اول ما خرجت من الباب وقفلته : يالهوي نسيت المفاتيح جوة
.... اعمل ايه دلوقتي
الباب اللي ورا.. صح
جريت تسنيم تبص عالباب الخلفي للبيت تشوف مفتوح ولا لا بس للاسف كان مقفول
بصت في شنطتها موبايلها نسيته كمان جوة
خرجت برة البيت علي اول مكان تقدر تتصل منه ورنت علي ليل
ليل فتحت المكالمة وساكته لانه رقم غريب
تسنيم: ليل
ليل : يخربيتك خضتيني .. ايه انتي فين ورقم مين ده
تسنيم: ليل ممكن تيجي انتي ونغم عشان نسيت المفتاح جوة وموبايلي جوة أنا مش عارفة اتصرف ولو خرجنا مس هنرجع غير المغرب وهيكون الوقت اتأخر
ليل : يالهوي يالهوي .. طب بس استني .. ياسر كلمنا عشان فيه حاجة جديدة حصلت .. هكلمه واشوف الدنيا كدة واحنا جايين اهو
تسنيم : ماشي .. باي
نغم : ليل هو ايه اللي حصل
ليل بترن علي ياسر وبتكلم نغم : نست المفتاح جوة ....
ياسر: ايه
ليل : تسنيم نست المفتاح جوة وهي تقريبا بتتكلم من حتة عشان موبايلها جوة
ياسر بتوتر : تمام انتي ونغم فين
ليل باستغراب: في الكلية
ياسر: تمام هبعتلكوا ظابط اللي كان عامل سواق لو فاكرة شكله .. هياخدكوا
ليل بقلق : حصل حاجة بخصوص القضية
ياسر : اه .. بس ان شاء الله خير .. انا قربت اوصل لتسنيم اهو
ليل : ماشي بس طمني بالله عليك عليها انا مش هسامح نفسي لو جرالها حاجة تاني
ياسر : خير ان شاء الله
ساق ياسر بسرعة ل بيت تسنيم وليل
تسنيم احتارت تقف ولا ترجع البيت بس قررت ترجع البيت قربت من البيت و في نص الطريق وقفت لقت عربية غريبة قدام بيتهم .. خافت تقرب منها واستخبت ورا شجرة تبص تشوف بيعملوا ايه .. لقيت اتنين كسروا الباب : يا حيوان كسرت الباب والله ما هسيبك
جريت بسرعة لقدام البيت ومسكت طوبة كبيرة وحدفتها وحدفتها بسرعة وبقوة علي ازاز العربية وكسرته وطلعت تجري استخبت ورا عربية تانية برعب : يالهوي يالهوي يالهوي ..
بتحاول تبص لقيتهم خرجوا بسرعة ويبيصوا يمين وشمال ... وبيقربوا منها .. نزلت بسرعة ونامت تحت العربية بخوف وعيطت بندم علي حركتها
وصل ياسر و نزل بسرعة معاه محمد و مسكوهم بسرعة وضربوهم لحد ما اغمي عليهم وعمل مكالمة و دخل البيت بسرعة يشوف تسنيم فين بس ملهاش اثر
محمد : يمكن لسه برة
ياسر بقلق : مش عارف يا محمد .. انا اول مرة اخاف كدة علي عليها.. دول ناس ممكن يأذوها بأي طريقة
محمد شاورله يسكت
ياسر : ايه
محمد : اسمع كدة
ياسر سكت .. لقي صوت تسنيم بتنادي عليه واتحشرت مش عارفة تخرج وبتعيط : ياسر الحقني
ياسر جري ناحية العربيات : انتي فين
تسنيم بدموع : تحت العربية ... يا ياسر مش عارفة اخرج
ياسر بص تحت العربية وضحك بشدة علي منظرها لثواني وتبدلت ملامحه ل ضيق من دموعها بس حب يستغل الموقف : هخرجك بس بشرط
تسنيم بضيق : حرام عليك ... قول
ياسر بدون تردد : يكون فرحنا اخر الاسبوع الجاي
تسنيم بصتله بدهشة وخجل قالت بصوت عالي : نعمممم
ياسر بصلها باصرار: خلاص خليكي هنا
تسنيم بخجل وكسوف وبصوت منخفض : موافقة
ياسر بسعادة وابتسامة كبيرة : مسمعتش
تسنيم: موافقة يا ياسر بقي طلعني
ياسر ساعدها وانتهي اليوم برجوع باقي البنات
ليل سهرانة وكل شوية تتقلب مشاعرها اشتياق .. حزن.... غيرة .. حب
فتحت موبايلها وبعتت كالعادة تفاصيل يومها ل خيّال ومفيش رد منه بردة
قررت بعد ما تخلص امتحاناتها و القضية ترجع ل جدها ...
