انتقام بعد منتصف الليل 🖤-- بقلم / ندا سعيد

part 22

تسنيم بصتله بدهشة : بابا
ياسر بتوتر شال زينة ونظراته مش قادر يوجهها ل تسنيم ، مش عارف هيقول ايه ولا هيحكي ايه ، اتضايق جدا من نفسه انه محكاش تفاصيل حياته لأول حب ليه ، مكانش عارف تصرفاته الغريبة و انه كان بيستغل شغله عشان بس يشوفها
ياسر : زينة بنتي ويوسف اخويا
يوسف ضحك : بجد انت عارفهم
ياسر بص بنظرة سريعة لتسنيم وبص ل يوسف : وانت تعرفهم
يوسف: ايوة دول صحاب البنت اللي خبطتها لو تفتكر
ياسر بتعجب : ايه ده بجد
يوسف ابتسم : ايوة وبعدين انت قلقتني عليك .. مش بترد ليه
ياسر حاسس بخنقة من صدمة تسنيم وقال بصوت جامد : في مهمة يا يوسف .. انا نازل ورايا كام حاجة .
خيّال : ياسر
ياسر بصله : هنزل
يوسف بصلهم باستغراب: فيه ايه
خيّال : مفيش ... بص لتسنيم : انتي كويسة دلوقتي
تسنيم في صمت تام
ليل هزت ايديها: تسنيم
تسنيم اتعدلت وقامت : انا عايزة امشي
ليل : انتي لسه تعبانة
تسنيم  بصوت هادي : لا بقيت كويسة .. محتاجة ارجع البيت
ليل بصت ل خيّال اللي هز دماغه بموافقته
ليل : طيب يلا
تسنيم : يلا
خرجوا ونزلوا
خيّال سايق طول الطريق وفجأة قال : ليل
ليل : اممممم 
خيّال: صعبان عليا زينة جدا
ليل بصلته ورفعت حاجبها باعتراض علي كلامه في الموضوع ده قدام تسنيم
خيّال كمل :  ياسر مطلق مراته من 3 سنين وطول الفترة دي مسألتش عنها حتي
تسنيم قلبها دق بسرعة من غير سبب محدد بس يمكن كانت خايفة يكون بيكدب عليها او متجوز مثلا فعلا
ليل : وانت عرفت منين
خيّال : حكالي قبل كدة يعني وانه كان متضايق حاسس انه مقصر وكدة في حق بنته بسبب شغله
ليل : متجوزش تاني ليه
خيّال بخمين: هيتجوز تاني ازاي واذا كان اللي مطلقها بسبب انه دايما في الشغل
ليل : وليه متقولش انه محبهاش اساسا عشان كدة بيفضل في شغله اكتر
خّيال فكر في كلام ليل اللي فاجاه : ملهاش علاقة .. انا لو شغلي بعيد او بسافر فترات هبقي بكرهك
ليل بصلته شوية : معرفش انت ادري
خيّال بعصبية: ازاي يعني .. انت مدركة باللي قولتيه ده
ليل بصت لتسنيم : انتي رأيك ايه
تسنيم بتوتر : في ايه
ليل : في الحكاية دي كلها
تسنيم: خيّال عنده حق
ليل : والله
تسنيم : ايوة اللي بيحب حد بجد بيقدر شغله وبيحب الحاجات اللي التاني بيحبها و يشجعه عليها لو صح وخير ليه
ليل : ايه العقل ده
خيّال رغم انه اتضايق لانه حس ليل مش واثقة في حبه بس ضحك : شوفتي مش حاسس اني متجوز هبلة من فراغ
ليل ضربته بكوعها  في دراعه : خليك فاكرها
وسكتوا فاجأة كلهم لحد ما وصلوا

☆☆☆☆☆☆☆☆
بعد اسبوع
نغم بضحك : هتسافر الصعيد
طارق: بتضحكي علي ايه يا متخلفة
نغم : عليك ده انت هتتبهدل
طارق : ربنا يستر .. انا جهزت كل حاجة كدة همشي بقي
حنين مامته : حبيبي خلي بالك من نفسك
طارق : متقلقيش هبقي كويس
حنين : متزعلش من باباك هو عايز مصلحتك
طارق بضيق : طبعا اكيد .. يلا سلام
حنين : ابقي كلمني لما توصل
طارق : حاضر
نغم ضحكت هي وحنين بعد ما خرج : هيتنفخ
حنين : ده فيه حتت مفاجأة هناك جبارة
نغم : ايه
حنين ابتسمت: جدك هيخليه يتجوز بالعافية
نعم بدهشة : بتهزري
