انتقام بعد منتصف الليل 🖤-- بقلم / ندا سعيد

part 29

ليل بخوف : ممم .. وشها للباب وايد شخص ما كاتمة بؤقها .. سكتت لحظات وقلبها دق بعنف وفي دماغها بعد ما كل الأفكار الغير متوقعة فكرت فيها الا انها حاسة بالأمان..
.. سمعت صوت خطفها
خيّال بهدوء : وحشتيني
ليل غمضت عينها وعيطت كتير فاجاة: خيّال
خيّال لفها ناحيته وحضنها بحب وخوف عليها: حقك عليا يا قلب وروح خيّال
ليل تمسكت بيه جامد وعيطت علي كل حاجة وكل شعور حاولت تدرايه وقت غيابه قدام صحابها وافتقادها له
خيّال بيحاول يهديها : انا كل ما اشوفك تعيطي ..هسميكي عيوطة
ليل بضحك : انا مش عيوطة
خيّال : لا عيوطة ..هقولك كدة  البت ليل العيوطة راحت البت ليل العيوطة جت
ليل بجدية : انت سافرت وحتي مكلمتنيش ولا مرة وكلمت ياسر
خيّال : امممممم .. حقك عليا بس غصب عني .. اوعدك ياستي يعدي اليوم النهاردة علي خير وهعرفك كل حاجة
ليل : وعد
خيّال : مش محتاج وعود يا ليل انا قد كلمتي
ليل : انا اسفة اني قولت كلام وحش قبل كدة ليك .. مكنتش قصدي اجرحك ابدا
خيّال: وانا مسامحك ياستي
ليل : حصل مشكلة وانت مش هنا
خيّال : بخصوص القضية
ليل : لا بخصوص البيت بتاعي القديم .. خالتي عايزة تاخده بالغصب
خيّال بتفكير : طب ليه .. هو مكتوب بأسم مين
ليل : المفروض بأسمي .. بس هي مزورة ورق وبتاع وعايزة البيت .. بس انا قولتلها هديكي تمن البيت ومرضيتش... بتعند معايا وخلاص .. البيت فيه كل ذكرياتي وذكريات ماما كمان
خيّال : اممم طب سيبيني انا اظبط الموضوع ده طيب
ليل : هتعمل ايه
خيّال : مش عارف لسه بس اكيد لو هعمل حاجة قصاد خالتك هقولك قبلها
ليل حضنته بحب : ربنا يخليك ليا
تسنيم خبطت عليهم  : العشاق اللي جوة ارحمونا شوية .
خيّال : صاحبتك دي مجنونة
ليل بتمسح دموعها وابتسمت : اه فعلا
تسنيم من ورا الباب : وايه كمان يا عرة
ليل ضحكت بشدة: انتي لسه هنا
تسنيم ابتسمت علي ضحكتها وحمدت ربنا ان صاحبتها قلبها اطمن
ياسر قرب من تسنيم : ارحمي الناس شوية عشان يرحمونا ولا ايه رأيك
تسنيم بخجل : ليه
ياسر : ايه اللي ليه
تسنيم بتقول في سرها.. متقربش.. هموت لو قرب مني اكتر من كدة اقسم بالله
زينة جت : بابي عايزة بيبسي
ياسر : عيون بابي بس ايه الدلع ده بابي وبتاع
زينة : تسنيم قالتلي اقولك كدة
تسنيم بصتله بحرج : انا بس كنت ... ايه ده انت هتشربها بيبسي كدة عادي
ياسر بتعجب : اه .. امنعها يعني
تسنيم بهمس : غلط علي صحتها .. دي مضرة جدا
ياسر : ما تقولي الكلام ده لصاحبتك ولا النصح ليا انا بس يا قمر
تسنيم باستغراب: ليل مش بتشرب بيبسي كتير
ياسر شاور علي نغم اللي عمالة تشرب بيبسي كتير جدا بغير مبالاة
تسنيم بصتلها بدهشة : يانهارابيض ..
