انتقام بعد منتصف الليل 🖤-- بقلم / ندا سعيد

part 18

لقي الاوضة كلها مقلوبة وكل حاجة في الأرض حتي الهدوم
خيّال واقف بصدمة من المنظر وزعق بصوت عالي : ليل ...ليل
تسنيم في اوضتها : خيّال بينادي عليكي
ليل واقفة بتوتر : مش هاروح لا .. هنام معاكي هنا ..
جريت تنام وتغطي وشها : تسنيم لو جيه هنا قوليله نامت والنبي
تسنيم بضحك : يابنتي قومي ان خايفة ليه
ليل : مش هقوم لا ..تصبحي علي خير بقي
فاجاة جرس الباب رن
تسنيم وقفت بخضة هي وليل : هيكون مين
تسنيم لبست الاسدال بسرعة وخرجوا
ليل مسكت دراع خيّال بخوف : هو ممكن الخطة تتكشف مين هيكون جاي دلوقتي
خيّال : اهدي ايه الخوف ده كله .. هنزل اشوف مين ولو طلع حد يبقي ده وقت ظهوري بقي
تسنيم : هدخل أبلغ ياسر
خيّال : تمام
ساب ايد ليل ونزل فتح وكان الظابط اللي معاهم بدور سواق بصوت عالي نسبيا : فيه واحد برة اسمه حامد محتاج يقابل الآنسة نوران
خيّال : هو مش ملاحظ ان الوقت متأخر ولا ايه .. بلغه ان الوقت مش مناسب وخليه يجي بكرة الساعه 6
السواق : تمام
خيّال بهمس : شغل الكاميرا والصوت عايز اعرف هيقول ايه
السواق هز راسه بنعم ومشي
☆☆☆☆☆☆☆☆☆
تسنيم بترن علي ياسر لحد ما رد
تسنيم بلغبطة : انا  . ياسر .. انا تسنيم .. بص تقريبا حامد جيه الفيلا هنا
ياسر بنوم : ايه الصوت القمر ده
تسنيم بصت للموبايل بدهشة : ياسر ..
بصت ل ليل هو انا اتلغبطت في الرقم ولا ايه كنت اتصلت من عند خيّال احسن
ليل : يابنتي هو الرقم انا اللي كاتباه
تسنيم حطت الموبايل علي ودنها بتردد : ياسر .. الو
ياسر بيحاول يفوق : ايوة يا عسل
تسنيم بتتكلم بقرف : متقولش كدة ايه عسل دي .. فوق بقي ايه ده
ياسر ابتسم وفاق وكمل غلاسة : مش عايز افوق ..عشان افضل اسمع صوتك الجميل ده بس
تسنيم بخجل وغضب : أعوذ بالله ايه ده .. بقولك حامد جيه هنا
ياسر بيكتم ضحكاته : حامد مين
تسنيم بنفاذ صبر : يووه بقي ولا حاجة خلاص ، سلام
ياسر كان هيقولها انه بيهزر بس حس انه حط نفسه في موقف بايخ قدامها ف اضطر انه يقفل هو كمان وشوية ويبقي يرن .

تسنيم سكتت لحظات كدة وبتفكر هو فعلا سابها تقفل عشان نايم فعلا مش حاسس بس ازاي ظابط شاطر و مفاقش كدة بسرعة لما اقوله حاجة مهمة زي دي
تسنيم : عايزة ايه
ليل : ايه يابنتي بقالي بنادي عليكي
تسنيم بصت لقت خيّال طالع  : هو صح
خيّال : اه حامد ..
