عشق اولاد القناوي

السادس و العشرون من الجزء الثاني

صرخت رحمة فية تقول بغضب: متقولش عني كده ٠٠ مش انا السبب في الي وصلناله ده ابووووك

صمت عز للحظات يحاول أن يدرك ما تفوهت به رحمة َ قال باستغراب: و بابا ماله؟ بابا الي خلاكي تبعدي عني؟
اغمضت رحمة عينيها بندم على تفوها بهذه الكلمات البسيطه و لكن حتماً ستؤدي الي حرب ،  اعطيته ظهرها و قالت بنبره جاهدت ف أن تكون هادئة: ايوة باباك الي خلاني ابعد عنك ٠٠ معاملته ليا هو و اهلك و كرهم ليا ٠٠ ذنبي ايه ان والدي أعماله كانت مشبوهه

ثم أكملت بدموع و هي تستدير اليه: و انت اكتر حد عارف اني بعدت عن والدي عشان أعماله دي ٠٠ يعني مش انت لوحدك الي ضحيت ف العلاقة دي ٠٠ على الأقل انت  اهلك معاك و بيحبوك و بتحبهم إنما أنا ماما ماتت من و انا صغيره و بابا كان كل حياتي و مثلي الأعلى و عرفت بالي هو بيعمله و بعدت عنه ٠٠ و اول كلمة مامتك قالتها ليا ايه؟
فاكر ولا لا؟  فاكر و احنا مخطوبين و انا جيت عندكو اشوفك مجيتش الكلية ليه اول ما دخلت من الباب بتاع الڨيله هي قالتلي اهلا ب بنت تاجر المخدرات مع اني قولتلك متقولش ل حد يا عز انا مش عايزه حد يكسر عيني أو يبصلي ب نظره شفقة ٠٠ و انا حكيتلك لاني معنديش غيرك و انت روحت حكيت ل مامتك و اتاهنت جدا في اليوم ده

عز بغضب: انا مقولتهاش حاجة و الله ما قولتلها هي الي سمعتني و انا بكلمك في التليفون قيل ما اجيلك و راحت قالت ل بابا

نظرت اليه رحمة بسخريه و هي تمسح عينيها ف اكمل عز: و كل الي بتقولية ده ميغفرش ليكي الي انتي عملتيه فيا ٠٠ ماما عرفت ب أعمال والدك و انا اخدتك من وراهم و اتجوزتك ٠٠ و مسيبتكيش ف اي وقت انتي محتجاني فيه إنما أنتي عملتي ايه؟. سيبتيني عشان احتمال بسيط خالص اني ممكن ممشيش تاني؟

رحمة: إلى بيحب مبيقولش انا عملت عشانك كذا و كذا ٠٠ بيدي بدون مقابل حتى لو هيتوجع

ثم أخذت نفس عميق و اتجهت الي حقيبتها تحملها تتجه الي الباب و لكنها توقفت قبل أن تخطو خارج و لكنها توقفت و قالت بهدوء: لولا الي انا عملته و بعدي عنك وقتها مكنتش هتبقى بتكلمني دلوقتي

و غادرت سريعاً قبل أن يرد عليها ، تاركه عز خلفها يحاول استيعاب ما قالت و ماذا تقصد ٠
_ و لكن ما سبب بُعدها عنها من قبل ؟

يابنتي اتهدي بقا شركة ايه الي عايزه تيجي معايا فيها ف الظروف دي؟
"نطق زيدان بهذه الكلمات و هو يحاول أبعاد مريم الملتصقه فيه بعيداََ عنه"

قالت مريم و هي تحرك يدها في الهواء
و تقول بطريقه شعبية أو ما يسمي "الردح" : و انت عايزني اسيبك تروح الشركة و ست زفته دي جايه تاني

زيدان: يابنتي ما الدنيا كلها عرفت اني اتنيلت اتكتب كتابي ٠٠ و ست الزفته دي انتي ضربتيها مره يعني اكيد مش هتبصلي تاني ٠٠ خليكي هنا بقا علشان مبقاش خايف عليكي كفايه الي بيحصل حواليا