خيّال: اهم جم
ليل قربت من يمني وحضنتها بحب : انا مبسوطة اوي اوي انك هتيجي معانا
يوسف بهزار: احسن خدوها علطول..دي مجنونة بهدلتني معاها
يمني بهدوء : كدة بردو
يوسف باس دماغها بحب : بهزر معاكي .. بقيتي قفوشة اوي .. يلا امشي من هنا
خيّال: انت هتيجي معانا انت كمان ولا وراك حاجة
يوسف : لا ورايا حاجات كتير .. انا سايب العيادة بقالي فترة مش هينفع اكتر من كدة
خيّال: ياعم تعال مجاتش علي يومين
يوسف : مش عايز اسيب بابا لوحده
ليل : خليه يجي معانا
يوسف بحيرة : مش عارف مفتكرش هيرشي يجي
ياسر نزل معاه زينة لقاهم واقفين : انتوا لسه هنا
يوسف : بفكر اروح معاهم .. انت رأيك ايه
ياسر : روح عادي انا كدة كدة مستحيل اجي .. كنت هحاول عشان يمني بس الشغل بقي
ليل فكرت في تسنيم بس فقدت الامل بعد ما ياسر قال : اساسا لسه مكلمني من شوية عشان الشغل ف نزلت وقولت اخد زينة معايا وخلاص اي تعمل جو في المكتب 😂
ضحك يوسف : هتبهرك
ياسر : طبعا مش بنتي
خيّال بضحك : مش متخيل دخولك المكتب بيها بصراحة
ياسر : اهو نجرب .. همشي بقي عشان متأخر
خيّال مشي معاه خطوتين قدام : لو فيه جديد كلمني علطول انا معاك وفي ضهرك ومش هنسيب حق محمد
ياسر ابتسم : ربنا يخليك ليا يا صحبي
خيّال: في رعاية الله انت و الاوزعة دي
ليل : ما يلا يا جماعة زهقت .. عايزة امشي بقي
يمني : يلا
ركبوا ومشوا .. بعد فترة
يوسف : انا مجبتش هدوم ليا ولا اي حاجة ماشاء الله عليا 😂
خيّال: خد من عندي عادي ولا يهمك
يوسف : كويس اني جبت الموبايل
يمني طول الطريق سرحانة .. مش عارفة هتعمل ايه .. ولا هتلاقي اخو محمد ازاي ومتعرفش اي دليل غير انه شبه بس واحتمال ميكونش شبه يعني الله اعلم
______________________
طارق بسعادة خبط علي باب أوضة نغم ودخل : انا جبت البدلة دي ايه رأيك يا بت... قومي بصي
نغم بنوم : تحفة يا طارق .. اطلع برة بقي
طارق بغيظ : يابت قومي.. كمل بتمثيل...يعني الحق عليا باخد رايك .. يعني اقول لمين طيب يا نغم .. مين ينبسطت لانبساطي
نغم قامت بملل قعدت : خلاااااااص.. وريني ... حلوة جدا والله ولونها حلو وجديد مش اسود ولا كحلي .. حلو الرصاصي تجديد بردو
طارق : بجد
نغم : اه والله جامدة جمودة
طارق حط شنطة جنبها عالسرير : طب بصي طيب ابقي افتحي الشنطة دي هتعجبك ان شاء الله .. علي ذوقي ها .. عدي الجمايل بقي .. تصبحي علي خير
نغم كملت نوم ولا كأن حاجة حصلت
_____________________
صاحب ارض ( خميس) : مين عالباب
بيتر بضيق : انا بيتر ياحاج خميس افتحلي
خميس : خير .. فيه ايه .. عمال تخبط علي اخرك ليه .. انت مين
بيتر : عايز اسالك كذا سؤال ، انت مش المحصول بتاعك كويس ؟
خميس : اه ياسيدي
بيتر : بتكسب منه
خميس : الحمدلله والشكر لله
بيتر : ليه مش بتدي للفلاحين اللي بيتعبوا حققوهم كلها .
خميس باستغراب: انا
بيتر : ايوة حضرتك .. انا صاحي ومتابع كل واحد وبخليهم يشتغلوا علي آخرهم.. عشان ياخدوا فلوسهم كاملة .. انت او حد من المشاركين يقلل يبقي فيه ظلم .. وانا مش هسمح بيه ابدا
خميس بحيرة ودهشة : يابني اهدي علي نفسك ... انت متعصب ليه ... تعال معايا نشوف الموضوع ده مع الراجل
بيتر اتضايق من سوء ظنه في الحاج خميس.. مشي معاه من سكات
بعد شوية
بيتر : انا اسف .. انا بس صعب عليا الناس
خميس ابتسم : ولا يهمك انا مبسوط انك جيتلي انا مش روحت لحد تاني
بيتر : انا مكنتش اعرف غير انك شريك في الأرض ..والباقي بياخدوا حق غيرهم
خميس : مين قالك كدة
بيتر : عم حمدي اللي شغلني
خميس: لا طبعا انا صاحب الأرض وحمدي شغال عندي وهو اللي بيتابع الشغل و بيوزع الأجور.. بس انا بتي تعبت وعاملة عملية ف انشغلت عن الأرض.. كمل بأسف ..كنت واثق فيه .. بس الحمدلله انك جيتلي
بيتر : الف سلامة علي بنت حضرتك ، بس حضرتك مصدقني ازاي وانا بقالي كام شهر بس هنا
خميس : طريقتك وكلامك و خوفك باين مش تمثيل مثلا .. كلامك صادق
بيتر ابتسم بحزن
خميس: انت من القاهرة
بيتر : ايوة الجيزة
خميس : عيلتك فين
بيتر بضيق : هناك
خميس : مش بتزورهم
بيتر بحزن : ايوة طبعا كل فترة
خميس : ربنا يخليهوملك
_______________________
بعد ساعات وصل الخيّال معاه ليل ويمني ويوسف نزلوا قدام بيت جد نغم ودخلوا بعد سلامات
تسنيم تابعت بنظراتها بتدور علي ياسر بس مجاش
ليل بتغمزها: بتدوري علي حاجة
تسنيم : لا
يمني : انا مخنوقة يا ليل
نغم : ما تيجوا نخرج شوية ..فيه اراضي حلوة اوي هنا
يمني : ياريت
ليل : يلا بينا
أنت تقرأ
انتقام بعد منتصف الليل 🖤-- بقلم / ندا سعيد
Romanceفي نهاية مرحلة الطفولة تبدأ حياة البطلة في التغيير و اكتشاف بعض الأمور الغامضة ومن ثم تبدأ في البحث عن حقوقها وتسعي للانتقام من أجل والدها بمساعدة حبيبها ضد إعصار مخيف في عالم غريب
