تستاهلي عليه بوسة..ذكريني أديك ليها لمن نتزوج..قولته ليهو:-شكلك كده راجل قليل أدب🙂..بقى يضحك وقال:-يا حبيبي ماف راجل مؤدب..حتى المؤدب ده نجح في إنو يضبط نفسه بس ما أكتر😂😂..المهم أنا حالياً وراي شغل بس أخلص برجع ليك طيب..قولته ليهو:-طييييب حبيبي❤..

"على لسان مجتبى"

_مجدي أتصل علي كلمني إنو أهل ليالي وافقوا وكده..قولته ليهو:-مبروووك يا زولي❤..يعني نجهز جلاليبنا ولا كيييف!..قال لي:-أكيييد يا خوة..كلم معاك مقداد..انا احتمال ارجع بيتنا عشان اتفاهم واتفق مع ابوي على كم حاجه..قولته ليهو:-ظااابط..بعد قفلت منو قولته للمعلم:-أها ده اخر كلام؟؟..قال لي:-أي والله..حتى نقصت ليك يا حبوب..قولته ليهو:-خلاص زط..حسبتا ليهو قروشه كاش وخليت غرفة النوم عنده..قولته ليهو:-أديني اسبوعين كده بجي أرفعها..قال لي:-حباااابك...طلعتا من المكان ورجعتا البيت..لقيت مقداد واقف بطبخ..قولته ليهو:-طابخه لينا شنو يحلوة🙈❤..قال لي:-قيمة بطاطس يا مزة..وفكاها ضحكهه😂😂😂..قال لي:-حقيقي الله يعين الح تتزوجك..كوكتيل عجيييب..قولته ليهو:-حاااسدها علي من أسي..ح تدلع دلع في الدنيا دي..الله يجيبها بس❤..قال لي:-مككككنة وااثق من الحته دي أنا..كلمته بموضوع ليالي ومجدي..قال لي:-أخيراً ح نبهرج..من أسي حفلة الحنة عندي..الحوش وااااسع وبسع ألف..قولته ليهو:-أصلاً عندك..نشوف لينا جلاليب راقية كده نمشي بيها يوم التعارف..اخوان العريس كمان😎😎..فجأه سكت وطفى الحلة..قال لي:-عارف!...نحنا أخوان جد جد..ما كلام ساي....❤

"على لسان مجدي"

_كلمت أهلي بالموافقة..أبوي في لحظتها شال الرقم واتصل على ابو ليالي..الكلام كان وااااضح وموزون..أبو ليالي قال بتشرف بجيتنا يوم الجمعه ❤..بعد أبوي قفل منو..قال لي:- أنت واثق أنو ماف حاجه ناقصاك..قولته ليهو:-لا لا..وحتى لو نقصت ربنا كريم❤..قال لي:-خير يا ولدي خير..أها ح نمشي على الجماعة ديل يوم الجمعه وإن شاءالله ربنا يتم على خير...أمي قامت زغردت😂😂..أبوي قال ليها:-يا ولية خلينا لمن نمشي ونشوف البحصل بعدين زغردتي قدرتك...قالت ليهو:-ومالو أزغرد من أسي لمن العرس ده يتم❤...بعد المغرب اتصلت على ليالي..أول ما ردت قولته ليها:-يا يوم الجمعه ما تسرع..قالت لي:-ح يسرع هو..وح تتورط❤😌 .قولته ليها:-يا ريت كل ورطاتي كده..حباااب الورطة ياخي..ح أحدد موعد العرس طوالي لا تقولي لي شهرين ولا بتاع..بديك شهر واحد بس وتاااني...قالت لي:-وتاااني شنوو!؟ يا ود أنت قايل العرس ده هين..شهر مابعمل لي حاجه يا رُسلان😭قولته ليها:-ما شغلتي...تمي باقي حبستك في بيتك..قالت لي:-أنا شايفة نغير الموضوع أحسن لأنو نهائي ما قادرة على قلة أدبك دي😂😂😂..قولته ليها:-أسي متين قليت أدبي..أصبري لي بس..ماشفتي شي..قالت لي:-طيب أقفل أقفل..لأنو قبيل أتصلتا على إيناس كلمتها وحالياً داخله لي مكالمة..قولته ليها:-إيناس دي ما ممكن معاها هي ومجتبى..ح نتحلى منهم سنة كم...قالت:-لمن نعرس🙈❤..هييي أقطع وشكك..ضحكتاا وقفلت الخط...أتصل علي مقداد وكلمني إنو مستنيني في الجنبة...استحميت وطلعتا عليهم