انتقام بعد منتصف الليل 🖤-- بقلم / ندا سعيد

part6

ليل فتحت عيونها بتعب لقت نفسها في أوضة غريبة عنها .. سقفها مزخرف مرسوم بدقة شديدة .. ساحر
الست هدي : انتي كويسة يابنتي
ليل بصتلها بتشوش : مين حضرتك
الست هدي : انا الدادة اللي شغالة في البيت هنا
ليل : وايه اللي حصلي
الست هدي : اغمي عليكي وانتي جاية هنا و الخيّال لحقك وجابك عشان الطريق صعب
ليل باستغراب: ايه الخيّال ده
ابتسمت الست هدي : البيه خيّال .. الناس كلها بتقوله الخيّال
ليل قامت فاجاة من مكانها : داغر
الست هدى كشرت : ايه داغر ده
ليل بفرحة غريبة : انا شوفت داغر ، ماهو مش معقولة موضوع الجواز يطلع حقيقي اكيد يبقي داغر حقيقي .. يعني مكنتش بحلم يومها
الست هدي بتضرب كف علي كف وبتقول في سرها: البت باينها مجنونة ولا ايه .. انا هقوم اشوف الخيّال فين يجي يلحقها
قمت الست هدي ف ليل مسكت فيها وقالت: حضرتك رايحة فين
الست هدي: هاروح بس اجيب حاجة وجاية .. خليكي هنا متتحركيش
ليل: طب هي دي اوضتي يعني ولا ايه
الست هدي : ايوة يا قمر دي اوضتك
ليل قعدت عالسرير بعد عدلت لبسها طرحتها وبتفكر هتعمل ايه بعد كدة : يعني جدو جابني هنا وبعدين يعني هفضل هربانة لحد امتي
...........................
الست هدي خبطت علي أوضة الخيّال برفق
خيّال : ادخلي يا دادة
هدي دخلت مبتسمة
خيّال : البتاعه اللي فوق دي صحت ولا لسه
هدي : اسمها ليل علفكرة
خيّال بصلها ورجع ببصره للورق اللي في ايده : ايوة صحت يعني ولا لسه
هدي: صحت .. بس غريبة جدا
خيّال بفضول بصلها
هدي : شافت واحد تقريبا او حاجة اسمها داغر ومصممة انها شافته وبتقول كلام غريب فوق .. انا شاكة في عقلها .. روح شوفها الا تعمل في نفسها حاجة.
خيّال بص للورق وقال بعدم اهتمام : الحاج زاهر قالي انها عاقلة عادي مش مجنونة يعني.. هتقعد هنا كام يوم مش اكتر هتاكل وتشرب وتنام مش اكتر من كدة ومتخرجش برة نهائي وإلا ..
هدي بسرعة : مفيش وإلا ...خلاص هقولها التعليمات
خيّال : تمام
خرجت هدي من الاوضة ، قفل خيّال الورق اللي في ايديه وقال : زيها زي غيرها يعني مش هتفرق عنهم كتير .
...................................
في بيت الجدة فادية
تسنيم صحت من النوم و لبست الاسدال و صلت : يارب قويني النهاردة يارب .. مش عايزة إبان زي الاول قدامه ... انا خلاص قررت انفذ اللي في دماغي
خلصت صلاة ووقفت قدام دولابها محتارة تلبس ايه
دخلت نغم لتسنيم : صحيتي ولا لسه
تسنيم بضحك : لسه .. اممم بقولك انا محتارة البس ايه .. عايزة اروح اشتري شوية حاجات
نغم بدأت تساعدها ولبست : مش هتيجي معايا بردو
نغم : ياروحي مش هعرف طارق زمانه جاي عشان الموضوع بتاع الجواز ده.. نشوف حل ف اكيد مش همشي وهو جاي عشاني
تسنيم ابتسمت بوجع علي اخر كلمة : تمام يا حببتي خلاص هاروح انا عشان الحق اجي بسرعة نشوف حل للموضوع بتاعك
تسنيم اخدت شنطتها وخرجت
نغم استوعبت بعدها الكلمة اللي قالتها : ياختااااي زمانها بتعيط .. مني لله .
.. لبست الاسدال بسرعة وخرجت ورا تسنيم
شافتها بتعدي الشارع.. راحت وراها ومرة واحدة عربية خبطتها
تسنيم بصت وراها شافت بنت واقعة قدام العربية غرقانة دم جريت تساعدها واتصدمت بأنها نغم
تسنيم بدموع وصريخ : لا لا لا نغم . فوقي... ساعدوني بالله عليكوا. .. نغم
نزل شاب من العربية بصدمة بسرعة: تعالي نوديها المستشفي بسرعة
ركبت تسنيم وحطت نغم براحة علي الكنبة اللي ورا .. وعمالة تعيط : يارب تبقي كويسة ، يارب
الشاب بصلها بحزن : والله يا انسه انا كنت ماشي عادي هي جريت مرة واحدة والله ربنا يعلم.. انا بركز في السواقة والله طول الطريق
تسنيم : يارب بس تفوق .. انا هموت لو جرالها حاجة
الشاب سكت وبيدعي في سره تبقي كويسة
وصلوا المستشفي ونزلوا بسرعة
تسنيم دخلت تنادي اي دكتور وممرضة وقابلوا الشاب شايل نغم اخدوها عالعمليات
مدير المستشفى بعد شوية جيه وقال : المريضة اللي جوة عملت حادثة مظبوط
الشاب : ايوة .. وانا اللي خبطتها
مدير المستشفى: انا مدير المستشفي هنا..احنا هنضطر نبلغ باللي حصل
الشاب : مفيش مشكلة .. مد ايده بوقار يسلم عالمدير: انا يوسف الشامي ..
