وخز الدبابيس.. إحتضار و الراء نون

٩

"على لسان مجتبى"

_مشينا التلاتة لاقينا الطلبة واتفقنا معاهم على أيام الحصص والمواعيد وحتى أديناهم العنوان..بعدها طلعنا على البيت..أنا كنت منطرب مشغل سماعات وشغال غسيل ومجدي مسخن المكوة جنبي..فجأه مقداد جا وقال لمجدي:-أسمعني..هاك التلفون انا لقيت لي واحد تاني..مجدي خلى الفي يدو وقال:-لقيت وين!؟..حتى لو لقيت ما شغلتي خلاص التلفون ده بقى حقك❤..طبعاً بعد الحادث وكده..مجدي جاب لي مقداد تلفون عشان حالتو صعبة ما بقدر يقعد بدون تلفون فترة طويلة..فبعد الحادث اليوم التاني طوالي مجدي أتصرف ليهو في تلفون..مقداد قال ليهو:-يا ولدنا ياخ والله ادبرت..حسين جاب لي واحد..قولته ليهو:-حتى ولو جاب ليك..مجدي قال لي:-اركِن اركِن خلي لي الطلعه دي...يعني التلفون الجابو ليك أظبط من الانا جبتو ولا القصة شنو!..قال ليهو:-ما كده بس...مجدي صر وشه وقال:-ما تبسبس لي خلاص الموضوع منتهي...التلفونيين معاك..شوف نفسك عاوز تعمل شنو..خليني اواصل مكوة...قولته ليهم:-شباب انا عندي مشكلة اكبر من مشكلتكم دي..ألقوا لي حل...قالوا لي بانتباه:-مشكلة شنو!...قولته ليهم:-انا ليه باكل وما بسمن..ليه..وحالياً جعان شديد...ليه كده!؟..مجدي قال لي:-لو حالياً جدعتك بالمكوة دي ما ح اكون غلطان..خليك في غسيلك يا شاب..مقداد قال:-طيب خلي بعد المغرب نمشي نظبط لينا فته ونطلع الجنبه...قبل نرد الباب ضرب...مشى فتحو لقاها خالة فاطمة وشايلة معاها أكياس كتيرة..قولته ليهم:-سبحان الله خالة فاطمة دي بتجي في مواعيدها بالضبط❤..الاكياس دي فيها اكل مش..سلمت علينا وقعدت تضحك..قالت لي:-أي أي...جيب صحانه وصينية وتعالوا...مشيت المطبخ جبتهم وجيت..رصت لينا الاكل وبقينا ناكل...قالت لينا:-كنتا غاشية ليالي لكن قلتا لنفسي اجيكم اول وبعدين اطلع مع مجدي...مجدي قال ليها:-والله ح اعمل ليها وجع وش تقيل😂😂قبيل كنتا معاها..قولته ليهو براحه:-اقطع يدي انت نفسك اسي تسوق خالة فاطمة من يدها وتجري المستشفى قبل نكمل اكل قال وجع وش قال..قال لي:-لقيت لي سبب وجيه يوديني ليها..البخليني ارفض شنوو..خالة فاطمة قالت لينا:-بتتهامسوا مالكم...يلا اكلوا...بعد اكلنا..مجدي عمل لينا الشاي..وانا غسلتا العدة..بعد صلينا المغرب كده قولته لمجدي:-ح اخلي ليك ملابس المكوة زي ماهي..قال لي:-اي اصلا ما تهبشهم...بعد لبس وكده قالت ليهو:-مشينا يا ولدي...قال ليها:-مشينا يا أمي..لحظتها عاينتا ليهو بإستغراب..عمل لي حركه كده احساس بفهمك بعدين❤

"في المستشفى ليلاً"

"على لساني"

_وعد فضلت ساكته طول الوقت لحدي ما أستأذنت مننا وطلعت..ليالي قالت لي:-يكون مقداد نسى فعلاً يكلمها!؟؟..قولته ليها:- لالا..قالت لي:-أوووف انا زاتي غبية ما كان أسألك قدامها!..قولته ليها:-ما ذنبك..أسي مقداد ح يوضح ليها كل شي وخلاص..الموضوع عادي يعني...المهم يلا يا بيبي أنا ماشة..لأنو الوقت أتأخر..وبكرة شغالين بدري...قالت لي:-ياخ كان تقعدي معاي شوية والله حاسه بملل مبالغه😔..قولته ليها:-أسي ياسمين بتجي تونسك..ما ح تحسي بملل أممم..بستها في خدها وطلعتا مع إنصاف..صادفت مجدي في وشي مع خالتو فاطمة..سلمت عليهم❤..قال لي:-الشابة دي بقت احسن!؟...قولته ليهو:-أيوة الحمد لله..نمشي نحنا..ودعنا ام ليالي وطلعنا من المستشفى