وخز الدبابيس.. إحتضار و الراء نون

٣١

#وخز_الدبابيس

   #القصة_الرابعه

#إحتضار_والراء_نون31

"تنام حبيبتي مثل الفراش على الزهر..يالرقة خديها ولون عينيها..وإبتسامتها الخفية..ويالجمالها الذي يفوق الجمال جمال"

"صباح اليوم التالي"

"على لسان مجتبى"

_الساعه 7 صباحاً راقد جنبها بتأمل في ملامحها وتفاصيلها..بحرك يدي على خدها..عاوزها تصحى ياخ❤...فتحت عيونها ببطء وقالت:-حبيبي...قولته ليها:-عيون حبيبك...ما كفاية نوم!...قالت:-أمممم لا خليني شوية...قولته ليها:-لين انتي من أمس نايمة كفاية كسل..قومي يلا...قالت لي:-أقوم ليه!..عاوز حاجه؟...قولته ليها:-ملاحظ ليك عاملة رايحه أو بتتغابي..بس ما مشكلة..بكمل ليك فهمك ده للنهاية..ختت يدها على خدي وقالت:-مش بعد تبقى راجل رومانسي كده ولطيف...تعمل لمرتك حبيبتك عصير وفطور بسيط مع وردة حمراء...وين الروح الفرنسية الجواك يا روحي!؟...قولته ليها:-أنا ابجيقة ساي يا زولة...ملاحظة من أمس أحترمتك وأحترمت نفسي!!..قربت شوية وقالت:-للأمانة والصراحه طلعت ذوق شديد وشاب مثقف و...قولته ليها:-انتي لسه ح تمدحي...تعالي هنا❤ضميتها علي...قالت لي:-ممكن اعترف بحاجه!!..قولته ليها:-سرعه...قالت لي:-حضنك حلو❤..قبل ارد تلفونها إتصل...قالت لي:-ناولني التلفون...قولته ليها:-لا خلي يرن...قالت لي:-يمكن حاجه مهمه...قولته ليها:-ماف حاجه مهمه غيري حالياً...قالت لي:-يمكن تلفون من المستشفى..جيبوا ياخ...قولته ليها:-يارب الشبكة تبقى كعبة وما تفهمي شي من المتصل..بقت تضحك...ناولتها التلفون قامت من حضني مخلوعة وبقت تقول:-متيين!...طيب ماف دكتور تاني!!...لالا انا ح اخد ساعه بالكتير وح أكون عندكم..طيب طيب..بعد قفلت قولته ليها:-في شنوو!!...قالت لي:-مريض محتاج مساعدتي❤...قولته ليها:-ما أخدتي إجازة انتي!؟...قالت لي:-الاجازات عندي بتخلص لما يكون في مريض محتاجني...وأنت عارف ده❤...قامت وبقت تقلب في الدولاب...لبست أقرب فستان واستعجلتني عشان أوصلها المستشفى...ما بنكر إني إضايقتا بس ما بينت ليها حاجه❤...ونحنا قدام باب المستشفى مسكت يدي وقالت:-ما ح أتأخر عليك والله...قولته ليها:-أمشي وأنا ح أستناك في مكتبك لما تخلصي..بحبك❤

"على لسان مقداد"

_صحيت الصباح على ريحه الكيك وأصوات العصافير...ريل راقدة جنبي..وسامع صوت وعد بتردد مع فيروز في واحدة من أغانيها...جات وهي لابسة مريلة الطبخ وختت قدامي صينية الشاي مع كيك وكباية عصير لريل..قولته ليها:-صباح الخير شديد...قالت لي:-صباح الخير يا حبيبي...قولته ليها:-كأنك ما طالعه على الصيدلية!؟..قالت لي:-لالا..أخدت إجازة من حاجه إسمها شغل...قولته ليها:-عشان الحمل!؟...قالت لي:-عشان الحمل و عشان ريل...و عشان أبوهم❤أخر فترة شغلي اخدني منكم..عاوزة أقضي الفترة دي معاكم بدون ضغوطات...وبعيداً عن أي إلتزامات تانية...قولته ليها:-كلام جميل...كان نفسي أقضي معاكم اليوم..بس مواعيد الليلة مهمه..ولو ما مشيت،الشغل كله ح يبقى في راس مجدي...قالت لي:-ما مشكلة..أمشي أنت وشوف شغلك...بس بعدين ما تتأخر...أسي خلينا نشرب الشاي ونتونس شوية...حاسة نفسي مشتاقة ليك❤...قولته ليها:-حتى أنا والله...شربت ريل عصيرها وبقيت أعاين لوعد وناخد وندي في الكلام...كل مرة لما أقعد براي وأحس إنو الحياة ما كانت عادلة معاي..بستغفر..ربنا زي ما شال أعز ناس على قلبي فهو عوضني بناس تانية...وجودهم مهم في حياتي...عوضني بزوجه وذرية وأصحاب وأهل انا لا من لحمهم ولا دمهم..بس بينا عُشرة سنين...كل واحد بحس إنو حياته ناقصة وحياة غيره كاملة فهو غلطان...وكل واحد بحس إنو وجود أخوانه أو أمه أو أبوه حاجه عادية المفروض يعيد حساباته...دي نِعم من ربنا عليك...وإياك تشوف النِعم دي حاجات عادية وبتتعوض...❤!