ليل : طب هو فين
خيّال : مشيته
ليل بدهشة : ليه كدة كنت خليه يدخل يمكن نطلع بمعلومة .. او يمكن كان جاي عشان حاجة مهمة
خيّال : مهما كان المهم .. هو المفروض عارف ان تسنيم لوحدها ف مش من الذوق انه يجي في وقت زي ده .. وانا اديتله معاد تاني اساسا بكرة الساعه 6.... خشوا ناموا بقي ... بص ل ليل وقالها : تعالي تحت عايزك
تسنيم دخلت اوضتها
ليل بصتله بقلق : بص والله هرتب كل حاجة تاني
خيّال : ماشي بس تعالي تحت نقعد محتاج اقولك كام حاجة
ليل بزعل : مش هاجي معاك عشان بجد بجد زعلانة.. انت شديتني من شعري جامد من غير ما تسمع باقي كلامي .. انا كنت هكمل الجملة بحاجة هبلة وانت ما صدقت تضربني
خيّال بتأنيب ضمير : خلاص يا ليلو حقك عليك .. اول واخر مرة متزعليش بس كان عندي مشكله وعصبينتي طلعت فيكي مرة واحدة تراكمات يعني
ليل : بردو زعلانة
خيّال قرب منها وطلع من جيبه علبة صغيرة وفتحها قدامها : طب كدة بردو لسه زعلانة.. انا اول مرة اجيب لبنت هدية علفكرة قلبك ابيض بقي
ليل بصتلها بسعادة ..كانت سلسلة دهب ووردة صغيرة فيها فصوص ملونة بسيطة ورقيقة : واو بجد جميلة اوي
خيّال بهمس : عقبال ما اجيبلك شبكتك
ليل اتكسفت شوية وقالت بتلقائية وهي بتلف : لبسهالي بقي
خيّال لبسهالها وباس دماغها وقال : مبروك عليكي.
ليل بصتله بحب وقالت : انا هطلع انام بقي
خيّال : تمام
☆☆☆☆☆☆☆
تاني يوم
طارق فرحان جدا ب خطوبته اللي هتم بعد سفره هو وأهله للقاهرة ونزلوا قدام البيت
نغم بنفخ : رجلي يا ناس مش قادرة .. مش همشي لوحدي لا حد يسندني
محمد ابوها سندها و كلهم طلعوا الشقة
حنين بضيق : كان لازم نسافر في الوقت ده يعني مينفعش تتاجل شوية عشان رجل اختك
محمد: خلاص يا حنين اللي حصل حصل
حنين : انا بس بقول الصح مش معترضة علي حاجة تانية
طارق : منا قولتلك يا ماما هي هتسافر كمان شهر ف محتاج اننا نتخطب عشان يبقي عدينا اول خطوة ولحد ما هي ترجع هكون انا جهزت شقتي
نغم في سرها : وهي دي هترضي تعيش في شقة ربنا يهديك يا طارق وتلاقي بنت الحلال اللي تستاهلك.. ياختاي نسيت اكلم ليل وتسنيم
رنت عليهم  بسرعة
تسنيم ردت علي الموبايل: روح قلبي عاملة ايه
نغم تتظاهر بالتعب : هموت مش قادرة
تسنيم : فيه ايه
نغم : انا جيت
تسنيم: جيتي فين
نغم : يابنتي لسه جايه القاهرة هنا .. لسه داخلة
تسنيم باستغراب : والخطوبة يابنتي
نغم : انتوا لغبطوني اساسا الخطوبة هنا عند العروسة انتي ناسية ولا ايه
تسنيم سكتت شوية وضحكت بشدة
نغم ضحكت معاها ومتعرفش بتضحك علي ايه
ليل صحت علي صوت ضحكها : مالك عالصبح
تسنيم بضحك وبتكح : مش قادرة هموت
ليل بنوم : يابنتي وطي صوتك بقي عايزة انام
تسنيم بضحك : قومي شوفي الهنا اللي انا فيه .. نغم جت هنا
ليل بصتلها من تحت المخدة بعين واحدة : نغم جت فين
تسنيم بدأت تهدي ضحكاتها : نغم .. خدي كلميها
تسنيم ابتسمت الموبايل ل ليل وقامت بسرعة تدخل الحمام
ليل : هي البت دي اتجننت ولا ايه
نغم : ليه .. هي كانت بتضحك علي ايه
ليل : مش عارفة
نغم بضيق : تفتكري متضايقة ف عشان كدة بتضحك
ليل : لا طبعا دي كانت مسخسخة ضحك ، سلام بقي
نغم بغضب : قومي يا كلبة البحر انا بكلمك ..