المدير بدهشة : ابن أستاذ أحمد الشامي
يوسف بابتسامة بشوشة : ايوة حضرتك انا كنت جاي هنا اساسا في المعاد مكان والدي.. وحصل اللي حصل
تسنيم بدموع وغضب : كفاية سلامات بقي وحد يطمني علي نغم دلوقتي
يوسف بهدوء : ربنا كريم .. هتبقي كويسة ان شاء الله
موبايل تسنيم رن
تسنيم بدموع: ايوة يا تيتة
حنين مامت نغم بدموع خوف : تسنيم اللي سمعناه صح .. نغم .. بنتي ..كويسة صح
تسنيم بدموع: معرفش يا خالتو ..
حنين: انتوا فين طيب قوليلي بسرعة
تسنيم بتعيط : معرفش احنا فين
يوسف مد ايده واخد الموبايل منها : الو حضرتك احنا في مستشفي......
بعد نص ساعة
دخلت حنين وجوزها محمد وتيتة فادية
حنين جريت علي تسنيم بدموع: نغم فين .. حصل ايه
تسنيم : هتبقي كويسة.. جريت في الشارع وخبطتها عربية
محمد ابو نغم بقلق وخوف : طب حد يطلع يطمنا طيب
الممرضة خرجت بسرعة : محتاجين نقل دم بسرعة
حنين مامتها قالت بدموع : محدش فينا نفس الفصيلة
يوسف بسرعة : فصيلتها ايه
محمد رد عليه : -O
يوسف ابتسم: الحمدلله نفس فصيلتي..
حنين بصتله بأمتنان : ربنا يكرمك يارب
رن طارق علي مامته حنين : ماما انتوا فين انا جيت البيت مقفول
حنين: احنا في مستشفي... يا طارق
طارق بقلق : فيه ايه
حنين بدموع: اختك عملت حادثة
طارق بخوف : انا جاي حالا
..............................
عند الجد زاهر
الجد زاهر بانفعال وغضب قدام الرجالة: ازاي هربت اساسا .. انتوا واقفين بتلعبوا
واحد من الرجالة : والله يا بيه مخرجتش من هنا
انتشر خبر هروبها بسرعة البرق ووصل اهل الحاج أحمد
الحاج أحمد بغضب : بتكوا هربت كيف
الجد زاهر متصنع الغضب بص للرجالة : يومين وتعرفوا مكانها .. دوروا عليها في كل مكان . هقتلها واشرب من دمها ...
الحاج احمد : لاا قتل لا ، دي هتبقي مرتي .. انا هخلي الرجالة يقلبوا عليها البلد
...............................
في البيت الخيّال
ليل بنرفزة :انا جعانة اوي يعني اعمل ايه مش هعرف انام يووه .. هو ايه اللي مخرجش من الاوضة بجد هو جدو عارف اني محبوسة كدة.
اخدت ليل طرحة سودة كبيرة وغطت شعرها و مشت علي طراطيف صوابعها في نص الليل وخرجت من اوضتها بخوف ان حد ممكن يشوفها .
انبهرت من جمال البيت ، كان كبير جدا وتصميمه مختلف وفي قمة الروعة.
ليل بضحك: هو انا دخلت بيت السلطان ولا ايه .
لقت ضوء في أوضة موجودة اخر الطرقة .. مشت بهدؤ ناحيتها وبصت لقت راجل واقف ومميل بيكتب حاجة في كتاب ومديها ضهره
ليل بتفكير: ده ابن صحاب البيت ولا ايه ، اقوله اني جعانة طيب ولا ممنوع ولا ايه ... لا لا انا هنزل لوحدي ادور احسن عالمطبخ بدل ما اتهزأ
نزلت ليل للدور الارضي وبدأت تكتشف المكان لحد ما لقت المطبخ ودخلت
ليل بفرحة : اخيرا .. يارب الاقي حاجة أكلها.. البيت ده غريب جدا
فتحت التلاجة وبدأت تشوف حاجة تأكلها ملقتش غير ماية بس : ايه الناس دي مش بتاكل ولا ايه ..
قفلت التلاجة وخرجت من المطبخ بضيق وعلي وشك العياط : انا اتجوز الحاج أحمد احسن
خبطت في سلة كبيرة كدة فيها جزر مدت ايديها اخدت واحدة : هم مربين ارانب ولا ايه
خيّال من وراها : لا كتاكيت
ليل صوتت ولفت حدفت الجزرة في وشه : يا ماااماااا
خيّال حط ايده علي بؤقها : اسكتي
ليل هزت راسها وعيونهم اتقابلت في نظرة غريبة ....