Unicode
ပိုင်ယွဲ့မင်သည် Lamborghiniကားထဲက ဆင်းလာသည်.... ပိုင်ယွဲ့မင် ဘေးတွင်တော့ ကျိုးမိုရှန်းသည် ကားထဲတုန်းကလို ပြုံးပြီး နူးနူးညံ့ညံ့ ပုံစံမျိုးမဟုတ်တော့ဘဲ တည်ငြိမ်နေကာ သူ့ဘေးရှိ သူများဆီသို့ အေးစက်စက် အရှိန်အဝါများ ထုတ်လွှတ်နေသည်....။ ကျိုးမိုရှန်းသည် အတင်းကာရော ဓာတ်ပုံတွေ စွတ်ရိုက်နေသည့် သူများအား အေးစက်စက် တစ်ချက်ကြည့်လိုက်ရာ အကုန်ရပ်ကုန်ကြ၏...။
'အလိုက်ကန်းဆိုးမသိ..။ သူကတော့ အဆင်ပြေပေမယ့် သူ့ချစ်သူလေး ကြောက်နေရင် ဘယ်လိုလုပ်မလဲ '
ကျိုးမိုရှန်းသည် ပိုင်ယွဲ့မင်ဘက်လှည့်ကာ နူးနူးညံ့ညံ့လေးပြုံးပြီး ပိုင်စိုးပိုင်နင်းဖြင့် ပိုင်ယွဲ့မင် ၏လက်ဖဝါးတစ်ဖက်ကို ဆုပ်ကိုင်လိုက်ကာ
အသံကို နှိမ့်ပြီး
" မကြောက်နဲ့နော် သူတို့ကို ဂရုစိုက်မနေနဲ့ ကိုယ်တို့ ဘိုးဘိုးဆီသွား နှုတ်ဆက်ရအောင် "
ဟုဆိုကာ ကျိုးဘိုးဘိုးဆီသို့ ဝင်လာကြသည်...။ သတင်းထောက်များသည် မိုရှန်းတို့ ဝင်သွားသည် အထိ မလှုပ်ရဲကြချေ..။ မွေးနေ့ပွဲသို့ ဖိတ်စာရသူများသာ လာရသောကြောင့် သတင်းထောက်များသည် ဝင်ပေါက်ထိပ်တွင်သာ ကျန်နေခဲ့ကြသည်..။
ပိုင်ယွဲ့မင်သည် ကျိုးမိုရှန်းဆွဲခေါ်ရာသို့ လိုက်လာခဲ့ရာမှ သူ့အား တစ်စုံတစ်ယောက်က စိုက်ကြည့်နေသည်ဟု ခံစားရသောကြောင့် ပတ်ပတ်လည်အား စူးစမ်းဟန် တစ်ချက်ကြည့်လိုက်ရာ ပိုင်ယွဲ့မင်အား ပေါက်ထွက်မတတ်စိုက်ကြည့်နေသော ပင်းပင်းနန်အား တွေ့လိုက်ရသည်...။
ပင်းပင်းနန်သည် အကိုမိုရှန်း တစ်ယောက်ထဲလာမည်ထင်သော်လည်း ပါတနာခေါ်လာသောကြောင့် ဒေါသထွက်နေမိသည်...။ ထိုပါတနာသည် အကို မိုရှန်းစောင့်ရအောင် ကားထဲကနေ တော်တော်နှင့် မထွက်ရာ ဘယ်သူမှန်းလည်း သူမ မတွေ့ချေ..။ ကားထဲက ကောင်မ မူယာမာယာများနေတာနေမှာ... ။ သို့သော် အကိုမိုရှန်းသည် မိန်းမတွေနဲ့ ဝေးဝေးရှောင်သောကြောင့် ထိုမိန်းမသည် မိဘများ ဆန္ဒအရ တွေ့ရာ ပါတနာ ခေါ်လာတာသာဖြစ်ရမယ်ဟု စိတ်ထဲ ဖြေတွေးပေးလိုက်သည်..။
VOCÊ ESTÁ LENDO
အရန်ဇာတ်ကောင်ပြန်လည်ဝင်စားဖြင်းsystem
RomanceOnly Unicodeပါနော် Zawgyiဖတ်ချင်တဲ့ သူတွေ သာသာ့profile ထဲမှာ ရှိပါတွယ်နော်။ Zawgyiက သာသာ့ profileထဲမွာ သပ္သပ္တင္ထားပါတယ္ လီကျယ်တစ်ယောက်ရေသီးပီးသေဆုံးသွားခဲ့သည်.... ထို့နောက်တွင်တော့ အရန်ဇာတ်ကောင်ပြန်လည်ဝင်စားခြင်းststemနဲ့ချိတ်ဆက်မိပီး ကမ်ဘာပတ် mis...