ليل بخضة : ايه يا نغم
نغم : قومي اسمعيني تسنيم صدقيني مش كويسة قومي شوفيها
ليل بنفخ : يخربيت اخوكي ده ..
نغم: بعد الشر يا سلعوة انتي .. قومي يابت
ليل : ماشي هشوفها وافوق كدى وابقي اكلمك
نغم : اشطا بيباي

☆☆☆☆☆☆☆
تسنيم دخلت الحمام و فضلت تعيط كتير: انا بعيط ليه دلوقتي.. بس كفاية عياط بقي انا ضربته بالقلم واخدت حقي.. خلاص صفحة وانتهت
فضلت تعيط لحد ما ليل خبطت
تسنيم بشهقاتها المتكررة: ايوة  ..ثواني
ليل بحزن : حببتي افتحي بلاش تدمري نفسك كدة
تسنيم : ليل سيبني لوحدي بليز
ليل : لا مش هسيبك ..لو مفتحتيش الباب هخلي خسّال يفتحه عافية
تسنيم بضيق: يا ليل بس بقي مش عايزة افتح انا
ليل فكرت انها ترن علي تسنيم من عندها و ترد كأنه ياسر
ليل : موبايلك بيرن يا تسنيم
تسنيم  اترددت تفتح ولا لا بس فضلت ساكتة وبعدها قالت : مين
ليل : ياسر باشا
تسنيم اتوترت وبدأت تغسل وشها
ليل سمعت صوت الماية و حست انها اتصرفت غلط راحت  رنة عليه
ياسر : الو
ليل بتردد : ياسر باشا
ياسر بخضة بص للموبايل لقي رقم تسنيم : ايوة مدام ليل خير
ليل : خير اللهم اجعله خير ..
تسنيم خرجت من الحمام وبصتلها بتساؤل
ليل بتوتر : ايوة اهي تسنيم جت اهي ..هي بس مكانتش سامعه الموبايل .. معاك اهي
ليل عطت الموبايل ل تسنيم وخرجت جري من الاوضة مش عارفة تودي وشها فين
تسنيم باحراج ردت : انا بس مسمعتش الموبايل .. اتفضل يعني قول عايز تقولي ايه
ياسر مش فاهم حاجة خالص ومش عارف يقول ايه وفجأة قال : صوتك مش مظبوط
تسنيم سكتت شوية : عادي لسه صاحية بس .. ها المهم ايه بقي ..فيه حاجة مهمة حضرتك متصل عشانها
ياسر : كنت هقولك الظابط بلغني بأن حامد جاي
تسنيم : ايوة فعلا هيجي الساعه 6
ياسر : حلو ، اوعي تنسي اللي دربناكي عليه
تسنيم مستغربة مكالمته الغريبة دي : تمام اكيد
ياسر : تمام انا مش هعرف اجي النهاردة ..وليل اوعي تخليها تظهر ها .. وخيّال زي ما اتفقنا هيكون ايه
تسنيم : ايوة عارفة متقلقش انا حافظة كل حاجة
ياسر سكت لحظات متردد : خلي بالك من نفسك
تسنيم : حاضر يلا سلام
ياسر: سلام
ابتسمت تسنيم بخجل وقلبها بيدق بسرعة : هو فيه ايه بس اهدي كدة
☆☆☆☆☆☆☆☆
الساعة 6
تسنيم قاعدة بلبس فورمال بحت بدلة كحلي وطرحة بسيطة وقاعدة بتشرب قهوة لحد ما السواق بلغها ان عربية حامد جت
تسنيم: خليه يتفضل
حامد دخل بابتسامة بشوشة: هاي .. اخبارك ايه
تسنيم: بخير وانت
حامد  : كله تمام
تسنيم نادت علي خيّال : علي يا علي .
خيّال نزل من فوق بغرور مصطنع
حامد بصله بتركيز