انتقام بعد منتصف الليل 🖤-- بقلم / ندا سعيد

part 9

نغم بخضة : حصل ايه
محمد بيزعق لطارق : انت مجنون .. والله لو عملت اي تصرف ضايق البت تاني والله هتشوف اسلوب عمرك ما شوفته في حياتك
طارق بغضب : مش شايف عملت ايه
محمد : وانت مالك عملت ولا ما عملتش ... خالتها وجدتها معاها لو عملت حاجة غلط هيقولولها
طارق : يووه بقي اهو اللي حصل
نغم بصت ل ليل بقلق : ليل
ليل ميلت عليها : ايه
نغم : شوفي تسنيم اكيد حصل حاجة
خرجت ليل برة وقفلت الباب وراها
نغم : بابا حصل ايه
محمد : الاستاذ مد ايده علي تسنيم ..
نغم بدهشة : ايه .. انت اتجننت يا طارق .. بجد انت بقيت انسان غريب .. وانت مالك بيها
طارق : بتضحك وتتكلم مع الاستاذ يوسف .. مين ده كمان عشان تقف تهزر معاه وتيجي تتبجح في وشي
نغم : هي تعمل اللي عايزاه.. مش انت مكنتش عايزها .. ايه خلاك دلوقتي تعترض علي اسلوبها
محمد : روح اتاسفلها.. ولا الأسف هيعمل ايه بعد اللي عملته .
....................
فلاش باك #
تسنيم خرجت من الاوضة بعد ما طارق كان بيكلم ليل قعدت جنب جدتها بغضب
جدتها : يا ساتر يا رب
تسنيم ابتسمت بحزن : انا اهلكت مشاعري بما فيه الكفاية
يوسف قرب منهم : أستاذة تسنيم بس ممكن لحظة بس اقولك حاجة
قامت تسنيم معاه ووقفوا علي جنب
يوسف : انتي عارفة الدكتورة نغم هتمشي علي نظام ايه بعد الخروج
تسنيم : ايوة عرفت كل حاجة من الدكتور.. هي كلها كام شهر وترجع تمشي تاني
يوسف شاف طارق خرج بدأ ينفذ خطة نغم ف ابتسم وقال  : هي نغم علطول كدة
تسنيم : ازاي يعني
يوسف : مجنونة كدة .. لو تعرفي قالت ايه بعد ما خرجتوا
تسنيم ابتسمت : قالت ايه
يوسف : هتتجوزني
تسنيم ضحكت بشدة
يوسف ضحك: والله قالت كدة حتي اسألها جدتها ومامتها .. البنج اثر عليها خالص
تسنيم بضحك : والله لفضحها
طارق اتعصب من اسلوبها وصوتها العالي فقرب منهم
يوسف بصله بابتسامة: ايه الاخبار
طارق تجاهله وبص لتسنيم : واقفة هنا ليه
تسنيم بنظرات باردة  : انت شايف ايه
طارق : شايف واحدة واقفة بتضحك مع واحد متعرفهوش وبتتمرقع
تسنيم بعصبية : مسمحلكش.. انا محترمة غصب عنك .. شوف انت مالك مش طبيعي اساسا .. انت مجنون
طارق غضب عنه ضربها بالقلم
تسنيم اتصدمت من رد فعله بصتله بعيون مليانة دموع وغضب وعتاب و خرجت جري
يوسف بثبات : غلط اللي انت عملته ده .. انا اسف اني عملت مشكلة بس كنت بقولها علي اخت حضرتك واللي حصل في الاوضة مش اكتر هي كانت بتضحك عليها مش معايا .. اتمني تسمع الموضوع والحماية قبل رد الفعل السريع ده
باك#
ليل خرجت ليهم ملقتش تسنيم: هي فين
الجدة بقلق : جريت لبرة ويوسف حاول يلحقها بس ملقهاش
ليل : طب هاروح اشوفها فين
نزلت ليل و دورت في كل دور لحد ما خرجت من المستشفي.. لقت خيّال واقف قدام العربية مستنيها
ليل قربت منه بقلق : مشوفتش بنت خرجت جري من هنا بتعيط
خيّال بتفكير : لا
ليل : متأكد
خيّال : ايوة انا واقف هنا من ساعتها مشوفتش حد
ليل : طب هخش تاني ..بص استناني شوية بس هو حصل مشكلة هحلها واجي
خيّال ابتسملها : براحتك.. خدي وقتك
دخلت ليل تاني المستشفي تدور علي تسنيم لحد ما دخلت الحمام ولقيتها بتعيط علي آخرها وخدها معلم عليه ايد طارق
ليل حضنتها بحب : بس خلاص كفاية عياط
تسنيم بدموع : انا مش عارفة بيكرهني ليه .. حتي لو مش هيحبني عالاقل يتعامل عادي .
ليل ابتسمت: مش بيكرهك .. ده بيغير عليكي
تسنيم هدت شوية : بيغير .. هو اللي بيغير يضرب بنت
ليل : ماهي مش اول غيرة
تسنيم : مش فاهمه
ليل : عارفة لما دخل الاوضة عشان صوتنا كان عالي
تسنيم: ايوة
ليل : كان باصص عليكي مش علي اي حد فينا
تسنيم بخجل : بجد
ليل : اها انا لاحظت كدة .. استغربت انه وجهلي كلام اساسا ..
تسنيم قلبها دق بسرعة وتوتر : بس ده ضربني
ليل : استغلي بقي النقطة دي .. واتدلعي... خليه يدوخ عشان يصالحك
تسنيم : مش هعرف
ليل : لا تعرفي .. والا بقي هيصالحك والموضوع يرجع زي ما كان في الطبيعيي .. لكن خلي عندك طولة بال كدة وخليكي زعلانة يومين تلاته ولا حاجة
تسنيم : هحاول .. حطت ايدها علي خدها .. هي باينه اوي
ليل : اغسلي وشك بس ومش هتبان
بدأت تسنيم تهدي لحد ما بقت كويسة نوعا ما وطلعوا لنغم .. جرت عليها حنين ومحمد
حنين: انتي كويسة.. اسفة يا روحي حقك عليا انا
طارق واقف بعيد بصلها بحزن واسف ومش عارف يعمل ايه
تسنيم : محصلش حاجة مش مهم  انا هدخل لنغم
دخلت هي وليل
ليل : يا بنات انا همشي بقي خيّال برة مستنيني
تسنيم : مين خيال ده
ليل ضحكت  : خيال ايه .. اسمه خيّال
تسنيم : مين يعني
ليل لنفسها : فتي احلامي ... علت صوتها وقالت .. نغم تبقي تحكيلك... واه علفكرة انا لما هربت جبت رقم موبايل جديد برقم جديد ف هتلاقيني رقمي عند تسنيم وعموما كلمتك خمستلاف مرة .. يلا سلام بقي
نغم : سلام
......................
نزلت ليل وابتسمت لما شافت خيّال واقف بردو
ليل : انت واقف كدة ليه
خيّال : مستنيكي
ليل : مقعدتش في العربية ليه
خيّال : عادي يعني
خيّال فتحلها الباب وليل بتوتر ركبت
وهم في العربية موبايل خيّال رن
خيّال : ايه الاخبار
جد ليل : الحقني يا خيّال
خيّال بخضة : حصل ايه
الجد زاهر  : قتلوا هشام
خيّال بص ل ليل بقلق
خيّال : طب انا جاي ..وليل معايا
ليل بصتله باستفهام ومبتسمه: في ايه
خيّال : هانروح لجدك
ليل بقلق : حصل حاجة
خيّال : اهدي
ليل : هيجوزوني بالعافية صح
خيّال بضيق وحزن عليها : لا
ليل بقلق : اومال ايه
خيّال بحيرة مش عارف يقول ايه : لما نوصل هتعرفي
وصلوا بيت جد ليل لقوا ناس كتير قدام البيت
نزلت ليل جري ودخلت بخوف لقت جدها قاعد بحزن : فيه ايه
الجد زاهر طبطب عليها : ابوكي
ليل بدموع : بابا حصله ايه
الجد : اتقتل
ليل بصتله بصدمة وبصت حواليها مش شايفة حاجة واغمي عليها

