عشق اولاد القناوي

الفصل 10 الجزء الثاني

لا حول ولا قوة الا بالله العلي العظيم ♥️

في صباح يوم جديد فاقت حبيبة ع يد لطيفه تسير على وجهها ٠٠ فتحت حبيبة عينيها تنظر الي صاحب يد بصدمه ممزوجه بفرحه

وجدت تميم ولدها بملامحه الطفوليه ولاكنها زابله ابتسمت حبيبة بفرح وقفزت سريعا تعتصره في احضانها: عيون ماما وحشتني موت ٠٠ اخبارك ايه يا حبيبي بتاكل كويس؟ انت وشك بهتان ليه كده؟ حبيبي انت كويس؟

اومأ لها تميم بالإيجاب يحتضنها مره اخرى و الدموع تنزل من عينيه: وحشتيني يا ماما اوي وبابا و ملك و ملوك كمان

نزلت الدموع من عيني حبيبة ثم قالت و هي تمشي يدها على ظهره بحنان: ملك و ملوك و بابا كويسين يا حبيبي متقلقش ٠٠ المهم زيدان فين و رحيم و عز

خرج تميم من احضانها فأخذته حبيبة و جلسو على مقعد بعيد عن فراش رعد ف قال تميم:  زيدان تحت مع عمو سليم و عز هناك تقريبا مش بيخرج من المكتبه و المختبر بتاعه و رحيم فالبيت طنط يمني هتجيبه النهارده و تيجي

حبيبة بحنان: و انت و اخواتك عاملين ايه يا حبيبي ٠٠ قاعدين فين و بتاكلو كويس ولا لا؟ متزعلش مني عشان مكنتش معاكو الفتره الي فاتت

تميم: متقلقيش يا ماما انا عارف انك كنتي تعبانه و بابا برضو تعبان..

"نظرت حبيبة إلى رعد المستلقي على الفراش بحزن ف اكمل تميم" : زيدان واخد باله مننا و كان كل يوم يتخانق عشان يجي هنا يشوفك و كانت مريم بنت عمو سليم حبيبة القلب بتهديه ٠٠ و رحيم كان بيرضع م اللبن الصناعي متقلقيش سمعتهم بيقولو كده ٠٠ و عز زي مانتي عارفه ٠٠ و ملك و ملوك بقا

تبدلت ملامح تميم المتحمسه الي حزينه عند تذكره ل اختيه ف هما كانا أقرب ل بعضهما ف كانو الثلاثه ك الروح الواحده

ملست حبيبة على وجهه بحنان و قالت: متقلقش يا حبيبي بابا استرونج مان و هيفوق و يرجع اخواتك ثق فينا ٠٠ المهم الاستاذ الي بيحفظكو الكتاب بتحفظو معاه كويس ولا بتلعبو عشان مش معاكو؟

تميم بحنق:و دي تفوت يمني برضو ٠٠ دي قعدالنا كلنا ف القصر هنا ب ايد المقشه و الشبشب بتاعها طاير ع طول ف الهوا

حبيبة: ايوه كده عايزاكو حافظين القرآن يا حبيبي ٠٠ المهم اقعد هنا جمب بابا اتكلم معاه شويه عقبال ما
اصلي و نشوف عمو يجيبلنا باقي اخواتك اشوفهم

اومأ لها تميم بالإيجاب و اتجه يجلس بجانب والده
يمسك بيده بتوتر يقول بطفوليه: انت عارف يا بابا لو فوقت مش هنزهقك تاني انا و ملك و ملوك و هنبقي محترمين ٠٠ ومش هنكسر اللاب توب بتاعك و الله ٠٠ ولا هنرمي المشاكل على حبيبة هنبقي كويسين ٠٠ ومش هنقولك يا رعد باشا و هنقولك يا بابا

ثم قبّل يد رعد و قال: انا بحبك اوي يا بابا

سمعته حبيبة و هي تخرج من المرحاض فاتجهت إليه تحتضن رأسها تقول بحنان: يلا يا حبيب ماما قوم اتوضي عشان نصلي سوا