وخز الدبابيس.. إحتضار و الراء نون

٢٤

"على لسان مجتبى"

_وصلت لِّين بيتهم بدون أوضح ليها اللي في قلبي إتجاهها..حسيت إني ما لازم أستعجل..أركز كده وأظبط أموري تمام وبعدها أتوكل💙..طول عمري مقتنع بمبدأ إنو طالما حبيت وأبتديت تعشم الشخص القدامك يبقى تبقى قدر كلمتك وتتقدم خطوة...وطالما إني واثق من حبي للين يبقى أستنى الوقت المناسب وبعدها أقول العاوزهُ وأرمي الكورة في ملعبها💙..طلعت على شارع النيل..المكان متغير تماماً..مشيت تحديداً مكان الخالة اللي كنا بنقعد عندها..باين على ملامحها التعب والارهاق وتقدم العمر ملحوظ..سلمت عليها وحاولت أذكرها بي بس خانتها الذاكرة..قعدتا وبقيت أسترجع ايام زمان..الضحك والونسة الدقاق..الطعمجه حقتنا..الحكاوي اللي ياما أتحكت..النقاشات وغيرها وغيرها..لما قمتا أدفع الحساب...الخالة حلفت أنها ما تشيلو وقالت :- يا ولدي أمشي ساااااي الله يديك لمن يرضيك💙..!!

"على لساني"

_مشينا حته ظريفة شديد..عبارة عن مطعم وبرة فيه كمية من الالعاب للأطفال..أنا طلبت لينا عشاء مُعتبر...مِشعل كان بِأكل في فرزدق لحدي ما شبع بعدها هو بدا ياكل...سما قالت لي:-ماما عاوزة ألعب..قولته ليها:-طيب بس خلصي أكلك وأطلعك تلعبي..قالت:-لالا عاورة أسي أسي أسي...كانت بتدلع فيني..أبوها قال:-طيب يلا أنا بمشي معاك أنتي وفرزدق..تلعبوا مع بعض وبعدين نجي راجعين لماما...قالت:-طيب...طلعوا مع بعض وانا رجعت أكمل أكلي..كنت كل شوية براقبهم..شفت سما دفرت ليها ولد و شوية كمان مِشعل أبتدتا يتكلم مع راجل كده كأنهم بتناقشوا!!..ما قدرت أقوم بس قلت أول ما يرجعووا ح أسألو...قعدنا حكاية ساعة وشوية وبعدها اتحركنا...أثناء ما كنا في الشارع..قولته :-مِشعل..قال لي:-أممم حبيبي..قولته ليهو:-لما كنت بتلعب أولادك..أنت اتناقشت ليك مع زول صح!؟..حصل شنو!..سكت شوية وبعدها قال:-طيب بس نصل البيت بحكي ليك..سما قالت:-تاني ما نمشي هناك يا بابا..قال ليها:-حاضر..في حته أحلى من ديك بكتير المرة الجاية نمشيها💙..أنا ما كنت فاهمه سما قالت كده ليه..لحدي ما وصلنا البيت...بعد غيرنا ملابسنا..دخلت نومت أولادي..وبعدها جيت غرفتي..لقيت مِشعل بصلي..بعد سلم..قولته ليهو:-ها أحكي لي حصل شنو لما كنا هناك!؟...قام طبق المصلاية ومسكني من أكتافي...قال لي:-لقينا طفل عمره حوالي 10 سنوات..فرزدق كان عاوز يلعب معاهو فهو دفرو وقال عليه "شين عامل وشك زي القرد" أنا طبعا سمعت الجملة واستفزتني وكنت ناوي أتكلم مع الولد بهدوء وأصاحبهم على بعض..بس سما دفرت الولد ومسكت أخوها من يدو..رغم انها صغيرة بس تصرفها حسسني إنها أكبر منو..فبس أبو الطفل أتدخل في الموضوع وكان ناوي على مُشكلة ناقشته بهدوء وإنو لازم يغير مفهوم طفله شوية ويتقبل باقي التغيرات في الأطفال التانيين..بكل بساطة قال إنو ولده مُتربي وما غلط على فرزدق وإنو قال كده علشان أول مرة يشوف طفل من فئة فرزدق..أتخيلي التبرير ومحدودية العقل!..قفلني ماقدرت أتناقش معاهو وأختصرت الموضوع حفاظاً على نفسية فرزدق وبس💙..لما خلص كلامه لقاني شبه مدمعه مسك وشي بين يدينه وباس راسي مسافة طويلة وضماني عليه بهدوء..قال لي:-أنا ما حكيت ليك عشان تضايقي وتزعلي..نحنا ما ح نقدر نناقش كل العقليات ويمكن حتى ما نقدر نغير مفهومهم عن متلازمه الدوان..بس في يدنا نحافظ على طفلنا وكل ما يكبر شوية شوية ح يستوعب الحاصل شنو..فمااا تضايقي ولا تشغلي بالك بالموضوع ده..وأنا هنا💙موجود علشان أمحي كل سوء ممكن تحسي بيهو أنتي أو أولادنا...فاهماني💙!! قولته ليهو:-فاهماك و مبسوطة أنك بحق وحقيقي أب متفهم..طريقتك وأسلوبك قادرة تخليني أحبك كل يوم والله العظيم..قال لي:-بس كده!..بتحبيني عشان أسلوبي وطريقتي..لالا ظابط،ظابط..ألقي زول يونسك لحدي ما تنومي..قولته ليهو:-ماااف غيرك يا عيني..قال لي:-حنسيني😆...قولته ليهو:-يسلاااام جابت ليها حنيس كمان...طيب ممكن تونسني لحدي ما أنوم😔..قلتها ليهو بطريقة عويرة كده..قعد يضحك وقال:-ممكن وممكن جداً كمان😁💙...