اكتئاب صغيرة ( بقلمي : إيمان أيمن ♥ )

الفصل الرابع عشر

متنسوش النجمة يا قمررات ♡

    ـــــــــــــــــــــــــــــــــــــــــــــــــــــــــــــــــــــــــــ

ومن أجمل ما قيل عن الحب ( يا ليتني كنت مبتدأ عشان أخد ضمه ) 🎀💖

أشرقت شمس يوم جديد تحمل في ضوئها الكثير لـ أبطالنا..

عند ادم

أستيقظ بعد نوم دام لـ أحدي عشر ساعة.. نظر الي رحمة التي كانت توقظه بنفاذ صبر وأردف :- هو أنا نمت كتير..؟

رحمة بسخرية :- حداشر ساعة بس..

ادم بأيماء :- أهاا.. طب كو.. " أكمل بصدمة " كاااااام..؟!!

رحمة بضحك علي ملامحه تلك والتي جعلته مثلما يقال " كيووت " جداً :- أهدي يا دومي.. محصلش حاجة يعني.. وبعدين ما أنت مش رايح الشركة النهاردة

ادم وهو يقوم ويأخذ منشفته :- أيوة.. بس رايح لـ علي

رحمة :- ما أحنا برضه رايحين وجهزنا كلنا وطلعت علشان أصحيك تجهز أنت كمان

ادم وهو يدلف الي الحمام :- تمام.. هخلص وأنزل

أخذ شاور وخرج وجد رحمة تجلس علي الفراش وكأنها تنتظره..

ادم :- نعم..؟

رحمة :- دومي..

ادم :- لا مادام دومي يبقي في مصيبة.. خير..؟!

رحمة :- أخس عليك يا وحش.. بقاا أنا وش مصايب..؟ أنا بس كنت هقولك خلينا نطقم مع بعض النهاردة

ادم :- وده من أمتي أنشاء الله..؟!

رحمة :- بص هفهمك.. أمبارح كنت سهرانة مع ياسمين وندي علي الماسنجر.. فـ أتفقنا أحنا الثلاثة هنلبس زي بعض.. وياسمين قالتلي هتخلي علي كمان يلبس حاجة شبهنا فـ أنا قولتلها أني هحاول أقنعك تطقم معانا.. ايه رأيك..؟؟!

ادم :- يعني مين اللي أقترحت الفكرة من الأساس..؟!

رحمة :- ياسمين

ادم وقد شرد قليلآ بها.. هي هادئة جداً لكن لديها بعض الأفكار المجنونة حقاً.. فاق من شروده علي رحمة التي أردفت :- ايه يا بني سرحت في ايه..؟؟ لو مش عاوز خلاص براحتك

ادم وهو يتوجه نحو غرفة ملابسه :- لا تمام أشطاا أنا موافق

رحمة بطفولية :- يسسس.. أستني بس أنت عارف هتلبس ايه..؟!

ادم وهو ينظر لها بسخرية :- أنتي غبية يا بت..؟! ما أكيد زي اللي أنتي لبساه.. بنطلون أسود وتيشرت أبيض

دلف وأغلق الباب.. لتردف رحمة بصوت عالي حتي يصله :- وكوتشي أبيض يا دومي هاا.. مش جزمة

جاءها صوته الحاد :- أمشي يا جزمة أطلعي برة