عشق اولاد القناوي

الثاني و الثلاثون♥️

في المستشفى كان الجميع يقف مصدم لا أحد يبكي سوى الحجه يسرا و فجر في أحضان حمزه ٠٠ بينما حبيبة في أحضان رعد ترتجف.

خرج الدكتور و قال لهم: مقدرناش نعمل حاجه للأسف ٠٠٠ البقاء لله

نظر له الجميع بصدمه
ماذا سمعو !
انتهى شرها !
و لكن لما ينتهي بالموت !

كانت هذه اسأله تدور في عقل حبيبة و رعد لكنهما فاقو على صوت صراخ الحجه يسرا و صراخ حمزه حاملا فجر في يديه يصرخ في الأطباء يجري بها إلى أحد الغرف

بينما حبيبة ترتجف في أحضان رعد بشده ٠٠ خاف رعد عليها فأخذ يهدئها: حبيبتي مالك ٠٠٠ بتترعشي ليه كده ٠٠٠ طب بس اهدي

حملها رعد سريعا و اتجه بها الي احد الغرف فأعطت الدكتوره لها مهدئ ٠٠ بينما كان حور تبكي في أحضان يمني على عمتها فمهما حدث هي ستظل عمتها

رعد و هو يساند جده: أسند نفسك يا جدي ٠٠٠ مش كده انت الي مينفعش يقع

الحج عبدالعزيز بدموع: بتي التانيه هي كمان ماتت يا ولدي

سليم بحزن: الله يرحمها يا جدي ٠٠٠ ربنا يصبرك يارب

الحج عبدالعزيز بدموع: انا مش زعلان انها ماتت اد ما زعلان بالطريجه إلى ماتت بيها ٠٠٠ هتقف قدام اختها كيف و هي كانت عايزه تموت بتها ٠٠٠ طب هتقف قدام ربنا ازاي و هي عاشت طول حياتها بتحوش الانتقام ٠٠٠ الله يسامحها يارب

رعد: تعالى يا جدي اقعد و اهدي عقبال ما نخلص الإجراءات ٠٠٠ نحاول ندفنها قبل ما جدتي و فجر يفوقو عشان مينهاروش اكتر من كده

اومأ له الحج عبدالعزيز بحزن و الدموع تنزل من عينيه على موت ابنته الأخرى

تاني يوم كانت حبيبة في أحضان رعد ترتجف بشده بينما رعد يمسد على شعرها بحنان و هو يقول لها: يا حبيبتي ده قضاء و قدر ٠٠٠ هي عمرها انتهى لحد هنا ٠٠٠ و بعدين انتي المفروض تكوني مرتاحه لأن الشر إلى ف حياتنا انتهى خلاص ٠٠٠ بس انتي ليه تعبانه كده

حبيبة بارهاق: ليه الحقد يوصل انسان انه يقتل انسان تاني ٠٠٠ ليه كانت عايزه تقتلني ٠٠٠ رعد هي ماتت بسببي صح

هز رعد رأسه بالرفض و قال لها: قولتلك ده قضاء و قدر و ده عمرها و انتهي ٠٠٠ و انتي مالكيش ذنب ٠٠٠ ده لطف ربنا بيا أن محصلكيش حاجه ٠٠٠ مشعارف لو كان حصلك حاجه يا حبيبة كنت هعيش ازاي ٠٠٠ ربنا مش بيعمل حاجه وحشه و دي كلها أسباب يا قلبي

نظرت له حبيبة ثم قبلته من خده و قالت بحب: عمرك ما فشلت ف انك تطمني ٠٠٠ كأنك بتصب مايه بارده على قلبي ٠٠٠ ربنا يخليك ليا يا رعد

رعد بابتسامه حنونه لا تظهر إلا لها: و يخليكي ليا يا قلب رعد ٠٠٠ و يخلي لينا برضو الصغنونه إلى جايه دي