عشق اولاد القناوي

العشرون من الجزء الثاني

سبحان الله وبحمده سبحان الله العظيم ♥️

رعد بغضب: انت فرحان؟؟  طب على جثتي أن الجوازه دي تتم

بارك الله لكما و بارك عليكما و جمع بينكما في الخير
"كانت هذه كلمات المأزون الي صدعت في المنزل في الأمس يتبعها أصوات الزغاريد العاليه"

كانت مريم تصفق بيدها و الابتسامه تغزو وجهها بينما زيدان ينظر إليها في سخريه لها ، كانت النساء جميعهم الفرحه تظهر بشكل واضح على وجههم بينما سليم كان ينظر لها بغضب و الحدة تملئ قسمات وجهه ، اما رعد ف كان ينظر بسخريه لما يحدث و لهذه الحمقاء التي وضعتهم في موقف يشبة ما فعله هو قديماً حتى يستطيع الزواج ب حبيبة ، كان ينظر بسخرية و يتردد في اذنة كلمة كما تُدين تُدان  !!

اقتربت سيلا منهم و هي تقول بسعاده: زغرطو يا نسوانه انتي و هي ده ف بيتنا عروسه

ارتفعت أصوات الزغاريد الفرحة في البيت و اقتربت منها باقي النساء تُبارك لها بينما رعد مال على إذن زيدان و قال بهمس: مبسوط يا حبيب ابوك

كانت السعاده تملئ قلب زيدان و لكنه علم بما يفكر والده ف ادعي البرود: حضرتك شوفت الي حصل مش ب ايدي بقا ٠٠ يعني انا مش غلطان

رعد بسخريه: و الله لو اتقلبت قرد مش هحلك انت و الحيوانه الي بقا مراتك دي

زيدان: ال و انا مالي يا لمبي؟

رعد ببرود: اهو كيفي كده ٠٠ أوعي تكون فاكر اني مأخدتش بالي و انت بتشاور ل مريم على الوزير الي كان لسه داخل من الباب عشان تروح جرى ترحب بيه و تقوله نورت يا فندم انا مريم الي هتبقى مرات زيدان القناوي كمان شويه

ابتسم زيدان ابتسامه غبيه و قال: انا كان قصدي تسكت عشان خاطر الوزير داخل

رعد: على بابا يلا ٠٠ لعلمك انا عرفت عمك سليم و هو حاليا مش طايقكو و بعد ما الناس تمشي هيكسركو ف بعض زي البيض و لسه دوري مجاش

ثم حرك نظره الي حبيبة و قال بصوت عالي: حبيبة قلبي تعالى ثانيه

ابتسمت له حبيبة و اتجهت إليه و هي تعدل من وضعيه حجابها ف قال رعد و هو يضع يديه على كتفها: تعالى اعرفك على الوزير و حرمه

ثم أخذها و ذهب الى حيث يقصد ، اما هنا عند مجتمع الشباب و الذي يتكون من ( تميم و رحيم و  نور و ملك و ملوك )

رحيم بحزن: انا حزين اوي بجد ٠٠ الواد خطف البت و اتجوزها على غفله هتجوز مين انا دلوقتي

تميم: متزعلش يابا هنشوفلنا انا و انت عروسه

رحيم: انا و انت عروسه واحده ازاي؟  لا يا حبيب اخوك دي الحاجه الوحيده الي منقدرش نتشاركها مش تيشرت هو

نظر إليه تميم بقرف و قال: دماغك القذره دي تتنضف الله يقرفك

تدخلت ملك و هي تقول: ما تشوفولي عريس انا كمان الإنسان حاسس انه خلل