عشق اولاد القناوي

التاسع و الثلاثين من الجزء الثاني

ثم تابع رعد بصوت عالي:
ريلام مراتي و الي عايز يتقبل وجودها اهلا وسهلا و الي و مش عايز الباب يفوت ميت جمل مش جمل واحد ٠٠ و اظن كلامي واضح يا حبيبة هانم

وقفت حبيبة امامة و قالت بكبرياء أنثى لا ينكسر: البيت ده يبقى بيتي و انا الي تعبت طول السنين دي في اني اخلية قوي بحبي ٠٠ لو انت الي مش عاجبك القعده هنا ف انا عندي استعداد افتحلك بدل الباب الواحد عشره عشان تتفضل منه انت و البتاعه دي معاك

ثم التفت الي الواقفين ينظرون إليها بدهشه:
عن اذنكو البيت بيتكو انا هطلع بقا اريح شوية اليوم النهارده كان متعب اوي.

تركتهم حبيبة و اتجهت نحو الدرج حتى تصعد الي أعلى ،  كانت خطواتها ثابته هادئة كأن ما حدث قبل قليل لم يخلع قلبها من محله

عندما وصلت حبيبة امام رعد و المدعوه ريلام زوجته قالت ب كبرياء و هي تطالعهم بقرف:
طب على الاقل كنت نقي واحده أحلى ولا احسن مني بدل ما تتجوز دي ٠٠ كان المفروض تنقي حد يليق انه يبقى بعد حبيبة لأن مش اي حد ينفع يبقى بعدي

ثم تركتهم و اتجهت الي المطبخ و على وجهها نظرات الثقة الغرور  ، بعد فترة خرجت و هي حامله في يديها صينيه محملة ببعض الأطباق تقول في هدوء:
اليوم متعب اوي النهارده عان كده مش هقدر اتعشى معاكو على السفره ف هأكل فوق في اوضتى ٠٠ متنسوش تتعشو هيفوتكو نص عمركو

صاح بها شادي أخيها بحدة:
حبيبة انا مش هسمحلك تقعدي هنا دقيقه واحده و هتسافري معايا دلوقتي

نظر إليه رعد برعب خوفاََ من رد حبيبة ف قالت حبيبة بهدوء:
شادي حبيبي انا فهماك كويس و عارفة انك  حابب  اروح معاك ٠٠ بس ده بيتي ازاي اسيبة لحد تاني و امشي

تدخلت زوجة شادي:
افهمي شادي يا حبيبة هو حابب لنك تكوني مرتاحة ٠٠ تعالى اقعدي معانا فتره على الاقل

حبيبة في هدوء و هي تنظر إلى رعد:
و انا راحتي هنا في بيتي و سط عيالي ٠٠ و مهما حصل انا مش هسيب بيتي لحد

كانت حبيبة تتحدث في هدوء و لكنها تضغط على كلماتها بعنف ثم صعدت الي أعلى في هدوء
بعد صعود حبيبة الي أعلى اتجهت ملوك تقف امام والدها تقول بخواء:
كنت مثلي الأعلى و علاقتك انت و ماما كانت خيالية و كنت بتمنى ان شريك حياتي يبقى زيك

تابعت و هي تنظر الي ريلام بقرف:
بس لو هيجي يوم من الايام و يعمل معايا زي ما عملت مع ماما ف انا مش عايزه

تحركت خطوتان الي الأمام حتى قال رعد:
ده انا اقتله ولا يعمل فيكي كده

ابتسمت ملوك في سخريه دون أن ترد علية ف ردت علية ملك:
مانت عملت كده ف ماما و اتجوزت عليها لية مش عايز يحصل في بناتك كده.؟

لم يرد عليها رعد و نظر الي ريلام ثم اخذ يديها في يديه و اتجة الي حيث غرفة الضيوف حتى تصبح غرفتها