انتقام بعد منتصف الليل 🖤-- بقلم / ندا سعيد

part 30

دخل ياسر وقال : محمد مامته تعبت وراح بيها المستشفي عشان كدة اتأخر
يمني وقفت بقلق : حصلها ايه
ياسر : ماخدتش العلاج بتاعها في معاده ف تعبت
يمني : طب انت واقف هنا ليه .. خلينا نروحلهم
..ياسر : لا يا قلبي الموضوع مش مستاهل .. هم جايين في السكة اساسا
يمني بشعور مؤلم: يعني مامته كويسة بجد
ياسر : ايوة يا قلبي متخافيش
يمني دموعها قربت تنزل فقالت بسرعة وهي ماشية لاوضتها: طب الحمدلله.. لما يوصلوا خليها تدخل ترتاح في اوضتي لو سمحتوا
تسنيم بحيرة راحت وراها: يمني انتي كويسة
يمني بصوت متقطع: خايفة يا تسنيم
تسنيم : من ايه
يمني بدموع : انا شوفت حنان وطيبة في مامت محمد وحسيت انها مامتي .. خوفت ان يحصلها حاجة .. مش عايزة اخسر حد تاني يا تسنيم مش هقدر
تسنيم : حببتي خليكي واثقة في ربنا ... متقلقيش .. اكيد كل حاجة ليها سبب ... مش يمكن تعبت عشان فعلا يظهر حبك ليها اللي شايلاه جواكي
نغم قاعدة عالسرير قدامهم مش فاهمه حاجة: في ايه يا ولية انتي وهي
يمني ضحكت عليها: ولية
نغم : سيبتوني وخرجتوا وهدومي مش راضية تنشف حسبي الله
----------------------
ليل واقفة مع خيّال ومش عايزة تسيب ايده أبدا
خيّال  حاسس بيها ومتضايق ومبسوط في نفس الوقت .. متضايق انها مش واثقة انه هيفضل معاها ومبسوط بكبر حبها له
زينة وقفت عند خيّال عايزاه يشيلها وفعلا شالها وليل بردة مش سايبه ايده
خيّال : ايه الحلاوة دي .. ايه الفستان الحلو ده
زينة :  بابي جابهولي
ليل بابتسامة: عسل اوي يؤغتي
خيّال بص ل ليل بحب : انا نفسي يكون عندي بنت شبهك
ليل بخجل : ليه يعني
خيّال بتعجب : يعني ايه ليه .. يعني نفسي تجيبي بيبي بنوته حلوة تكون شبهك ويبقي عندي اتنين اغلي من حياتي
ليل بهمس : اممم وانا نفسي في بيبي ولد شبهك
خيّال ابتسم
دخل محمد وعيلته
ياسر سلم عليه وحضنه بفرحة وبص لوالدة محمد : حضرتك كويسة
-ايوة يابني الحمدلله
احمد ابو ياسر : حمدلله عالسلامة
-الله يسلمك يا ابو ياسر ... اومال فين عروستنا
ياسر : اتفضلي هي في اوضتها جوة ثواني اناديها
- لا يابني لو مفهاش ازعاج عايزة انا ادخلها
احمد بابتسامة: اكيد اتفضلي البيت بيتك طبعا
دخلت مامت محمد ل يمني بفرحة
يمني وقفت وقربت منها مسكت ايديها : ماما ... انتي كويسة
- حببتي انا كويسة الحمدلله .. وبعدين ايه الدموع دي
يمني بخجل: انا بس خوفت
مامت محمد بتفهم- متخافيش انا معاكي ... وبعدين فيه حاجة كدة عايزة اقولهالك
يمني : اكيد قولي اللي انتي عايزاه
- احنا جبنا المأذون معانا .. هيبقي كتب كتاب
يمني بخجل وتوتر : ليه
- انتي مش حابة محمد
يمني بتلقائية: بحبه طبعا .. اقصد .. انا بس .. مش عايزة نستعجل
مامت محمد بتمثيل: اوكي براحتك انا هطلع أبلغ  المأذون يمشي وخلاص عادي
تسنيم ونغم في صوت واحد : استنااااي
نغم بصت ليمني : انتي مش بتحبيه
يمني بتوتر : اه
نغم : يبقي كتب الكتاب يتم يا مزة ..و الا بقي هتفضلي مخطوبة كدة سنتين قدام
يمني بلغبطة : وليه الاستعجال انتوا قولتولي كدة قبل كدة واحنا اتفقنا نعملها بعدها بكذا يوم
مامت محمد : حببتي انا عايزة تطمن عليكوا لو هتضايقي خلاص هخرج عادي اخلي المأذون يمشي
يمني بفرحة و توتر : لا انا موافقة
هوب نغم وتسنيم اتنططوا بسعادة
شوية وكتبوا الكتاب ودخل ياسر ل يمني تمضي : مبروك يا قلب اخوكي
يمني بخجل : الله يبارك فيك
ياسر : انتي هتفضلي هنا ولا ايه يلا نطلع
يمني : لا انا بس .. ياسر انا مش هقدر اخرج نهائي ..