حنين: لا فيه حتت بت قمر بجد بس طبعا هيتعاقب الاول
نغم : مقولتلهوش ليه
حنين : لا طبعا ملناش دعوة جدك قال محدش يقول حاجة ونسيبهوله ولو قولنا حاجة احنا اللي هنتنفخ
نغم بصت لمامتها : ماما طب بقولك انا مش هاروح الكلية بقي
حنين : اكيد الاسبوع الجاي تروحي
نغم : والامتحانات يا ماما .. ازاي يعني هاروح متأخر كدى لازم اروح بدري عشان اشوف ليل واظبط حاجاتي
حنين : طيب يا حببتي جهزي حاجاتك ويومين وروحي
نغم : ماشي هدخل اكلم ليل بقي
ليل : قلباااااي وحشاني
نغم : واضح ماهو من ساعت ما اتجوزتي وخلاص نسيتيني
ليل : لا يا روحي ده انتي فاتك كتير كتير كتير .. هتيجي امتي اما مش بحب اتكلم في الموبايل كتير انا
نغم : يومين واكون عندك
ليل: حلو ، اخيرااااااا
نغم : تسنيم عاملة ايه وحشاني اوي العرة دي
ليل : كويسة الحمدلله .. محتاجينك عشان نظبطها بقي هي وياسر
نغم : ياسر مين
ليل : يالهوي عليا وعلي سنيني السودة .. مش هقولك مين ياسر لما تيجي تشرفي هبقي احكيلك
نغم بزن : لا قولي قولي قولي بليييييييز
ليل : لا مش هقولك
نغم : طب عاملة ايه مع خيّال
ليل بخجل : عاملة ايه ازاي يعني كويسة يعني ايه الجديد
نغم بضيق : يووه يا ليل انتي مش عايزة تحكي ليه اي حاجة
ليل : عشان محتاجاكي وش لوش كدى نحكي لكن الموبايل ده مش بحب اتكلم فيه خالص
نغم : طيب يا ساتر عليكي .. طب هقفل بقي اجهز حاجاتي
ليل : اشطا
☆☆☆☆☆☆
في بيت عيلة يوسف
ياسر بياكل ويوسف باصصله
ياسر : خير
يوسف : مستنيك تتكلم  .. بقالك اسبوع متضايق
ياسر : مفيش يا يوسف فوكك
يوسف : ايه فوكك دي
ياسر بعصبية خفيفة  : يوسف مش كل يوم تسأل
يمني : ايه يا ياسر فيه ايه بتزعق ليه كدة
ياسر : كدة بزعق !!!!
يمني : ايوة احنا كلنا شايفينك متضايق بقالك كام يوم محتاجين نعرف السبب
ياسر : عادي ضغط شغل
يمني : بس هو مش كدة
ياسر : وياتري باين عليا انه مش بسبب الشغل ازاي
يمني : ببساطة انك بتسرح كتير وانت مش بتسرح في الشغل
ياسر بخنقة رمي المعلقة وقام : انا نازل
جرس الباب رن قبل ما ينزل ياسر وكان محمد صاحبه
ياسر : محمد .. ادخل تعال
محمد : فينك يابني مختفي ليه كدة
ياسر : عادي
محمد : لا مش عادي .. وفيه حاجات جديدة عرفناها وانت ولا هنا
ياسر : طب ادخل بس
يمني خارجة تشوف مين  : مين يا ياسر
محمد دخل وحس بتوتر تلقائي لما سمع صوتها
ياسر دخل : ده محمد
يمني سكتت بتوتر وبصتله
محمد بتشتت نظراته : يمني عاملة ايه
يمني : الحمدلله ... طب انا .. انا هدخل بقي
ياسر بص لمحمد ورفع حاجبه مستنيه يبصله
محمد بص ل ياسر : ايه
ياسر : ايه انت فيه ايه
محمد  : مفيش
ياسر : بجد
محمد : خلينا ننزل نروح اي مكان
ياسر سند بايده علب الحيطة اللي جانبه : مش هننزل وتقولي فيه ايه دلوقتي.. مخبي ايه
محمد حط ايده علي شعره بخجل : مفيش بجد
يوسف خرج يسلم علي محمد ودخل
محمد وياسر دخلوا قعدوا في البلكونة
محمد بحيرة : ياسر انا جاي اكلمك في الشغل مش اكتر
ياسر : منا عارف بس فيه حاجة تانية
محمد : تمام يا ياسر بس انت صاحبي وانا مينفعش
ياسر : لا ينفع قول علطول
محمد : انا كنت حابب اطلب ايد أخاك يمني بس انا عارف انه مش وقته عشان القضية .. وكنت هاجي مع امي قريب
