سبحان الله وبحمده ♥️
بعد عده ساعات خرج الدكتور من غرفه العمليات يقول بأسف و حزن واضح: انا اسف عملنا كل الي نقدر عليه ، قدرنا ننقذ مدام رعد الحمدلله و شويه و هتتنقل ل اوضتها بس رعد باشا دخل ف غيبوبه و قلبه وقف مره و احنا بنعمل العمليه بس الحمدلله قدرنا ننعشه
صدمه الجمت لسان الجميع ف قالت يمني: و حبيبة ! هتفوق امتا؟
الدكتور بعمليه: المدام هتفوق كمان شويه ، و أهم حاجه صحتها النفسيه لأن للأسف الرحم اتضرر بعد عمليه الاجهاض و اضطررنا نشيله ، عن اذنكو
وضعت يمني يدها على فمها بصدمه و حزن على حبيبة
يوسف: مرات رعد متعرفش بالي حصل عشان نفسيتها زي ما الدكتور قال ، و ياريت متعرفش كمان بان رعد ف غيبوبه
سليم: تمام ، انا هنزل عند اداره المستشفى اشوف الحساب و اتكلم مع المدير
جلست يمني على المقعد واضعه يدها بين رأسها تنظر الي الأرض دموعها تتساقط دون وعي منها على صديقتها و زوجها ، جلس بجانبها بدر ينظر أمامه بشرود و لكن تذكر شئ و قال: انا اما روحت القصر ملقتش حمزه ، هو فين؟
مسحت يمني دموعها و قالت: حمزه جه يادوب دخل من أب القصر لقيناه خرج تاني بسرعه ، فكرنا أن حد منكو اتصل عليه
نفخ بدر بغيظ و اخرج هاتفه و قام بالاتصال ب حمزه
عند حمزه كان يجري بعربيه خلف عربيه يحاول اللحاق بها وجد هاتفه يرن برقم بدر
حمزه بهلع: بدر كويس انك اتصلت انا دلوقتي ع الطريق ماشي ورا عربيه فيها بنات رعد ، هات رجاله معاك و تعالى العربيه في وراها عربيه تاني مليانه ب بادي جارد باين عليهم مش مصريين هبعتلك اللوكيشن تعالى ع طول يا بدر
أغلق حمزه الخط بسرعه بينما نظرت يمني الي بدر باستغراب و قالت: في ايه حمزه كويس ؟
حرك بدر رأسه بالرفض و هم واقفا سريعا يهاتف سليم
سليم: ايه يا بدر انا اتكلمت مع مدير المستشفى ٠٠
بدر بسرعه: اسمع يا سليم "ثم حكي له ما حدث بسرعه و هو يتجه الي الأسفل يستقل المصعد"
نزل الي الأسفل سريعا وجد سلمي ينتظره يتحدث مع احد في الهاتف
سليم بغضب و صوت عالي: أنجز يا مرواااان فيحن ايه الي انت مع مراتك فيهااا
الظابط مروان: يبني انا مش فاهم منك حاجة فهمني طيب؟
سليم: بقولك٠٠٠" ثم حكي له ما حدث"
مروان: تمام تمام انا جاي حالا بس متتحركش م المستشفى عشان احتمال تكونو كلكو متراقبين ٠٠ أنا هجيب قوه و اجي
افكركو بمروان. " الظابط مروان صاحب يوسف و يبقى زوج مريم اخت يوسف و الي ساعد مريم قبل كده اما كانت ف القسم ف الجزء الأول"
أنت تقرأ
عشق اولاد القناوي
Romanceاولاد أكبر عائله ف الصعيد ، طباعهم مختلفه و لكن يتفقون في شئ و هو العشق ٠