ياسر ضحك وشاور علي بنته شالها : تعالي يا قلب بابي اجيبلك بيبسي
تسنيم بمشاعر مختلفة وخوف حقيقي : لا بلاش .. انا هشربها من البيبسي بتاعتي ... ولا زينة عايزة بيبسي من الوحش اللي هناك ده
عارف يا بابي انا البيبسي بتاعتي لونها جميل وفيها حاجات حلوة كتير
زينة بفضول : انا عايزة البيبسي بتاعتك
تسنيم اخدت زينة منه وبتطلع لسانها ل ياسر: هه احنا هانروح نشرب بيبسي من الحلو وانت لا
زينة ضحكت بحماس : يلا
ياسر مبتسم ومشي وراها يشوف هتعمل ايه
دخلت المطبخ وفتحت التلاجة وطلعت عصير مانجة فريش... و صبت كوباية صغيرة وقطعت اتنين حتت مانجا صغيرة  وحطيتهم بشياكة عالكوباية وبصت لزينة لقيتها مكشرة : مالك
زينة: دي مانجا
ياسر ضحك لانه عارف ذكاء بنته الصغيرة
تسنيم وطت صوتها : منا عارفة بس اقولك سر
زينة : ايه
تسنيم : دي انا بعتبرها بيبسي ... وبضحك علي بطني اقولها انا بشرب بيبسي واشرب مانجا بدالها
عشان اكبر بسرعة .. لكن لو شربت بيبسي بجد مش هتخليني اكبر بسرعة
زينة ضحكت علي تسنيم وسمعت كلامها
ياسر ابتسم بعشق وحب لتسنيم وزينة
نغم من وراها : يا للهول بتشربوا مانجا من غيري
تسنيم : تعالي يا زعبولة انتي
زينة بضحك : زعلوبة
تسنيم : زعبولة مش زعلوبة
نغم : بتصححي ايه بس ..
نغم قعدت علي كرسي بفرهدة :الحقيني هموت
تسنيم : مالك .. حصل ايه
نغم بدموع كاذبة وصوت عياط : عايزة اتجوز الولا اللي برة ده
ياسر واقف بعيد نسبيا سامعهم
تسنيم: ولا مين
نغم بصت لزينة : عمك يا اوزعة انتي .. قمر يا تسنيم.. قمر خالص
تسنيم سكتت شوية وبعدها انفجرت ضحك
نغم بضيق : اشمعني كلكوا هتتجوزوا وانا لا
تسنيم : مين قالك اني هتجوز
نغم بغمز: عليا يابت .. ده انتي وشك مكتوب عليه موافقة
تسنيم بحرج : بطلي رخامتك دي
نغم : طب اعمل ايه انا هعيش لوحدي كتير كدة .. مش قادرة
تسنيم : اهدي يابت
نغم: الولا قمر يابنتي قمر .. خطير .. اول ما يعدي بس كدة بيحصل مهرجانات
تسنيم بضحك : مهرجانات ازاي
نغم : مش عارفة بس انا قررت اتجوزه عافية .. مش هو خبطني بالعربية هسامحه لما يتجوزني
تسنيم : يا زعبولة اتلمي بقي .. انتي بتحبيه
نغم بدهشة : انا
تسنيم: اه يا نوغى انتي
نغم بارتباك: لا
تسنيم : اومال ايه عايزة تتجوزيه دي
نغم وقفت بخجل  : يالهوي نسيت البيبسي بتاعتي
تسنيم بصت لزينة اللي بتشرب العصير : بتحبه صح .. احنا عيلة واقعة من يومها يابنتي والله
ياسر ضحك عليهم ومشي بعد ما اتأكد ان اخوه كمان شاغل قلب وعقل بنت وحب يتأكد اذا هو حاببها ولا لا
يوسف دخل قعد مستني محمد
نغم وقفت تشرب بيبسي ماخدتش بالها منه
يوسف بصلها : يا حلوة يابتاعت البيبسي انتي .. بس بس .. عندكوا بيبسي
نغم شرقت وهي بتشرب وفضلت تكح لما سمعت صوته
يوسف : علي مهلك يا قمر مش مستعجل
نغم بهزار: لا معندناش
يوسف : اومال عندكوا ايه ، دبادشيب
نغم ابتسمت وهزرت : اه دبادشيب
  وبعدها كشرت تاني وبصتله: فيه ايه
يوسف يتمثيل: مطلعتيش بتاعت بيبسي حلوة خالص .. كملي شرب يا انسه
نغم : مين دي اللي مش حلوة
يوسف ببرائة : بتاعت البيبسي .. اقصد اللي جاب البيبسي
نغم: اه بحسب ... بعد ثواني قربت منه بشوكة كانت موجودة عالسفرة ... وانت يهمك في ايه بتاعت البيبسي حلوة ولا مش حلوة
يوسف باستسلام وخوف مصطنع : مقصدش .. ولا يهمني .. وبعدين انا بحبك حتي يعني بغلس عليكي بس
نغم ارتبكت وبصتله بدهشة : قولت ايه
يوسف بغلاسة : مقصدش
نغم : اللي بعدها
يوسف : ولا يهمني
نغم بصوت هادي : اللي بعدها
يوسف بصدق : بحبك
نغم باستغراب وغباء : بجد بجد ولا ايه
يوسف بضحك : بجد بجد بحبك
نغم بصتله بصدمة : يالهوي عليا
ووقعت من طولها
يوسف بدهشة : نغم !!!!
