وخز الدبابيس.. إحتضار و الراء نون

٢٨

"على لسان مجتبى"

_قلتي كده يا أمي!!..أنا أساسا مستحيل أعرس وأنتي ما رضيانة بس ما كنت حابب تضغطيني بجملة "ما عافية ليك"..ولا كنت حابب كل حاجه عاوزها لازم أعافر وأتعب عشان أصل ليها...لينا هي الحاجه الوحيدة الأخترتها💙وكنت متمني توافقي على أختياري ده...وطالما إنك ما موافقة فأنا لو ما عرستها مستحيل أعرس غيرها ومستحيل أعرس واحدة أنتي ح تختاريها..عارفة ليه!؟...عشان أنا الح أعيش معاها ما زول تاني..كنت جاي وعشمان شديد إني أقنعك وتفرحي لي بس شكلي حسبتها غلط...شلت تلفوني وطلعت برة...كنت غضبان شديد بس حاولت أضبط أعصابي...أتصلت على مقداد أول ما رد قولته ليهو:-ما وافقت...قال لي:-كيف كيف...قولته ليهو:-أسمعني تعال نتلاقى...قال لي:-طيب تعال عندي..ما بقدر أطلع بعد الزمن ده واخلي اولادي براهم...تعال هنا ونتفاهم💙...قولته ليهو:-تمام...جاي عليك...طول الطريق بستغفر وكنت حاسس بالازمة ح تقوم علي لحدي ما وصلت عند مقداد...ضايفني في الصالون وبقى ماشي وجاي..أتصلنا على مجدي جانا...قولته لمقداد:-أقعد ياخ وشوف لي حل بدل ماشي وجاي كده...قال لي:-ما أنا قاعد أفكر أصبر...مجدي قال لي:-الموضوع حساس ياخ...أمك دي ماف زول بقدر يقنعها ابداً؟؟..قولته ليهو:-لالا...مقداد قال لينا :-بس...لقيتها..نحنا قبل عشرة سنوات كنا شنو...قولته ليهو:-أصحاب...قال لي:-أنت غبي..قصدي كنا شغالين شنو!؟...قولته ليهو:-بنمثل..ما فهمت دخل شغلنا بموضوعي شنو!؟...قال لي:-بخاخك معاك هنا ولا في البيت!؟...قولته ليهو:-في البيت...في شنو يا مقداد !؟ ..مجدي قال ليهو:-أنت عاوزنا نمثل على أم مجتبى..صح؟؟...قال لينا:-الأم مهما كانت قاسية لما تشوف واحد من اولادها عيان ولا تعبان بتخاف وبتبدا حكاية الندم تشتغل وياريتني وياريتني...قولته ليهو:-برضو ما فهمت...قال لي:-والله ما وقت غباءك خالص...أقرب واحده ليك من اخواتك منو!؟ يعني ممكن تأثر على أمك بشكل غير مباشر!؟...قولته ليهو:-سمر...قال لي:-كلمتها بموضوعك أنت!؟..قولته ليهو:-أيوة قبل أمي حتى وكانت مُرحبة بالفكرة..قال لي:-طيب حلو...أتصل عليها أسي وقول ليها الكلام الح أقوله ليك بالحرف وأنت يا مجدي بكرة من النجمة تتصل على أمك تكلمها برضو بالح أقوله...أفكارها وطريقة أقناعها بتعجبني💙...طبعاً بقينا نعاين ليهو زي الهُبل...بعدها بدا يشرح لينا المفروض يحصل شنو من أسي لبكرة...💙

"صباح اليوم التالي"

"على لساني"

_كنت مع ناس خالتو نازك أم لينا...بناخد وندي في الكلام...خالتو نازك قالت لي:-لينا كلمتني إنو مجتبى الجاي يتقدم ليها ده كان زميلك في الجامعه واشتغلتوا سوا..بأمانة يا بتي الولد ده اخلاقه كويسة!!..نحنا قلنا نشوفه بالاول هو واسرته وبعدين نحكم...قولته ليها:-والله يا خالتو مجتبى راجل بمعنى الكلمة وزول حارة..ما بقول ليك كده مجاملة مني..هو بالجد زول كويس شديد ودمه حار وود رجال والله صدقيني...اخلاقه عالية..معرفتي بيهو ما كانت يوم ولا يومين...سنيين💙..عمري ما شفت منو حاجه شينة أو تصرف كعب..بالعكس زول مسالم شديد وبصراحه كده لو بقى نصيب لينا يبقى يا حظها براجل زيووو💙...قالت لي:-كلامك بطمن يا بتي..إن شاء الله يكون عند حسن ظننا بس...لينا قالت ليها:-والله يا ماما لما تشوفي ح ترتاحي ليهو جداً...قالت ليها:-بطلي كلام كتير وقومي اعملي لينا قهوة...قولته ليها:-خليها ياخ ههههه..بالمناسبة يا لينا لسه ما ثبتي ليك في مستشفى...قالت لي:-والله المستشفيات راقدة...اخواني مركزين لي على الخاص وأنا نفسي أشتغل في مستشفى عام..الحالات عندهم كتيرة..وبعدين ناس الخاص ديل في منهم الاستغلاليين...أنا أول فترة لي هنا عاوزة أعمل عمليات مجانية..حقيقي في ناس بتعاني وتعبانين..وموضوع القروش واقف ليهم عائق...قولته ليها:-فعلاً...يا زولة ربنا يوفقك إن شاء الله💙..قالت لي:-لاحظت لفرزدق دايماً بصور..وتصويره حلو..ما فكرتي تودي مركز ثقافي أو كذا؟؟...قولته ليها:-لالا...عاوزة يتأقلم على مدرسته الجديدة أول وبعدين هم عندهم أنشطة كتيرة وبدعموا مواهب الأطفال ديل....قالت لي:-كويس والله..كده أقوم أعمل قهوة قبل ننو دي تلتفت علي...خالتو ضحكت وقالت:-أي قومي سرعه....بعد لينا مشت...خالتو سرحت مسافة...قولته ليها:-ما تشيلي هم...عشان والله العظيم مجتبى ح يصونها ويقدرها ويخليها ست البنات وبكرة تقولي إيناس قالت💙...!