ياسر ضحك : يابنتي عادي يلا
يمني : لاااا بص خمساية و هطلع
ياسر: الخمساية دي اللي هتغير الكون
يمني : اه يا ياسر بقي وبطل رخامة
ياسر خرج وشوية ومحمد استأذن يدخل ل يمني وفعلت خبط ودخل
يمني واقفة وعطياه ضهرها بتوتر: خش يا ياسر ... بس انا مش هقدر اخرج دلوقتي
محمد ابتسم وقرب شوية منها : بحبك
يمني وقفت متصلبة مكانها ومبرقة بصدمة عقلها وقف نهائي وسكتت وقلبها بيدق بعنف
محمد ابتسم : يمني ... مسك ايديها ولفها ناحيته
يمني بعدت بتوتر : لو سمحت
محمد : يمني انت عارف شعورك.. بس انا جيت هنا عشان اقولك انك بحبك و ان شاء الله اقدر اسعدك واحاول اعوضك عن أي حاجة او اي شعور مضايقك و هتقي ربنا فيكي ومبروك عليا انتي
يمني بتوتر وباصه في الأرض: ربنا يبارك فيك
محمد : طب يلا نطلع ولا ايه.. ابوكي واقف برة مراقبين خلي بالك
يمني ابتسمت وخرجت معاه
فات اليوم بهيصة وفرحة بين الجميع
-------------------------
هند سمعت صوت مرعب وغريب بصت وراها لقت كلب شكله غريب وبدأت تعيط فاجأة: لا اله الا الله ... يارب ابعده عني يارب .... يالهوي هموت
الكلب قرب منها وبيعمل صوت مرعب
هند خلاص رجلها مشالتهاش وقعدت عالارض وهمست بخوف : طارق الحقني .. طارق انا هنا
طارق سمع صوتها وقرب واتفاجي بالكلب .. وللأسف هو كمان بيخاف من الكلاب.
طارق بيفكر مش عارف يعمل ايه شاف صندوق بلاستك علي جنب ومسكه ومشي تجاهه ومش عارف هيعمل ايه اصلا
هند بخوف : يارب يبعد بقي ...
لقت خشبة جنبها مسكتها و وقفت براحة وبترجع لورا بهدوء ويتكلم الكلب : انا مش هضربك بس انت سيبني امشي اتفقنا
جيه طارق من ورا ومسك الصندوق وهيحطه علي دماغ الكلب
هند بخوف ضربت الكلب بعد كان هيجري عليها وطارق حط الصندوق بخوف : احيييييييه.. اجري بسرعة عالعربية وافتحي الباب بسرعة
حاولت هند تجري بسرعة وخوف ووصلت للعربية وركبت وفتحت الباب لطارق اللي ثواني وطلع يجري بسرعة والكلب وراه
وركب وقفل الباب وهوب الكلبة دخل دماغه من الشباك وخلي طارق يبعد بسرعة ويقرب من كرسي هند
هند بوجع : اه يا حمار رجلي
طارق برعب : منك لله ...
