اكتئاب صغيرة ( بقلمي : إيمان أيمن ♥ )

الفصل السابع والثلاثون

~_بگيت ثم إبتسمت وقلت لآبأس سيٱخذني ٱلله ذآت يوم_~ 🖤✨

بالحديقة الخاصة لمنزل عائلة رسلان

كانت الأجواء أكثر من رائعة حيث فروع الأنوار والزينة المبهجة كان جميع الحاضرون للحفل في سعادة بالغة فمن لا يعرف آدم السويسي...؟ فهو من أجمل الشخصيات التي قابلوها قي حياتهم...

أما بالداخل وبالأخص غرفة ياسمين...

أنتهت الفتاة من وضع لمساتها الأخيرة علي وجه ياسمين لتردف بأبتسامة :- ماشاء الله تبارك الله قمر... يا بخته بيكي والله

ياسمين بضحكة بسيطة :- شكراً ربنا يخليكي أنتي أحلى

الفتاة وكانت تدعي شيماء :- مين ديه اللي أحلي...؟ لأ أنتي مسقلية بجمالك وده مش صح... حتي هتشوفي بنفسك البشمهندس آدم هيتنح في جمالك أزاي...؟!

أبتسمت ياسمين بخجل لتردف ندي وهي تقف أمامها :- وسعي أبت شمياء كدة... لما نشوف قمراية قلبي ديه...

ثم قامت بأحتضانها وهي تكمل بدموع :- يلهوي عالجمال... أنا لغاية دلوقتي مش مصدقة أن النهاردة كتب كتابك... وهيبقي عندي حد يشاركني فيكي

ياسمين بتأثر وهي تمسح دموع صديقتها أو دعوني أقول أختها :- محدش يقدر ياخد مكانك يا دودو... ده أنتي اللي في القلب

ندي بمرح :- ده علي أساس أن آدم في بنكرياسك يعني....؟

ياسمين بضحك وهي تحتضنها :- مفسدة اللحظات الجميلة.... بس بحبك والله

ندي بحزن وهي تشدد من أحتضانها :-
seni daha çok seviyorum kedim

قاطع لحظاتهم الجميلة والتي لم يشعر بها ألا الأصدقاء الحقيقيون... دلوف علي بعدما طرق علي الباب.... لينظر لها بشرود وأبتسامة حزينة علي وجهه.... فها هي طفلته الصغيرة التي كان يحملها ويلاعبها تقف أمامه... أصبحت عروس من أجمل العرائس... تقدم منها يقبل جبينها بحب ويردف :- بنوتي الصغننة كبرت وبقت عروسة

ضحكت بخفة وهي تحتضنه :- أنت أحسن أخ في الدنيا ديه... كنت ليا الأب والأم والصديق وساعات كنت بحسك أبني... ربنا يديمك في حياتي

علي بأبتسامة وهو يمسح دمعة هبطت منها :- ويديمك ليا يا أغلي من حياتي

رحمة بمرح :- الله الله يا سي علي.... أومال أنا ايه...؟!؟

علي بغمزة :- ده أنتي الحتة الشمال يا بت...

ندي بضحكة سخيفة :- شمال ولا يمين...؟ هعهععععع

علي بأشمئزاز وهو ينظر لها :- ألش رخيص

ندي بسماجة :- وماله نغليه...

علي وهو يرفع رأسه لأعلي :- يا الله يا ولي الصابرين... يا بنتي حد قالك أن دمك تقيل...؟

أنهي كلامه وهو ينظر لها بضحك لتردف الأخري بأبتسامة صفراء :- هبقي أخففه بشوية موية....