انتقام بعد منتصف الليل 🖤-- بقلم / ندا سعيد

part 27

ليل اتخضت : اسفة اتفجعت بس افندم عايز مين
الراجل : حضرتك مدام ليل
ليل : ايوة خير
- البوكس ده ليكي
ليل بقلق : ليا انا
- اه يا فندم .. جوز حضرتك اشتراه وقال نبعته هنا
ليل بدهشة : جوزي .. هو فين
-كلمنا يا فندم
ليل : مش فاهمه يعني هو فين بردو
-جوز حضرتك كلم المحل بتاعنا وطلب أوردر و قالي اوصله ليكي
ليل باحباط وقالت بهمس : طب ومكلمنيش ليه
اخدت ليل البوكس  وشكرت الراجل ودخلت البيت
☆☆☆☆☆☆
يمني بتجهز حاجاتها عشان الخطوبة اللي قلبت ل كتب كتاب.. ابتسمت بخجل وبتفتكر يوم لما جيه يتقدملها
فلاش باك
مامت محمد بتكلمها
يمني بكسوف وخجل قاعدة وسطهم مش عارفة تعمل ايه في الموقف ده بالظبط
-بقولكوا ايه يا جماعة.. انا عايزة بدل الخطوبة كتب كتاب
يمني بخجل وصدمة : ايه
محمد ابتسم: انا موافق
يمني قامت و خرجت من الاوضة
ياسر ضحك بشدة وهمس ل يوسف : اختك هتموت مننا
يوسف : اتحرجت جامد
احمد : انا عن نفسي موافق .. بس نشوف رأي يمني
مامت محمد لاحظت يمني قريبة من الباب : ممكن اكلمها انا
احمد : اه طبعا اتفضلي البيت بيتك
مامت محمد خرجت وقعدت جنب يمني : حببتي انتي مش عايزة كتب كتاب دلوقتي
يمني بتوتر : اللي بابا يشوفه
- انا عايزة اعرف رأيك انتي اعتبريني  ماما
يمني بتوتر وحزن : انا بس خايفة شوية .
- من ايه.. محمد بيحبك من زمان .. وياما عرضت عليه بنت من بنات عيلتنا ورفض عشانك .. مستنيكي تخلصي كليتك و تاخدي وقتك في كل حاجة وبعدها اهو جيه واتقدملك..  انتي خايفة منه
يمني بتلقائية: لا طبعا هو امان بالنسبالي... اقصد يعني لا .. انا
- حبيبتي كفاية توتر .. موافقة ولا لا طيب
يمني بخجل : موافقة
باك#
يمني : بحبه اوي والله
يوسف من وراها: اوباااا بتحبي مين يابت
يمني بخضة : مين
يوسف ويغمزلها ويقلدها: بحبه اوي والله
يمني بخجل : بحب ايه.. بصت حواليها.. بحب الفستان ده
يوسف ضحك : عليا انا الكلام ده
يمني بضيق وخجل : اوف يا يوسف بقي بطل غلاسة
يوسف ضحك وحضنها بحب : الاوزعة بتاعتنا بقت عروسة يا ناااس
☆☆☆☆☆☆☆☆
هند واقفة قدام باب أوضة طارق بتوتر وخوف وتردد  : انا خايفة ليه .. ما كدة كدة هيعرف انه انا اللي هيتجوزها .. هخليه يشوفني وخلاص
لسه هتخبط عالباب سمعت صوت ارعبها
الجد بنظرات غاضبة : هند
هند وقفت بخوف : جدو
الجد : بتعملي ايه عندك
هند بحزن كبير : جدو لو بتحبني بلاش كدة .. انا والله مش هستحمل حاجة تاني ... وعيطت لوجع قلبها وخوفها من المستقبل
الجد بحنيه : يا قلب جدك .. انتي عندك شك اني هخلي حد يأذيكي او هسلمك لحد ممكن يأذيكي
هند : لا
الجد : طب ليه بتشغلي تفكيرك ب حاجات ملهاش لازمه
هند : خايفة
الجد : متخافيش من حاجة طول منا عايش
طارق خرج علي صوتهم وبص ل هند بتوتر بعد ما سمع شهقاتها تحت النقاب
طارق : فيه ايه
الجد : مفيش يا طارق
طارق : لا فيه .. هي هند بتعيط ليه
هند بصوت مخنوق من العياط وهي بتجري علي اوضتها: مفيش
طارق حس بضيق بدون سبب مقنع : هي مغصوبة علي الجواز مني
الجد : لا
طارق : طب هي زعلانة من ايه .