حاول يتخلص من الكلب وقفل ازاز الشباك واتعدل وقعد ياخد نفسه وفجأة ضحك بشدة
وبص لهند : رجعتيني ل ٧ سنين ورا
هند حاسه قلبها بيدق علي آخره من كتر الرعب : انا عايزة ارجع البيت
طارق باستغراب: مش هانروح احنا لسه معملناش اي حاجة انتي عايزاها
هند بتعب : مش عايزة حاجة.. رجعني البيت لو سمحت
طارق بقلق : انتي كويسة
هند : ايوة
طارق هز راسه و وساق رجع البيت
نزلت هند بسرعة ودخلت البيت وطلعت اوضتها وانهارت من كتر العياط لأنها كبتت شعورها بالخوف جواها وخوفها الكبير من الكلاب
طارق دخل بضيق واللي استقبله جده : حصل ايه
طارق حكاله
الجد بقلق : هي كويسة يعني
طارق : ايوة بس قالت عايزة ارجع البيت ف جبتها
-------------------
ليل نايمة وساندة علي كتف خيّال في العربية وهم راجعين البيت
خيّال عدلها في العربية ونزل يجيب شوية حاجات من السوبر ماركت
خيّال ل نغم وتسنيم اللي قاعدين ورا : بنات هنزل اجيب شوية حاجات وجاي
تسنيم : ماشي
شوية و ليل صحت بكسل بصت ملقتش خيّال : خيّال
نغم: نزل يجيب حاجات من السوبر ماركت
ليل بعدم تصديق : بتضحكي عليا .. هو مشي  وسابني صح
تسنيم بتعجب: لا يا قلبي هو نزل يجيب حاجات وجاي ليل : طب انا هاروحله
نزلت بخوف من انه يكون مشي وسابها مثلا عقلها رفض انه يحلل الموقف غير كدة ومسمعتش كلام نغم ولا تسنيم
واول ما نزلت جت عربية غريبة وقفت وخرج ٢ رجالة خدوها وكتفوها ومشوا تحت صدمة  تسنيم ونغم .. بصوا لبعض في صدمة كبيرة ونزلوا بسرعة ينادوا خيّال اللي كان خارج واتفاجي باللي حصل بعد ما حكوا اللي تم
خيّال بغضب : ازاي تخلوها تنزل في وقت زي ده .. مقولتوش اني نزلت وجاي
نغم : والله قولنا بس هي بتحسبك مشيت
تسنيم بخوف : طب هنعمل ايه دلوقتي ... هكلم ياسر
كلمت تسنيم ياسر اللي جيه عالبيت بعد وصولهم.. خيّال هيموت من القلق من جواه بس الظاهر للكل برود أعصاب رهيبة
نغم بهزار : هتلاقوها بتضربهم دلوقتي
يوسف دخل مع جملتها : هزري هزري .. بكرة انتي تتخطفي ونشوف هتعملي ايه
ياسر بحدة: بس بقي خلونا نفكر ... بص ل خيّال البي قاعد هادي خالص  وشوية وقام وشاور ل ياسر وبص للباقي : احنا شوية وراجعين
بص ل يوسف : خليك انت مع البنات هنا لحد ما نرجع
يوسف تحت صوت خيّاال اللي وضح قد ايه هو قلقان علي ليل سكت شوية وقال : متقلقش هفضل هنا لحد ما ترجعوا
.....................
ليل بغضب: يا حيوان ازاي تمسك دارعي كدة .. يخربيت غباءك
ضياء ضحك بشدة عليها وشاور للراجل بتاعه يبعد عنها: حلو اوي الطريقة دي ... عنيفة اوي
ليل بتريقة : عنيفة اوي .. يخربيت تقل دم امك
ضياء بغضب : اتلمي يابت ... انتي بقي بت هشام
ليل بشجاعة : طالما عارف بتسألني ليه ولا هو تضييع وقت وخلاص .. ممكن تقولي جايبني هنا بالطريقة دي ليه وانت مين اصلا ( ليل عارفة انه ضياء من الصور شافتها وقت القضية )
ضياء باستغراب: ايه ده بجد مش عارفة انا ابقي مين
ليل بتريقة : لا محصليش الشرف
ضياء بنبرة شريرة : انا اللي قتلت ابوكي
ليل ضحكت بشدة : فعلا
ضياء تعجب اكتر  واتضايق اكتر  وشاور لحد يقرب منها ويديها حقنه تخليها تحكي كل حاجة
ليل بغضب: ابعد عني
الراجل بعنف : بت انتي اخرسي احسنلك
ليل بخوف سكتت واخدت الحقنة وبعد شوية مفعولها بدأ
ضياء : مين خيّال ده
ليل ببكاء: اشمعني يعني خيّال بتسأل عنه ... كلكوا عينكوا عليه ... ده هو الوحيد اللي فاضلي في حياتي .. حرام عليكوا
ضياء بنفاذ صبر : ايوة يعني هو مين
-----------
خيّال بسرعة نط هو وياسر من علي سور بيت ضياء وبعدها دخلوا وحدفوا الحبل وطلعوا لحد السطح وهم طالعين ياسر سمع صوتها وشاور ل خيّال يقرب بالحبل بتاعه ...خيّال سمع صوتها وابتسم .
------------
ليل بتفكير وسرحان : مش عارفة هو مين .. انا وافقت اتجوزه .. هو أمور اوي يعني وحبيته اوي  ... انت قولتلي اسمك ايه
ضياء بضيق: ضياء زفت
ليل : تعرف يا ضياء زفت .. خيّال ده احلي حاجة في حياتي ... قبل كدة جابلي هدية كبيرة جدا  .. وقالي كلمة سر النهاردة
ضياء باهتمام مفكر انها هتقول حاجة مفيدة : ايه
ليل بلغبطة : قالي هنجيب بيبي شبهي ... قالت مصححة ... سوري اتلغبطت .. قالي بنت شبهي .. اكيد مش هيجيب ولد شبهي يعني .. مش هيبقي ولد كدة
ضياء وقف بضيق وعصبية
يتبع