عشق اولاد القناوي

الثالث و الثلاثين ٠٠ الخاتمه♥️

ي بابااااا اصحى ي باباااااا
"قالتها ملوك و هي تهز النائم"

رعد بنعاس: هعد تلاته يا ملوك و الاقيكي اتبخرتي من الاوضه

ملوك بحنق: يا بابا حضرتك من وقت ما جيت من الشركه و انت نايم ٠٠٠ اصحى المغرب هيأذن

رعد بهدوء: واحد ٠٠ اتنين

اختفت من امامه ملوك سريعا بينما رعد تململ على السرير و قال: ماشي يا حبيبة الكلب ٠٠٠ كل يوم كدهو ابعتي حد من العصابه ٠٠ من عشر سنين بس كنت بصحي و انام تكون حبيبة جمبي نايمه في هدوء

نهض رعد من السرير و خطي عده خطوات و لكنه وجد من يمسك برجله من الأسفل نظر رعد إليه وجد طفل يضحك و يقول بلطافه: بتاباتتت. "بابا"
ضحك رعد و حمله بحب ثم قبله من خده و قال بحب: قلب بابا ٠٠٠ اكيد ماما سرحتك انت كمان على هنا

رحيم و هو يضحك بدون فهم: تتيتاتاتيتتيت

رعد بضحك وهو يقبله من خده: انت كمان بتشتم ٠٠ تعالى بس نشوف ماما بتعمل ايه

عند حبيبة في المطبخ
حبيبة بعصبيه: حالا اعرف مييين كسر باب التلااااااجه

الأطفال و هو واضعون رأسهم في الأرض دون كلام
حبيبة بعصبيه و صوت عالي: انطقوووو ٠٠٠ احسن و الله مش هفطركووو هسيبكو صايمين كدهو

حبيبة بصوت واطي: ايه الفشخه الكدابه دي قال يعني هيهونو عليا

رفع الأطفال وجههم إليها و نظرو لها باستعطاف و قال زيدان الابن الأكبر: يا ماما احنا صحينا لقيناه كده ممكن يكون قطه

حبيبة بضعف: يا قلب ماما انا قولت برضو انكو مش ممكن تعملو كده ٠٠٠ اه عادي ممكن قطه هي الي تكسر الباب

ملك بمسكنه: اه يا ماما اكيد القطه هي الي عملت كده ٠٠٠ كنتي ظالمانا يا ماما

حبيبة بضعف: اسفه يا حبيبتي ٠٠٠ مش عارفه فكرت فيكو كده ازاي

دخل رعد إليهم و هو حامل رحيم و يلاعبه وجد حبيبة تقف أمامها الأطفال تنظر إليهم بحزن ف خمن ما حدث كالعاده: واقفين ليه كده ٠٠٠ هببو ايه المره دي يا حبيبتي

حبيبة بدفاع: لا انا عيالي مش بيغلطو ٠٠٠ حبايب ماما انا كنت ظالماهم يا رعد

رعد بسخريه: متأكده ٠٠ طب بس عرفيني ايه حصل

حبيبة: القطه هي الي كسرت باب التلاجه

ضحك رعد و قال بسخريه: يا عين امك و انتي كمان صدقتيهم المره دي ٠٠٠ إلى كسر باب التلاجه يتقدم خطوه لقداااام

في لحظه كانت العصابه جميعها متقدمه خطوه للامام
نظرت لهم حبيبة بصدمه فاقترب منها رعد و قال بسخريه: مصدومه ليه يا حببتي هي دي اول مره يعني

حبيبة بصدمه: ضحكو عليا يا رعد ٠٠٠ ضحكو عليا زي كل مره ٠٠٠ انا مش بتوب ليه

رعد بتثبيت: لأنك طيبه و عارفين ان ب كلمه منهم على نظره برائه بيخلصو الموضوع