انتقام بعد منتصف الليل 🖤-- بقلم / ندا سعيد

part 3

ليل قلبها اتنفض علي صوت نغم : نغم ردي عليا
ومفيش رد
ليل بخوف : نغم.. الو .. ليل بتكلم نفسها ..انا هتصل ب بابا يتصرف
نغم بصوت ضحك عالي : يابت لا يابت يخربيتك ..
ليل بدهشة : نغمممممم .!!
نغم بضحك : هموت واشوف شكلك دلوقتي
ليل بغضب : انتي حيوانه اساسا.. حرام عليكي يا نغم يعني بجد انا خوفت اوي
نغم : ليل والله كنت بهزر معاكي ما انتي علطول بتعملي فيا مقالب
ليل سكتت وضحكت فجأة: هتموتيني ناقصة عمر حرام عليكي
نغم بضحك: وانتي اول حاجة تقولي هكلم بابا .. ياستي حتي كلمي اخويا ينقذني ولا نيلة
ليل : طيب ياختي لما يحصلك حاجة هبقي اتصل .. الطريق طويل جدا
نغم : ايوة .. حاجة نفخ بصراحة .. مفيش طيارة خاصة تسفرنا ياربي
ليل بضحك: ادعي بحاجة واقعية .. طيارة خاصة مرة واحدة .. لييييه
نغم : سيبيني اتخيل انتي زعلانة ليه
ليل : انتي حرة أحلامك دي هتخليكي تتصدمي من الواقع اللي احنا فيه
نغم : بت انتي فصيلة ليه.. انا هقفل وانام شوية
ليل : تنامي في الاتوبيس
نغم : ايوة مشبعتش توم لسه
ليل : ولا هتشبعي ... هبقي ارن عليكي كمان شوية ها
نغم : اشطا باي .
--------‐--------------------
بعد 3 ساعات وصلت ليل لآخر الطريق اخيرا وبتنزل  الشنط بتاعتها وبتاعت نغم ورنت عليها

نغم بتعب : اخيرا قربت اوصل انا تعبت جدا
ليل بتريقة: انتي نايمة طول الطريق اساسا
نغم : انا قربت اهو هي ساعة واكون عندك .. لقيتي جدك ولا لسه
ليل : لسه .. اقفلي طيب هتصل بيه

قفلت ليل واتصلت بجدها
ليل بفرحة: جدووو
" جد ليل شيخ كبير اسمه زاهر عنده 70 سنة الكل بيعمله حساب و بيحب يساعد الناس جدا ، وعايش طول حياته في البلد .. وبيخاف علي ليل جدا من اي حاجة "
الجد زاهر: انتي فين يا ليل في العربية مستنيكي من ساعتها
ليل : انا نزلت اهو .. قدام الموقف اهو
الجد : ايوة شوفك اهه
ظهر قدامها عربية سودة فخمة : واااو
زاهر نزل وابتسم بحنان وحضنها بحب : ايه اخبارك يا ليل .. ابوكي عامل ايه
ليل بحب : الحمدلله ، حضرتك كويس
زاهر : الحمدلله علي كل شئ .. بص باستغراب ل ليل : اومال فيه صاحبتك
ليل بتوتر: جدو صاحبتي هتيجي في الاتوبيس الجاي لسه بس متقولش ل بابا هو حصل مشكلة ف كل واحد ركب في مكان
زاهر : المهم انك بخير يابتي .. نستنوها في العربية
ليل : ماشي هي الشنط بتاعتها معايا
.......................
فات ساعة ووصلت نغم وركبت مع ليل
كل واحد وصل بيته
ليل بفرحة : اخيرا .. انا هموت وانام
زاهر ينادي علي بنت من اللي في المطبخ  :  طلعي الست ليل اوضتها وطلعي الاكل فوق ليها
ليل: شكرا.. هي فين بس وانا هطلع لوحدي
الست: اتفضلي يا هانم مفيهاش حاجة.
زاهر بصوت صارم : اطلعي معاها يا ليل ومتنزليش غير بكرة ارتاحي الاول ونامي وبكرة اعملي اللي عايزاه
ليل بتوتر : ماشي
...................
الساعة 2 بالليل صحت ليل
ليل بصت في ساعتها: يالهوي انا نمت كل ده
قامت بسرعة وغيرت هدومها وصلت وفتحت باب اوضتها عشان تخرج لقيته مقفول
ليل باستغراب وصوت واطي : هو الباب مقفول ليه
حاولت أكتر من مرة تفتحه بس فعلا هو مقفول بالمفتاح!!!!
ليل بتحاول تطمن نفسها : لا عادي.. ممكن يكون حد نسي مثلا وقفل الباب عادي ..
جريت للبلكونة تفتحها وتشوف اي حد يفتحلها بدل ما تصحي جدها.   فتحتها بهدوء تام
بصت من البلكونة ملقتش اي حد بس اكتشفت ان البلكونة كبيرة ولفة البيت كله من غير حواجز....بدأت تمشي ناحيه باب بلكونة تاني لعل وعسي يبقي مفتوح .

