وخز الدبابيس.. إحتضار و الراء نون

١١

"على لسان مقداد"

_كنتا بعاين للبيت وفي كل ركن بتخيل ذكرى قديمة..أنا عشتا في البيت ده أكتر من بيت أمي وأبوي..عشتا مع خالتي سنين طويلة..ريحتها في كل مكان..سامع ضحكاتها وحكاويها لسه في أضاني..مجتبى وقف جنبي وقال:-الله يرحمها ويغفر ليها..أنا عارفك بتفكر فيها..قولته ليهو:-الحمد لله على كل حال..خالة فاطمة قالت لينا:-نحنا سبقناكم واتغدينا..تعالي يا ليالي رصي ليهم الغداء..ليالي دخلت المطبخ ونحنا مشينا الصالون...مجدي قال:-ح تقعد براك تاني يا زولي..مجتبى قال لي:-نخليك عادي ولا بتخاف!؟..بقيت أضحك..قولته ليهم:-ما القصة..قعادكم فارق معاي والله❤وبعدين المستعجلين ليها شنو..أقعدوا ساي زول جايب خبركم ماف...جابوا لينا الغداء..مجتبى قال لي:-أأكلك ولا ما بتروح من خشمك😂😂..قولته ليهو:-الله يصبرني ياخ😂😂..أكل لنفسك يا شيخنا..خليني أنا..مجدي قال:-لقيت لي شغل يا شباب..قولنا:-وييين!...قال لينا:-ح أشتغل تشطيب عمارة مع عُمال..الشغل ببدا من بكرة والسعر كويس شديد..قولته ليهو:-كويس والله...بعد الغداء عملوا لينا الشاي والونسة كانت ظابطة..إيناس قالت:-هوي أنا أتأخرتا ولازم أمشي..مجتبى قال:-أرح طيب..أوصلك المحطة كده كده راجع بيتنا..قولته ليهو:-ما جاي تاني ولا شنو!؟..قال لي:-لالا بجيكم راجع..إيناس ودعتنا وطلعت مع مجتبى...

"على لسان مجدي"

_أنا زاتي أقوم أوصل الناس ديل..أمي وليالي جو طالعين من المطبخ ودعوا مقداد..قولته ليهو:-بصل معاهم للمحطه بس وبجيك راجع..قال لي:-ظاابط..ونحنا في الشارع أمي اتقدمت شوية لأنها كانت بتتكلم مع عمر..ليالي قالت لي:-رُسلان..قولته ليها:-عيون رُسلان...قالت لي:-خالتو فاطمة عندها فكرة عن البينا صح..لأنها كانت مشغلاها لي بيك😂🙈...قولته ليها:-أمممم عندها أنا أتكلمتا معاها في موضوعنا بس باقي أبوي..أدعي لي بس يا ليالي مواضيعي كلها تظبط عشان أجي أتقدم في أسرع وقت❤..قالت لي:-ح تظبط إن شاء الله بس ما تشتغل فوق طاقتك فاهم..قولته ليها:-طيب..وصلنا المحطة..مواصلات العربي ما كانت متوفرة..بقينا واقفين..أمي قالت لي:-خلاص يا مجدي أرجع لأخوك..نحنا بنركب المواصلات بتجي بعد شوية..قولته ليها:-الليلة زحمة على غير العادة...ليالي بقت شغالة تهز لي راسها 😂😂ما عاوزاني أمشي..قولته ليهم:-طيب أمشي أنا..لما تصلوا أتصلوا علي..قالوا:-طيب....وأنا راجع على الحلة جوه شفتا مجتبى واقف في محل نجارة وزي كأنه بفاصل في سعر..كنتا ماشي عليهو..تلفوني أتصل..رديت ب:-حبيبي❤..قالت لي:-نحنا ركبنا..قولته ليها:-طيب..قالت بهمس:-أصبر لي لمن أصل البيت بس..بقيت أضحك وقولته ليها:-طيب طيب..قفلت منها لقيت مجتبى جاي علي...قولته ليهو:-كسرتا حنك بيتكم ولا شنو!؟..قال لي:-لالا ماشي..ناس ليالي مشوا ؟..قولته ليهو:-أيوة...قال لي:-خلاص أنا بعد المغرب بظهر عليكم..