فات 4 إيام من يوم الوفاة وليل في غيبوبة مش بتفوق
خيّال دخل للجد زاهر  كان قاعد جنبها : فيه جديد
زاهر : لا يابني
خيّال : هنعمل ايه
زاهر : مش عارف البنت دي شافت اللي محدش شافه ولسه هتشوف مش هيسبوها
خيّال : انا موافق علي طلبك القديم
زاهر بصله بحيرة: موافق تتجوزها
خيّال : ايوة
زاهر : ليه رفضت اول مرة
خيّال : عشان مش هاخد خطوة زي دي من غير سبب .. الاول كانت هتفضل موجودة في البيت لكن دلوقتي رجعت هنا والناس مستنية تفوق
زاهر : مش عارف اشكرك ازاي
خيّال : بس لو هي عرفت
زاهر : محدش هيقولها .. يلا بينا
........................
بالليل رجع زاهر وخيّال يطمنوا عليها
زاهر خرج وساب خيّال مع ليل
خيّال قرب منها ولمس خدها برفق : انا حاسس انك انتي اللي بدور عليها برغم اني مستاهلكيش حاسس بمشاعري بتنجذب ليكي بطريقة مخوفاني .. مسك ايديها وباسها بحب
بدأت ليل تتحرك
خيّال بعد عنها بسرعة
ليل فتحت عيونها بتعب وبصت لقت خيّال جانبها: انا عايزة اشرب
خيّال جابلها ماية بسرعة
ليل شربت وبعدها بثواني افتكرت كل حاجة وبدأت تعيط ..
خيّال اخدها في حضنه .. وهي مسكت فيه وقالت : بابا خلاص كدة معتش هشوفه تاني ..مبقاش عندي حد
خيّال : ششششش انا موجود و جدك موجود كمان
دخل الجد زاهر بفرحة حضن ليل : حمدلله عالسلامة. كفاية دموع.. ادعيله
ليل : محتاجة ابقي لوحدي
قعدت ليل عيطت كتير وبعدها اخدت شاور وصلت ودعت كتير .. وفكرت في كل حاجة واخدت قرار

نزلت لجدها بثبات وقوة غريبة
كان جدها وخيّال قاعدين وهي قاعدة قدامهم بنظرات ثابتة : انا اخدت قرار وهنفذه ومش عايزة مناقشة ولا كلام كتير
خيّال : ايه
ليل : انا هنتقم ل بابا