☆☆☆☆☆☆☆__
طارق راح مع هند المقابر الاول
هند طول الطريق كانت ساكتة .. مرتبكة... خايفة .. زعلانة..متغاظة
طارق : ساكتة يعني القط اكل لسانك
هند: عايز ايه
طارق : بكلمك
هند : قول عايز تقولي ايه وخلصنا
طارق : انا اسف
هند : ليه يا تري
طارق بضيق : علي اللي قولتهولك من فترة عالسلم
هند بتريقة : وياتري اسف دي هتعمل ايه ، انت واحد بيحب المظاهر وبس
طارق : هند والله انا مش كدة بس جالي ميت فكرة عن الجواز السريع ده  ومكنتش اعرف عنك حاجة خالص وعمال اتفاجئ من كلام الناس وانا واقف مش عارف مين اللي بيتكلموا عنها واتضايقت من طريقة جدو معايا كمان
هند بهدوء : نزلني هنا لو سمحت
طارق : بتنزلي كل مرة هنا
هند بكدب : اه المقابر هناك اهي
طارق بشك : بس دي لسه قدام
هند : لا هي هنا اهي أقف بقي
طارق وقف العربية وهند نزلت ومشت قدامه
طارق : استني يابت
هند سرعت خطواتها وجريت استخبت ورا بيت مهجور
طارق بضيق : طب ولما يجرالك حاجة يعني هتنبطسي.. روحتي فين يخربيتك
هند سكتت بضيق ومستنية تشوفه هيعمل ايه
طارق قرب بحذر لان الدنيا ضلمة حواليه بس قدر يلمح خيالها وابتسم : روحتي فين انا بخاف من المقابر علفكرة
هند ابتسمت وقالت بهمس : احسن
وبعدها سمعت صوت غريب
___________________
يوسف بقلق بيحاول يفوق نغم ومش بتفوق نهائي
ليل وخيّال خرجوا من الاوضة و ليل بقلق جريت عليهم : حصلها ايه
تسنيم شايلة زينة : من كتر البيبسي اللي عمالة تشربها ..
وبعدها بصت ل زينة : مش قولتلك البيبسي وحشة.. بصي نغم حصلها ايه
ياسر : فوقها يابني مش حضرتك دكتور
يوسف بارتباك : تقريبا
ليل : لا هي مش هتفرق لو عملتوا ايه .. ثواني انا هفوقها
جابت حلة ماية ساقعة وهوب قلبتها علي نغم اللي فتحت وفضلت تكح : يا كلبة يا زبالة
ليل ضحكت : اهي فاقت..
تسنيم بغمز : ايه اللي وقعك يا حلوة
نغم بخجل بصت ليوسف وبعدها قامت ومسكت في ليل
ودخلت أوضة اللي فيها يمني
يمني بضحك : في ايه ... وقعتي في البانيو ولا ايه
نغم ابتسمت وهزت دماغها ب لا
ولقت تسنيم وليل باصينلها بتعجب
نغم : انا كويسة .. بس تقريبا تقلت في الأكل
تسنيم : عليا بردو
نغم : انت مالك يابت قلبتي كدة ليه شبه ليل .. مش كنتي انتي الهادية العاقلة
تسنيم بتلقائية شاورت علي يمني : مش اخوها هو السبب في حالي ده
ليل ضحكت بشدة : مجانين اقسم بالله .. الحمدلله ان جوزي خلاني عاقلة .. هاروح اشوفه بقي
وطلعت لسانها ليهم ومشت
يمني بقلق : بنات هو محمد اتأخر ولا انا بيتهيألي
تسنيم : مفتكرش يعني هتلاقي بس مشغول يعني عريس بقي
يمني : مش عارفة.. انا هخرج شوية برة
تسنيم : خديني معاكي ..
نغم : انا هنشف وكدة واحصلكوا
تسنيم : اوك
يمني خرجت وراحت لاخوها يوسف بقلق : يوسف هو محمد مجاش ليه
يوسف : هتلاقيه في السكة يا قمر .. ياسر كان لسه بيكلمه برة
يمني : طيب ربنا يستر
يوسف : انتي قلقانة ليه كدة
يمني بضيق : مش عارفة يا يوسف خوفت فاجاة كدة
يوسف مسك ايديها بلطف : متقلقيش خير ان شاء الله
شوية وياسر دخل وقال : ...