☆☆☆☆☆☆☆☆
طارق وصل للارض ودفع باقي مرتبات الفلاحين من مرتبه الشخصي لكل رضا وواحد منهم بدأ يشكره
- مش عارفين نشكرك ازاي يا طارق يابني والله جميلك ده فوق راسنا
طارق بابتسامة: معملتش حاجة والله احنا كلنا هنا اهل وده سوء تفاهم حصل واهو اتحل
- ربنا يرزقك بكل خير .. والف مبروك ربنا يتمملك علي خير
طارق باستغراب: علي ايه
الفلاح بابتسامة -فرحك بعد عشر ايام نقولك مبروك من دلوقت .. والله يا استاذ طارق انت ربنا بيحبك .. الست هند دي ست اصيلة وعارفة ربها كويس لولا بس اللي حصلها بس احنا كلنا عارفين ان طليقها مكانش كويس
طارق بدهشة : طليقها
- اه يا استاذ .. بس ربنا هيعوضها اهو براجل زين زيك
طارق بتشتت: طبعا طبعا
- انا رايح هشوف الأرض
طارق سكت بحيرة : ايه اللي بيحصل ده.. سكت شوية وبعدها قال بصدمة هند !!!!
☆☆☆☆☆☆☆☆☆
في مكان ما في توقيت مختلف .. يقف خيّال بقوة كبيرة قدام مبني كبير جدا : والله ما هرحمكوا
دخلت بهيبة ببدلة رسمية ووقف قدام موظفة الاستقبال اللي اتكلمت بدلع : اؤمر
خيّال قلع نظارته وقال وبيغمزلها: عايز اقابل مستر ديفيد يا حلوة بس الاول انتي اسمك ايه
-ليندا
خيّال : اسمك جميل اوي يا ليندا .. ها بقي دخليني ل ديفيد
ليندا بهيام : اقوله مين
خيّال : قوليله مستر جاك
ليندا بعد مكالمة : اتفضل
دخل خيّال بابتسامة ماكرة ودخل المكتب بكل فخر : هاللو ديفيد
ديفيد بصدمة : انت
ديفيد لسه هيدوس علي زرار طوارئ خاص بيه .. خيّال مسكه وربط الكارفيه حوالين رقبته بقوة : هتيجي معايا بهدوء ولا ندفنك هنا
ديفيد مش عارف يتكلم : فين جاك وديته فين
ضحك خيّال بشدة : جاك العيل التوتو ده.. في السجن هناك في مصر بناكله فول .. مش عايز تدوق الفول بتاعنا
ديفيد بياخد نفسه بصعوبة : عايز ايه
خيّال : مين شريكك في القرف اللي بتاجر فيه ده
ديفيد : مليش شريك
خيّال : هي امك معلمتكش ان اللي بيكدب بيروح مارينا .. ولا انت ملتك ايه انت .. أنجز مين شريكك
ديفيد : ضياء.. بس والله انا مليش دعوة هو اللي بيعمل كل حاجة
خيّال بنظرات شر : حلو اوي قوم بقي زي الشاطر كدى بدل ما اهد الدنيا علي دماغ اهلك ... افتحلي الخزنة دي
ديفيد برعب : ليه
خيّال : عايز اتفرج اشوف فيها ايه .. ما تفتح يالا هو انا هتحايل عليك
ديفيد فتحها بخوف .. اخد خيّال كل الورق اللي فيها في شنطته ومسك ديفيد وخرج معاه وسط الموظفين ببردو تام
ديفيد مش عارف يتصرف ازاي
خيّال بصوت هادي مخيف : لو حاولت بس مجرد محاولة تهرب هسيبك وهجيبك تاني بس هقتلك
ديفيد ركب معاه ومشي
☆☆☆☆☆☆☆☆
هند قاعدة في اوضتها بضيق وحزن وكلمات طارق مش بتروح من بالها : بيهموا الشكل اوي يعني
بصت لنفسها في المراية بضيق: يارب انا راضية بحالي .. بس مش عايزة اتهان من اي شخص
ابتسمت بشجاعة: انا هاروح اقول لجدو عادي واحاول أقنعه
سكتت لحظات وقلبها بيدق بعنف : لا مش هاروح.. انا قلبي مش مطاوعني... انا حبيت طارق امتي بس .. أوافق وخلاص ربنا يستر .. بس هبقي أنانية.. احاول اوريه شكلي قبل الخطوبة طيب .. المفروض نقعد سوا مرة.. يرضي مين بس ده ياربي ..
☆☆☆☆☆☆☆☆
ليل خلصت محاضرتها بملل وخرجت ترجع البيت تجهز لخطوبة محمد ويمني
وهي داخلة البيت لقت حد واقف وراها ..
أنت تقرأ
انتقام بعد منتصف الليل 🖤-- بقلم / ندا سعيد
Romanceفي نهاية مرحلة الطفولة تبدأ حياة البطلة في التغيير و اكتشاف بعض الأمور الغامضة ومن ثم تبدأ في البحث عن حقوقها وتسعي للانتقام من أجل والدها بمساعدة حبيبها ضد إعصار مخيف في عالم غريب
