انتقام بعد منتصف الليل 🖤-- بقلم / ندا سعيد

part 4

داغر : عشان ارجعك لازم تعملي حاجة ليا
ليل  : حاجة ايه...
داغر : انك تنفذي اي طلب اطلبه منك
ليل : ازاي يعني .. اكيد لو حاجة غلط مش هعملها وبعدين ايه هيخليني اقابلك تاني اساسا
داغر بثقة : انا اللي هقابلك بعد كدة
ليل بعند : برده مش هسمع كلامك
داغر: خلاص خليكي هنا مش هرجعك
ليل بنفاذ صبر : قول عايز ايه اخلص
داغر قرب منها بحب : تتجوزيني
ليل بصوت عالي : نعممممممم علي جثتي
داغر مسك ايديها بعنف : بكرة انتي اللي تتحايلي عليا عشان انقذك
ليل بغرور وعصبية: مش هيحصل ابدا
داغر بصلها بغضب وشكله بدأ يتغير لحاجة تانية
ليل بصتله بدهشة وصدمة وخوف وبعدها محستش بأي حاجة ووقعت بين ايديه ..

..........
تاني يوم صحت ليل من نومها قبل الضهر
قامت بخضة تجري وبتبص حواليها وتبص علي هدومها
ليل بقلق : انا كنت بحلم اكيد ..
راحت ناحية البلكونة وفتحتها ومشت في نفس الاتجاه لقت باب البلكونة التانية مقفول
ليل وافتكرت باب اوضتها المقفول وجريت لجوة تفتحه والباب اتفتح .. ليل ضحكت : كنت بحلم الحمدلله ، اكيد جدو مش هيقفل عليا الباب يعني ايه الذكاء ده .
لبست دريس وطرحة بتاعتها ونزلت
جريت علي جدها : جدو عامل ايه
الجد زاهر ابتسم
ليل : انت بتصحي بدري ولا ايه
الجد: مش اوي بصحي 9
ليل : اممم .. طب انا هقوم اكل بقي
الجد: ماشي خلصي وتعالي عالمكتب فوق فيه موضوع مهم عايز اكلمك فيه
ليل بارتباك : اه ماشي حاضر هاكل بسرعة واجي
الجد : مستنيكي
................................
عند نغم
الام حنين :نغم حبيبتي انتي كويسة
نغم بقلق : مش عارفة يا ماما متضايقة اوي لوحدي كدة من غير سبب حتي
حنين : حبيبي طيب كلمتي ليل
نغم سرحانه
حنين : انتي يابت
نغم : ايوة يا ماما
حنين باستغراب: حصل حاجة طيب
نغم : مفيش ، زعلانة علي تسنيم اوي
حنين بحزن : اخوكي ده دماغه ناشفه .. البت بتحبه من سنين وهو ولا هنا
نغم : هي خالتو لسه زعلانة من اللي حصل
حنين بحيرة : والله يابنتي مش عارفة .. بس بتحاول تبعد بنتها عن طارق
نغم بتفكير: طب يمكن محتاجين فرصة يقربوا من بعض يا ماما ، انا هقوم اكلم طارق
حنين : يابنتي هتقوليله ايه
نغم بصتلها بمكر : اصبري بس 
نغم رنت علي طارق: ايوة يا طارق عامل ايه
طارق : أستاذة نغم بتكلمني تاني يوم قولي ان وحشك رخامتي طبعا
نغم بتريقة : يتك نيلة ..نغم غيرت نبرة صوتها لحين.. المهم ركز معايا فيه حاجة يا طارق حصلت
طارق: خير
نغم : مش انت المفروض ليك في السنة شهر تاخده اجازة من شغلك
طارق : ايوة ليه
نغم بمكر : طب خد 10 ايام منهم و تعالي البلد هنا ضروري
طارق بقلق : فيه حاجة ولا ايه وايه اللي حصل
نغم بصت لمامتها بمكر وبتغمزلها : تيتة جايبالي عريس وانا مش عايزاه ..  وكلهم موافقين وعايزيني اقابله واقعد معاه يا طارق الحقني
طارق بدهشة : عريس ايه وزفت ايه .. انتي لسه مخلصتيش كلية
نغم بحزن مصطنع : تعالي انقذني يا طارق.. دول مصممين .. اوعي تقولهم اني قولتلك .. تعالي فجأة كدة
طارق بقلق : هم اتجننوا ولا ايه .. بكرة هكون عندك
نغم ابتسمت بمكر: ربنا يخليك ليا يا طارق
طارق : ويخليكي ليا احلي اخت في الدنيا .. متقلقيش من حاجة طول ما انا موجود .. يلا سلام
نغم : سلام
نغم بصت لمامتها اللي قاعدة وملامح الدهشة علي وشها : هاااااااااي طارق جاي بكرة
حنين بدهشة : بنتي ممثلة وانا معرفش .. انتي في كلية ايه يابت
نغم ضحكت : طب والله ياماما .. يلا نقوم بسرعة نروح عند تيتة نقولها وبابا يجي معانا نقضوا يومين هناك حتي تسنيم بتقعد معاها علطول هتبقي فرصة ولا في الخيال
جرس الباب رن
حنين : البسي الطرحة وشوفي مين عالباب
راحت نغم تفتح لقت تسنيم