الجد مغير الموضوع : انت كلمت اهلك ولا
طارق : لسه هكلمهم بكرة
الجد : كويس
بعد ما نزل الجد .. طارق مشي بهدوء لاوضة هند واتصنت عليها يشوفها بتعيط ولا لا بس أندهش من اللي سمعه
☆☆☆☆☆☆☆
خيّال مبتسم وبيبص لصورة ليل بشوق : زمانها فتحت الهدية دلوقتي.. ياتري هتفرحي ولا هتزعلي ولا ايه .. هانت واجيلك وهفهمك علي كل حاجة
ليل بتفتح البوكس وانبهرت وعينها وسعت بشدة : يالهوي ايه الجمال ده .. يا بناااات .. نغم .. تسنيم.. الحقوناااااااي
دخلت نغم  تسنيم جري : ايه .. وقفوا مذهولين الاتنين من اللي شافوه
ليل بسعادة : يالهوي ده ليا ..
نغم بدهشة : يابت الايه .. جبتيه منين ده .. ده مش مصري خالص
ليل :خيّال جابهولي .. ايه رأيك يا تسنيم
تسنيم بتصفر باعجاب : لا ذوقه عالي عالي عالي ... البسيه كدة
ليل مسكت الفستان الكحلي المطرز ب شكل خرافي بلمسات زرقاء تشبه عيونها .. دخلت لبسته وفردت شعرها الجميل وخرجت : ايه رأيكوا
نغم : مزة مزة مفيش كلام
تسنيم : عايزالك صورة
نغم : صورة ايه ي ام صورة دي  عايزة فرح .. كتب كتاب جديد دي عروسة دي ولا ايه
ليل بابتسامة ساحرة  : ربنا يخليك ليا يا خيّال .. واقدر افرحك زي ما بتفرحني كدة
نغم بتسبيل: وايه كمان
ليل ضحكت بشدة وسكتت فاجاة: بس انا مش هحضر بيه كتب الكتاب طبعا .. ده مستحيل
تسنيم بجدية: اه بصراحة انا رأيي كدة .. ده عايز حاجة سبيشال ليكي انتي مخصوص يا قمر
ليل وهي بتقلع الفستان بحذر : طب ايه احنا جهزنا كل حاجة بتاعت يوم الجمعة صح
نغم اه حطيت كل حاجة وهانروح نبقي نلبس هناك بقي مع يمني
تسنيم بخجل : انا مش بحب اغير برة البيت
نغم : اشمعني
تسنيم : يعني مش هاخد راحتي .. ممكن البس هنا وابقي احصلكوا
ليل : تسنيم احنا هنكون بنات بس في البيت ويمني قالتلي كدة
تسنيم : خلاص ماشي طالما كدة
بعد خروج تسنيم و نغم واتبقت ليل لوحدها دخلت الفستان البوكس بس لفت نظرها مفتاح فضي موجود في آخر البوكس .. اخدته بفضول : ياتري ايه ده .. ولقت ورقة مكتوب عليها " ابحثي في غرفتنا عن شئ يخص الخيّال يا روح الخيّال "
اتحركت ليل بحماس وسعادة جواها غريبة وضحكت بشدة : ااه يا خيّال بقيت مجنونة بيك ...
فتحت كل درج تبص وفتحت كل رف في الدولاب ومفيش فايدة .. حتي دخلت الحمام تدور وملقتش اي درج او صندوق ولا شنطة حتي .. تعبت وزهقت فتحت دولاب خيّال بضيث وبدأت تاخد تيشرتاته وتحضنها بعشق : انت وحشتني اوي .. متوقعتش في يوم من الايام احب حد زي ما بحبك كدة .. يارب ترجعلي بقي .. يعني يوم ما تخليني ادور علي حاجة كدى تبادلني وانت عارف مكانها .. ايه الذل ده ياخي
فاجاة لاحظت درج موجود جوة الدولاب في النص حاولت تفتحه بس مقفول .. جربت تحط المفتاح و  اتفتح وكان مليان صور غريبة : مين ده .. بصت بدهشة وإعجاب كبير : يخربيت جمالك
☆☆☆☆☆☆☆
تسنيم بعد ما دخلت اوضتها .. طلعت أدوات الرسم بتاعتها وبدأت ترسم شخصية واحدة بس .. ياسر.. سهرت لحد الفجر وهي بترسمه بس .. شافت خيال علي الاسكتش بتاعها قامت بفزع...