ياسر ابتسم
محمد بصله : اتضايقت
ياسر كشر : يعني انا مبتسم كدة ابقي اتضايقت.. انت ظابط فاشل
محمد ضحك : وانت رأيك فيا ايه
ياسر : تيجي في اي وقت
محمد حس بسعادة كبيرة جواه: طب خد رأيها بقي عشان نحدد معاد ول ايه
ياسر : عيوني .. ومبروك مقدما ياصحبي
محمد ابتسم : حبيبي
ياسر: ايه بقي الشغل
محمد : اه الزفت حامد اعترف علي واحد تاني بيشتغل معاه .. وكمان ده اللي كان هشام الله يرحمه دارعه اليمين يعتبر
ياسر : و مين ده
محمد : اسمه ضياء .. المهم ان فيه كدة مشكلة
ياسر : اننا اتسرعنا في القبض علي حامد
محمد : بالظبط كدة .. دلوقتي الدنيا هتولع بسبب الخبر ده
ياسر بيفكر يعمل ايه
محمد كمل بحماس : بس انا عندي فكرة
ياسر : ايه هي
محمد : اننا نقول ان خيّال هو اللي بلغ عن حامد عشان ملتزمش بالوعد اللي بينهم ويعتبر خطف تسنيم
ياسر ضحك : والله  هيصدقكوا
محمد : طبعا.. بس لازم نلحق الموضوع كله قبل ما يراقبوهم
ياسر بيقلبها في دماغها ووقف بسرعة: طب يلا بينا
محمد وياسر نزلوا وصلوا القسم
ياسر : انت اللي هاتروح المرادي
محمد: ماش هخلص واجي وانت تروحلهم بقي من الباب التاني
خرج محمد وجاب معاه كذا ظابط وراح لبيت خيّال في صورة رسمية
خيّال بص ل محمد بدهشة : فيه ايه
محمد بصوت عالي نسبيا: احنا جايين نحقق معاكوا في قضية حامد
خيّال فهم الدنيا : اكيد اتفضلوا
دخلوا واتفقوا علي كل حاجة وياسر دخل من الباب اللي ورا وكمل معاهم الدنيا
تسنيم وقفت بضيق : انا مش موافقة .. مش هقدر اكمل ..
ليل بصلتها بحزن : حقك عادي .. وبصت ل خيّال .. انا ممكن اكمل مكانها
تسنيم بضيق طلعت اوضتها وعيطت
خيّال بص ل ليل : لا طبعا انتي اتجننتي ولا ايه
ليل : حبيبي ده انتقامي انا .. انا لازم افهم الدنيا
خيّال : لا يا ليل لا .. ولو عايزين زفت ضياء ده انا اجيبهولكوا في ظرف ساعتين
ليل : ازاي يا تري
خيّال بانفعال : تحبي تشوفي ازاي
ياسر بصله بنظرة قوية عشان يوقفه عن الكلام : خيّال ده شغلنا احنا ولا ايه
خيّال اتنهد وسكت
ياسر : ممكن اطلع اكلمها
ليل : اه اكيد
ياسر طلع وقبل ما يخبط سمع صوت عياطها
☆☆☆☆☆☆☆
ليل بصت ل خيّال بحزن ودخلت أوضة المكتب وقفلت الباب بعصبية
خيّال قام ودخل بغضب : انتي عايزة بجد تكملي .. ومش مهم مشاعري دي اني هبقي خايف عليكي .. انتي مش بتحبيني صح
ليل بعصبية : ايوة انت بتتكلم صح ممكن تسيبني في حالي بقي
خيّال بصلها بدهشة : بجد يعني انتي مدركة كلامك ده
ليل : ايوة مدركة زفت كلامي .. بسببي تسنيم منهارة فوق وتعبت وكان الله اعمل هيحصل فيها ايه بسببي وبس .. المفروض من الاول اكون مكانها .. ف كفاية  اوي  عليها لحد كدة
خيّال : و ده سبب يخليكي متحبنيش
ليل : خيّال افهمني .. انا مخنوقة اوي من كل حاجة.. مفيش حاجة صح في حياتي
خيّال بصدمة : بجد مفيش حاجة صح.. حبنا غلط فعلا .. بلاش حبنا اني بحبك اوي واكون خايف عليكي ده غلط!! بلاش حبي ليكي ، انتي قولتي انك بتحبيني .. ده كمان غلط
ليل سكتت
خيّال : تمام يا ليل براحتك خالص .. عن اذنك
اول ما خرج خيّال ليل كرهت نفسها  اوي وقعدت تعيط

يتبع ❤