عشق اولاد القناوي

البارت الثاني عشر الجزء الثاني

لا حول ولا قوة الا بالله العلي العظيم واتوب اليه ♥️

قام رعد و قال: زيدان حصلني على المكتب

قام زيدان و اتجه خلف والده و بعد فتره خرج كان الجميع يضحك على ما يحدث بين تميم و التوأم
ف قال زيدان ببرود و ثبات: انا هتجوز مريم

نظر إليه الجميع بدهشه من قراره فاقترب رعد منه و قال  بسخريه من ولده: هي بتتقال كده يا متخلف انت

استند زيدان بظهره على الحائط جواره و قال ببرود و هو ينظر الي مريم المصدومه: مش مهم طريقة الطلب المهم النتيجه ٠٠ و مريم موافقه كده كده ٠٠ صح يا مريم؟

كانت مريم ما زالت غير واعيه لما يحدث حولها تنظر لنفسها باستغراب مضحك

ف قال سليم بحنق: دي بنتي الوحيده يا رعد عايزني اديها ل الفريزر الي جمبك ده

رعد بابتسامه: و مريم بنتي ومش هلاقيلها حد زي زيدان مش عشان ابني لا انت عارف ان مريم من غلاوته ٠٠ عشان فعلا زيدان راجل و هيحترم مريم و انت محتاج اني اقولك كده ٠٠ ده كفايه انه تربيتكو

سليم بحنق: مهو الي مخوفني انه تربيتنا

اعتدل زيدان في وقفته و نظر إليهم بسخريه ثم قال: رأي مريم هو الي هيمشي فالاخر ف انا عايز اتكلم معاها شويه لوحدنا

حور:  اه طبعا يا حبيبي حقك

نظر إليها سليم بغضب و قال بحنق: لا طبعا يقعد معاها لوحدها ليه ٠٠ مهو من ساعه ماتولدو و هما مع بعض

زيدان ببرود: عشان النهارده هقعد معاها و هتكلم معاها بنظره تانيه و هي زوجتي المستقبليه أن شاء الله

سليم: طب بس متقولش زوجتي المستقبليه دي

قلب رعد عينيه بملل و قال ببرود: قوم يا زيدان خد مريم و اخرجو اقعدو فالجنينه شويه ٠٠ و انتي اي مريم لو زيدان ضايقك ب اي حاجه انتي بس قولي يا عمو و هتلاقيني عندك ف ساعتها معلقه

و لكن أين مريم؟
مريم تنظر إليهم باستغراب ، عدت مرحله الدهشه و ها هي الآن في مرحله الاستغراب تنظر الي والدتها و حبيبة و فجر و يمني و كارلا يجهزون ملابس الزفاف ، ها هي والدتها تقول انها محتاره بين اللون الأزرق و الكاشمير
ماذا !  هي بالكاد تحاول استيعاب ما يحدث و والدتها تختار فستانها التي ستحضر بيه حفل زفافها !

فاقت على صوت حمزه يقول: ايه يا قلب عمك هي الفرحه مش سيعاكي لدرجه الاستغراب ولا ايه

زيدان ببرود: اه يقلب ابن اخوك هي الفرحه مش سيعاها ٠٠ يلا يا مريم نخرج الجنينه

قامت مريم و اتجهت الي الخارج بينما اتجه زيدان الي عمه حمزه و مال عليه يهمس بحده: عمي مش عايزك تزعل مني لأنك لو زعلت بابا هيزعل و انا كلو الا زعل بابا معلش ٠٠ عشان كده كلمه يا قلب عمك دي متتقالش تاني ولا اي حاجه شبيها ليها