وصلت ل باب أوضة و زقته وفتح ودخلت .. اندهشت من كل حاجة شافتها ..
ليل بدهشة : ايه الحاجات دي ..
كانت كتب شكلها غريب مترتبة بشكل دائري في الأرض ،  ولوحات برسومات غريبة متعلقة وبس كدة حتي مفيش مكتب ولا مكتبة ولا اي حاجة.
لفت نظرها كتاب كبير بغلاف فضي في ركن من أركان الاوضة مسكته فتحته بعشوائية لصفحة 147 وبدأت تقرأ
ليل باستغراب: انا مش فاهمه ولا ايه حاجة.. ايه ده

صوت رجولي جيه من وراها : مش فاهمه ايه بالظبط
لفت ليل بخضة وخوف وبصت حواليها بدهشة والشخص اللي لابس هدوم غريبة قدامها : انا فين .. حضرتك مين ؟
الراجل : انا داغر
ليل بصلته ومبرقة عينيها ، كان راجل طويل بالنسبالها وعريض بعيون زرقاء شبه عينيها وشعر اسود : داغر !! اسمك داغر .. انا فين طيب
بدأت تمسك دماغها بخوف : انا بحلم اكيد  ، ايه المكان ده وجيت هنا ازاي
داغر ابتسم : انتي حلوة اوي
ليل بخجل: طيب شكرا .. ممكن ترجعني تاني البيت ،
داغر : بس طالما جيتي هنا يبقي دوري اساعدك واوريكي الناس اللي حواليكي عاملة ازاي
ليل : مش فاهمه
داغر : بصي يمينك وانتي تعرفي
لفت ليل وبصت من شباك مفتوح لقت جدها قاعد في أوضة عادية ومعاه رجالة كتير بيتكلموا
ليل بصوت عالي : جدووو .. جدو الحقني ،جدو
الجد زاهر : ايوة يا جماعة خلاص ليل بت اخوي جت وهترجع كمان يومين مش هينفع تتجوز دلوقت
واحد من الرجال : لا يا حاج انت مترضاش بالظلم،  بينا طار من زمان و عشان مايحصلش مشاكل لازم بتكوا تتجوز ابننا ده اتفقنا زمان .واحنا مستنين
الجد بتفكير : طيب علي خيرة الله .. الاسبوع الجاي الفرح
سكتت ليل بعد صدمتها وقالت لنفسها : جواز ... انا مش هتجوز لا .. زعقت بصوت عالي : يا جدو قوله اني مش هتجوز ، انت مترضاش يحصل معايا كدة
بس محدش سامعها
داغر : متزعليش محدش يقدر يعملك حاجة
ليل بدموع : جدو هيجوزني فعلا
داغر : ميقدرش
ليل : ليه
داغر : عشان نصيبك في مكان تاني
ليل : وانت عرفت منين او هو يعني هيعرف ده منين
داغر : هو عارف وعارف انك هنا
ليل قامت بفزع  : عارف
داغر ابتسم : ايوة عارف اومال سابك تدخلي اوضته بالسهولة دي
ليل بتفكير : وجهه نظر بردو .. طب هرجع ازاي ..
داغر : انا هرجعك.. بس كل طلب  تطلبيه لازم اعرف السبب ولازم يبقي ليه مقابل
ليل : مش فاهمه
داغر : يعني انتي عايزة ترجعي ليه
ليل : عشان المكان ده غريب اكيد
داغر: وعشان ارجعك لازم تعملي حاجة ليا
ليل : حاجة ايه
داغر:......