عشق اولاد القناوي

البارت الرابع عشر الجزء الثاني

سبحان الله وبحمده عدد خلقه ورضا نفسه وزنة عرشه ومداد كلماته ♥️

جرس الباب قد رن ، ف قامت ملك و فتحت الباب وجدت تميم و بجانبه بنت جميله قصيره جسدها متناسق ذات بشره قمحيه و عيون من اللون العسلي و الرموش الكثيفه و شعر من اللون الكستنائي يتماشى مع لون بشرتها ،  ترتدي بلوزه من اللون الأزرق تصل الي الركبه اسفلها بنطلون ابيض و كوتش ابيض

سمعت ملك من خلفها صوت والدها يسرع الي الباب يقول بسعاده: نور حبيبة قلبي

نور بفرحة و هي تدخل احضانه: حبيبي يا عمو ميسد يو جداا

أخرجها رعد من احضانه و قال بابتسامه: انتي اكتر يا قلب عمو ٠٠جيتي امتا و ليه مقولتلناش عشان نيجي نستقبلك

نور بابتسامه هادئه: كنت عايزه اعملها مفاجأه ليكو و جيت التاكسي نزلني ع اول الطريق هنا و للأسف نسيت مكان القصر الكبير و بيت حضرتك قابلني الأول و في لافته قدام البيت هنا مكتوب عليها رعد القناوي ف دخلت ع طول بقا

تميم بسماجه:  و قابلتني

حبيبة من خلفه بغيره: خلاص يا رعد ده انت عمها جدا ابعد عنها بقا

ثم اقتربت نور منها و قالت بحب: احلى مرات عموو في الدنيا وحشاني مووت

احضتنها حبيبة و مسدت على ظهرها بحنان: انتي اكتر يا حبيبتي ٠٠ حمدلله على سلامتك

ملك و ملوك من خلفهم بتطفل: بابا بابا باشا باشا باشا باشا

رعد بصوت عالي: عااااايزين اييييه

ملك: مين دي يحج من امتا و انت بتجيب نسوان البيت عيني عينك كده

ملوك: لا و الغريبه أن حبيبة بتحضنها كمان و مبسوطه

ملك: حبيبة بقت روحها رياضيه اوي

تميم: بس يا باشا دي مش صغيره عليك ولا ايه

ملوك: اه و الله يا تميم يا اخويا دي تنفعك انت

كانت نور و حبيبة ينظرون الي بعض باستنكار ف قال رعد بسخريه: ها و ايه كمان يا حبايب بابا

ثم تابع بغضب: اتلم يا سافل انت و الراقصتين دول انا لو عايز اجيب نسوان اكيد مش هجيب هنا فالبيت

حبيبة بغصب: ررررررعد

رعد بخضه: يا حبيبتي قصدي مستحيل اخون حبيبة قلبي انتي ناسيه قصة حُبنا الاسطوريه ولا ايه

كانت نور تضحك عليهم بصمت و لكن تدخلت أخيراً و قالت و هي تضحك: انا نور بنت عمكو حمزه الي سافرت من الثانويه ل أمريكا عشان اخد الثانويه و الجامعه هناك ٠٠ انتو ازاي نستوني؟

تميم بسرعه: طب ع فكره بقا كنت حاسس انها تقربلنا

ملك: و انا كمان يأخي سبحان الله ٠٠ اصل الحج رعد مش هيروح يحضن بنت كده و كمان قدام حبيبة