خيّال: اصل كل ما اجي لاقيكي لابسة الاسدال
ليل باستغراب: وايه المشكلة يعني
خيّال : يعني مش بتتخنقي خصوصا الجو هنا حر .. ممكن تقعدي براحتك وانا قبل ما اجي ارن عليكي اعرفك
ليل ابتسمت : عادي يعني انا اتعودت بقالنا كذا يوم اخو مفيش مشكلة يعني وبعدين ده بيتك يعني تيجي براحتك من غير استئذان
خيّال : براحتك انا بحاول اريحك
ليل مدت طبق ناحيته وابتسمت: اتفضل
خيّال اخده وداق حته : اممممم اكلك حلو
ليل قامت بعد شوية وغسلت طبقها : انا هطلع اجهز شنطتي
خيّال : مفيش داعي تلمي كل حاجة... هاتي الحاجات المهمة
ليل بتعجب : مش قولت هنسافر بكرة
خيّال : اه .. عندي بيت هناك هنعيش فيه وحاليا زمانه اتظبط وبقي فيه كل حاجة
بعدها خيّال اتردد وبصلها : بصي كأنك مسمعتيش حاجة .. روحي جهزي شنطتك
ليل : انت مجنون بقي
خيّال بانفعال : لمي لسانك ده شوية
ليل حطت ايديها علي وسطها : ولو متلمتش
خيّال قام قرب منها .. وهي رجعت لورا بقلق
لف ايده حواليها وبصلها في عينيها جدا
ليل عقلها وقف عن التفكير قالت بتوتر : فيه ايه
خيّال فضل باصصلها وقرب أكتر
ليل حاولت تبعده ودقات قلبها بتزيد و بس ايديه اقوي منها
وفجأة حصل صوت ضرب كبير .. وناس دخلوا البيت بعنف
الحاج أحمد بغضب : ايه قلة الحيا دي .. بت قليلة الرباية ساكنة مع واحد في مكان زي ده لوحدكوا
ليل مسكت في خيّال أكتر بقلق وقالت اسمه بخوف وصوت هادي: خيّال
خيّال سابها ووقف قدم الحاج أحمد وعيونه مليانة غضب قال بصوت عالي وغاضب : اللي بيدخل بيت الخيّال من غير اذنه او بيفكر ياخد حاجة بتاعته بيتنفي.. ولا انت مسمعتش مين الخيّال
الحاج أحمد اتوتر وقال في عند : انا ماخدتش حاجة بتاعتك .. ليل مرتي
خيّال صحح بغضب : لسه مبقتش مراتك ده اولا . ثانيا هو ينفع تتجوز واحدة متجوزة
الحاج أحمد بدهشة : اييه ..
ليل واقفة مصدومة
خيّال راح اوضة فيها المكتبة وجاب ورقة وفتحها : ليل مراتي انا .
لسه الحاج أحمد هيتكلم
خيّال بصله بغضب وقطع كلامه قبل ما يبتدي: ..عايزها خدها و هطلقه.... بس تفتكر الخيّال بتسامح حد اتهجم علي حاجة ملكه
الحاج أحمد بقلق :ده اتفاق بينا وبين عيلتهم
خيّال : وانا بقولك اهو لو عايزيها تروح معاك ..يبقي تقعد في بيتك معزز مكرم وتتفرج علي اللي هيحصل بعدها
الحاج أحمد بص ل ليل بغضب : ده تهديد
خيّال بصوت مرعب : اللي بيخش مملكة الخيّال مبيخرجش منها سليم ولا هو ولا قرايبه
الحاج احمد بدأ بقلق فعلا من الخيّال وخرج وكل الرجالة خرجت في عنف وغضب
ليل واقفة مشاعرها مش محددة حاجة معينة تحس بيها تحت كل الكلام ده بس سؤال واحد فضل رايح جاي في دماغها خاص ب خيّال : مين ده ؟.. مين خيّال ؟ انا مراته ؟
بعد دقايق من الصمت
ليل بخوف طلعت اوضتها وقفلت الباب وبدأت تعيط: مين ده....
اتصلت بجدها بسرعة وكان موبايله مشغول .. استنت شوية ورنت كذا مرة لحد ما رد
: الو
الجد زاهر : ليل حببتي
ليل بدموع: جدو مين خيّال ده
الجد باستغراب : مش فاهم ..حصل ايه .. مال صوتك
ليل بدأت تحكي اللي حصل
الجد بضيق : خلاص اللي حصل حصل.. اهي مشكلة الجواز دي اتحلت اهي .. وكويس انه عمل الحركة دي
ليل بخوف : ده الراجل خاف منه .. انت واثق فيه
الجد : اه متقلقيش.. خيّال انسان كويس
ليل سكتت بحيرة ومحبتش تقلق جدها أكتر: ماشي طالما انت واثق فيه يبقي خير
الجد ابتسم : ربنا يحميكي يابنتي
قفلت مع جدها ونامت عالسرير تفكر : انا انبسطت ليه لما قال اني مراته ... ياتري انت وراك ايه ومخبي ايه يا خيّال
أنت تقرأ
انتقام بعد منتصف الليل 🖤-- بقلم / ندا سعيد
Romanceفي نهاية مرحلة الطفولة تبدأ حياة البطلة في التغيير و اكتشاف بعض الأمور الغامضة ومن ثم تبدأ في البحث عن حقوقها وتسعي للانتقام من أجل والدها بمساعدة حبيبها ضد إعصار مخيف في عالم غريب
