عشق اولاد القناوي

الرابع و العشرون من الجزء الثاني

كاد رعد أن يرد على مالك و لكنه تفاجأ ب يوسف يجري عليه يقول بلهفه: رعد لسه قافل معايا تليفون مش عارف من مين بس بيقول ان دي قرصة ودن و المره الجايه هتكون مراتي لو ابني قام منها اصلا. !

لو كان لـ عقل رعد لكان صرخ فيهم انه لا يستطع تدارك هذا الكم من المعلومات ، و لكنه تدارك انه لا يوجد وقت ف قال بجدية: لا تعالو انتو الاتنين بعيد هنا خلوني الحق المصيبة الي هتحصل دي قبل ما تنزل على دماغنا

يوسف باستغراب: مصيبة ايه الي هتحصل تاني ٠٠ هو في اكتر من الي بيحصل دلوقتي

تدخل مالك و قال: تعالى يا يوسف باشا احنا هنفهمك ٠٠ و انت برضو تفهمنا مين الي اتصل بيك و قالك ايه بالتفصيل

تحرك معهم يوسف و هو يتحرك بصعوبة ف قدماه غير قادرة على حملة ، الخوف ينهش قلبة على ولده و زوجتة ، وقفو في ركن بعيد عن الجميع ف قال رعد: قولي بسرعة الي اتقالك بالتفصيل عشان مفيش وقت

يوسف: واحد رن عليا بس تقريبًا مستخدم برنامج تغيير صوت لأن الصوت كان بشع اوي ٠٠ و قالي ان الي حصل ل إياد ده مجرد تحذير و قرصة ودن و ان انا لو مستلمتش الصفقة الأدوية الي داخلة مصر هيقتلو مراتي   ٠٠ و المصيبة انه قالي انها لو اتقفشت ف هي ب اسمي و ان دي الشحنة الأولى الي مش مأمنين عليها يعني هتيجي معايا بالحظ يا تتقفش يا لا يا أيما اقول لا و مراتي و ابني يموتو ٠٠ و قالولي ابعتلك سلامات

قُبض قلب رعد من الخوف بعد آخر كلمات يوسف و قال: متقلقش خير ان شاء الله المهم دلوقتي حوار الشحنة ده احنا مش هنقدر نخلصة لوحدنا لازم الشرطة تعرف

مالك:نفس رأيي دول باين عليهم انها ناس
خطيرة
رعد بسخريه: ناس خطيرة ! دول مافيا يا مالك لو لسه معرفتش يعني ٠٠ انا الي شاغل دماغي دلوقتي هو اشمعنا اختارو يوسف بالذات يدخلوه معاهم في المنظمة دي ؟

مالك بتفكير: ممكن يكونو مثلا بينهم عداوة و حبو يلبسوة مثلا

رعد: و ده الي جه ف دماغي برضو ٠٠ المهم دلوقتي يا يوسف زي ما قولتلك متعملش اي حاجه احنا هندخل الشرطة من عزي ما حد يعرف

يوسف برفض: لا طبعاً هما هيعرفو بقولك يا رعد دول كانو بيدخلو كل الشحنات قبل كده بتحالف مع ناس من الحكومة عشان يعدو تمام ٠٠ تيجي دلوقتي و تقولي نكلم الشرطة

مالك: طب انا عندي اخويا ظابط في الجيش ممكن اكلمة و يساعدنا و ده الوحيد الي اضمنة بحياتي

رعد باستغراب: اخوك ازاي و انت وحيد اهلك؟.

مالك بهدوء: هو مش اخويا من والدي و والدتي هو اخويا في الرضاعة و عايش معانا في العمارة و كده و اهلي بيعتبروه ابنهم و هما برضو كده

يوسف: انت ازاي عرفت يا رعد انه مش عنده اخوات و انت دي تاني مره تشوفة

رعد ببرود: تفتكر هسمح لحد يدخل بيتي من غير ما اعرف هو مين؟ هبقي اقولكو ايه علاقتي ب مالك بعدين ٠٠ دلوقتي عز تعبان و إياد في العمليات و مفيش حد من الشباب غير زيدان و سامر و دول هيفضلو هنا عشان يخلو بالهم من أياد و عز ٠٠ المشكلة دلوقتي في البنات الي ف البيت دول هعمل معاهم ايه ٠٠ خايف ابعتلهم حراسة ميقدروش يحموهم برضو