ခန်းမအတွင်း ကြိုတင်ရောက်ရှိနေသူတစ်စုတို့သည် သူတို့၏ရှေ့ရှိ ဂီတဖျော်ဖြေမှုအား ကြည့်ရှုရင်း အရှင်အား စောင့်နေကြသည်...။ နန်းတော်တစ်ခုလုံး မြိုင်ဆိုင်စွာတီးခတ်နေသော တူရိယာသံများသည် ပျော်ရွှင်မှုများအတိလွှမ်းလျက်။
ရုတ်တရက်တိတ်ဆိတ်သွားသော ခန်းမဆောင်ကြောင့် ပွဲလာ ဧည့်သည်တော်များ သိလိုက်သည်က အရှင်ကြွလာချေပြီ။
ရွှေရောင်နှင့် အဖြူရောင်ရောစပ်ထားသည့် ဝတ်စုံအားဝတ်ဆင်ထားသည့်သူသည် ရှည်လျားသည့် အရပ်နှင့် တည်တင်းထားသော နှုတ်ခမ်းပါးတို့ဖြင့် မိန်းမပျိုလေးများ၏ ပါးနှစ်ဖက်အား နီရဲစေသည်အထိ ဆွဲဆောင်မှုပြင်းသည်...။ တည့်တည့်မကြည့်ဝံသော မိန်းမပျိုလေးတစ်ချို့သည် ခိုးငဲ့ကြည့်ကာ နီရဲရဲပါးနှစ်ဖက်ဖြင့် ရှက်ပြုံးလေးများပန်ဆင်လျက်....။
ထိုအမျိုးသားသည် အခြားမဟုတ် အင်ပါယာအရှင်အဲလက်စ်ဖြစ်သည်...။
Charles၏ လက်တစ်ဖက်ကိုဆွဲကိုင်လျက် ဝင်လာသော Alexသည် မည်သူ့ကိုမျှ အထူးတလည် ငဲ့စောင်းမကြည့်ဘဲ သူ၏ဦးတည်ရာသည် ပြင်ဆင်ထားသော နေရာဆီသို့... ။
Charlesသည် သူ့အား ဧကရီနေရာတွင်ထိုင်စေသူကြောင့် စိတ်ထဲတွင် မရှင်းလင်းမှုများ ပေါ်ပေါက်လာသည်...။ အခုမှ အဖြေပေးထားတာလေ...။ ချက်ချင်းကြီး...။ သို့သော် Charlesသည် သူ၏ ညီအစ်ကိုကောင်း (တစ်ချက်တစ်ချက် အလိုက်ကန်းဆိုးမသိခုန်လာတဲ့ ရင်ခုန်သံတွေကို ထည့်မတွက်ရင်)အား အပြည့်အဝယုံကြည်သည်ဖြစ်ရာ ဧကရီထိုင်ခုံတွင် သာထိုင်လိုက်သည်...။
အရိုအသေပေးလျက်ရှိသော သူတို့၏ ခေါင်းများပြန်အမော့မြင်လိုက်ရသည်က သူတို့ရဲ့ဧကရီထိုင်ခုံမှာ ထိုင်နေတဲ့ ယောက်ျားတစ်ယောက်....။ တိတိကျကျပြောရရင် အရှင့်ထက်မသာရင်တောင် အရှင့်အောက်မလျော့သော အရှိန်အဝါများဖြင့် ချောမောတဲ့ အမျိုးသားတစ်ယောက်...။
အတိုင်ပင်ခံအမတ်တို့၏ မျက်နှာများသည် ရုတ်ခြည်းပျက်ယွင်းသွားကြသည်...။ ပွဲလာဧည့်သည်များသည်လည်း တစ်ယောက်နဲ့တစ်ယောက်ကြည့်ကာ အထူးအဆန်းဖြစ်လျက်...။ ဧကရီနေရာသည် ဘယ်လောက်တောင် အထွဋ်အထိပ်ထားရသည့် နေရာမျိုးဆိုတာ သိလျက်နှင့် အရှင်သည် အမျိုးသားတစ်ယောက်အားထိုင်စေသည်...။
ESTÁS LEYENDO
အရန်ဇာတ်ကောင်ပြန်လည်ဝင်စားဖြင်းsystem
RomanceOnly Unicodeပါနော် Zawgyiဖတ်ချင်တဲ့ သူတွေ သာသာ့profile ထဲမှာ ရှိပါတွယ်နော်။ Zawgyiက သာသာ့ profileထဲမွာ သပ္သပ္တင္ထားပါတယ္ လီကျယ်တစ်ယောက်ရေသီးပီးသေဆုံးသွားခဲ့သည်.... ထို့နောက်တွင်တော့ အရန်ဇာတ်ကောင်ပြန်လည်ဝင်စားခြင်းststemနဲ့ချိတ်ဆက်မိပီး ကမ်ဘာပတ် mis...
