ليل رايحة جاية بقلق : خيّال
خيّال مركز في اللاب : اممم
ليل : تسنيم اتاخرت
خيّال : زمانها خلصت وجاية
ليل : طب مش بترد ليه
خيّال : انتي رنيتي عليها
ليل بغضب : اه منا قلقانة بصراحة وانت مطنشني ومش علي بالك اللي بيحصل .. تخيل اني مكانها دلوقتي..
خيّال : طيب هتصرف .. بس اهدي
ليل : مش ههدي انت اتصل شوفها فين .. ياريتني مكانها .. يعني البت تعمل كل ده عشاني ومش عايزني اقلق طب ازاي
خيّال : يابنتي اهدي .. هتصل بأي حد يقولي وصلوا لفين
خيّال بيكلم السواق : ها ايه الدنيا
السواق : تسنيم دخلت من بدري ولسه مطلعتش
خيّال باستغراب : كل ده
السواق : ايوة
خيّال : معملتش اي إشارة طيب
السواق : لا هي دخلت ومخرجتش نهائي
خيّال : طب اقفل اشوف فين ياسر .. معاك رقم اي ظابط من اللي موجودين قريب منكوا
السواق : اه استني هبعتهولك
خيّال : تمام
خيّال قفل ورن علي ياسر مردش ف رن علي رقم الظابط التاني: الو
الظابط: مين
خيّال : انا خيّال .. بقولك ياسر عندكوا ولا لسه مجاش
الظابط : ايوة اهو موجود حصل حاجة ولا ايه
خيّال : اه حصل حاجات تسنيم جوة بقالها حوالي ٣ ساعات كل ده ليه .. هات اكلم ياسر
ياسر : ايه يابني
خيّال : مش المفروض يابني تدخل المكان
ياسر : لسه بدري المفروض هي تتصل
خيّال : هتتصل فين مش فاهم
ياسر : مش قولتلك قولها ترن لما تلاقي كل حاجة تمام
خيّال : انت مقولتليش
ياسر بدأ يقلق : لا قولتلك انا متأكد
خيّال : مقولتليش يا ياسر يعني مش ههزر معاك .. خش دلوقتي هاتها .. وشوف موبايلك فين رنيت عليه كتير .. وانا هجيب ليل وجاي
ياسر : تمام
ياسر شاف موبايله ولقي مسدج تسنيم حس قلبه هيقف من الخوف عليها : يارب تبقي كويسة دي الوحيدة اللي حبيتها
نزل بسرعة من العربية وجري لجوة وأمر بالهجوم
نط من فوق البوابة ودخل بسرعة و في هدوء
بص من الشباك لقي حامد واقف ومديله ضهره وتسنيم مش موجودة
رزع الباب وخبط كذا خبطة سريعة ودخل واتصدم ، كانت تسنيم نايمة عالكنبة وطرحتها مفكوكة
حامد كشر ووقف بسرعة : فيه ايه .. انت مين
ياسر مسك حامد و ضربه على وشه أكتر من ضربة لدرجة ان وشه بدأ ينزف دم كتير ، و لسه هيضرب علي دماغه دخل 2 ظباط و لحقوه
ياسر بعصبية : اوعي انت وهو
ظابط : يا باشا مينفعش .. احنا عايزينه حي زي ما اتفقنا ..
ياسر مش شايف قدامه من كتير الغضب اللي اتملك منه هبد حامد عالارض وضربه برجله ..
مسك الظباط حامد و خرجوا
ياسر قرب من تسنيم بقلق واطمن انها بخير .. حاول يلبسها الطرحة زي ما كانت عشان متخافش من اللي حصل لو عرفت وشالها وخرج
☆☆☆☆☆☆☆
نغم قاعدة حيرانة بردو تكلم يوسف ولا لا لحد ما لقت اخوها داخل : طارق
طارق : خير
نغم : يابني عاملني بطريقة احسن من كدة .. مالك مش طايق حد كدة ليه
طارق قعد جنبها نغم بحيرة وقال : شكلي اختارت غلط يا نغم
نغم بخضة : بتقول ايه
طارق بخنقة : كل شوية طلبات طلبات طلبات .. دي مش عايزة دهب عادي عايزة دهب ابيض... لا وكمان عايزة تلبس فستان منيل خاالص ولا بتوع الكباريهات
نغم بضيق : عشان تسمع كلامنا من الاول
طارق : مش وقته يا نغم الكلام ده .كنت معمي حرفيا بس الحمدلله اني فوقت قبل كل حاجة و عادي كلنا بتغلط ونصلح الغلط ده
نغم : طب وهتعمل ايه
طارق : هلغي الخطوبة طبعا
نغم : يالهوي بتهزر
طارق بجدية : لا مش بهزر واتصلي بقي ب ليل وتسنيم شوفيهم فين عشان نقابلهم
نغم : اشمعني
طارق : محتاج اتأسف ل تسنيم علي اللي حصل قبل كدة ونبدأ صفحة جديدة
نغم بتاثر: انت طيب اوي يا طارق بس تفتكر تسنيم هتسامحك
طارق : مش عارف بس حاسس اني ظلمتها اوي وجرحتها
نغم : حاسس مش متأكد!!!؟
طارق بضيق : ماشي خلاص ياستي انا غلطان وستين غلطان بس خلاص بقي صفحة وعدت
نغم : طب انت قولت لماما وبابا انك لغيت الخطوبة دي
طارق شرد شوية وقال : لسه
نغم : طب قوم قولهم بدل ما هم بيجهزوا لبكرة
طارق : ماشي بس بابا كش هيعديها
نغم بعدم فهم : مش فاهمه قصدك ايه
طارق بندم : بابا المفروض يفهم اني غلطت عادي واهو قبل فوات الأوان بس هينفذ الوعد اللي بينا
نغم اتعدلت في جلستها: وعد ايه .. انا معرفش حاجة عن القصة دي
طارق : هقولك ياستي لما صممت اخطب الزفتة دي بابا وافق بس بشرط
نغم : ايه هو
طارق : ان لو الجوازة دي باظت او الخطوبة يعمي ساعتها اسمه كلامه واتجوز البنت اللي هيختارهالي بنفسه
نغم : طب حلو ل ذوقك الزفت ده
طارق : ماهو مش كدة وبس
نغم : اومال ايه
طارق : هاروح الصعيد كدة هيأدبوني يعني
نغم بخضة : ايه .. ليه هتعمل ايه
طارق بحزن : هقعد شهرين كاملين هناك واسمع كلام جدنا ياختي في كل حاجة حتي لو قال اقتل نفسك اقتل نفسي
نغم بضيق : يالهوي يا طارق كله الا جدو ده عصبي بشكل رهيب
طارق سكت بضيق
نغم: طب ما تكمل الخطوبة وخلاص
طارق: ازاي يعني مينفعش يا نغم
نغم : خلاص روح الصعيد وامرك لله يمكن ده الخير ليك ولا ايه
طارق : حتي شغلي معرفش هاخد اجازة ازاي شهرين انا
نغم : اتصرف يا طارق بس اخلص من الشهرين دول بدري بدري
طارق : طيب انا هقوم بقي اقولهم و اللي يحصل يحصل
أنت تقرأ
انتقام بعد منتصف الليل 🖤-- بقلم / ندا سعيد
Romanceفي نهاية مرحلة الطفولة تبدأ حياة البطلة في التغيير و اكتشاف بعض الأمور الغامضة ومن ثم تبدأ في البحث عن حقوقها وتسعي للانتقام من أجل والدها بمساعدة حبيبها ضد إعصار مخيف في عالم غريب
