انتقام بعد منتصف الليل 🖤-- بقلم / ندا سعيد

part 25

ليل : تمام انا هقوله
تسنيم : هتقوليله ايه
ليل : انك مش عايزاه بقي خليه يتجوز واحدة تانية
تسنيم : لا لا انا بهزر
نغم ضحكت وبتتريق : اومال ايه مش عايزاه
كملت بجدية .. هو بجد ايه موضوع بنته ده
تسنيم : هو كان من متجوز زمان وبعدها طلق مراته والبنت معاه
نغم : وأهلك هيوافقوا
تسنيم : يوافقوا علي ايه
نغم : عليه ولا انتوا هتقضوها حب بس ولا ايه يخربيتك
تسنيم: لا طبعا حرام اصلا بس هو لسه مقاليش حاجة .. لما القضية تخلص بقي
ليل : انا بجد يا تسنيم مش عارفة اقولك ايه .. لولا خيّال كنت هكمل مكانك بس لو انتي متضايقة انا ممكن اكمل عادي
تسنيم : ايه يا هبلة انتي .. وبعدين انا بستمتع بالأكشن ده .. عارفين يا بنات انا الاول وافقت بصراحة عشان انسي اللي حصلي بس بعد كدة حابة اكمل عشان ابقي مع ياسر
نغم : العب
ليل : قوليلنا بس تفاصيل الخطوبة عشان نجهز
نغم : بتبصيلي ليه انا مش رايحة
ليل : مش رايحة اممم قولتيلي.. طب انتي هتيجي غصب عنك .. فيه مفاجأة هتعجبك اوي
نغم : ايه
تسنيم ابتسمت: مش هقولك اكيد .. بكرة نجيب فساتين حلوة عشان نحضر بيها
ليل : اشطا بعد الكلية نخرج نجيب كل حاجة
نغم : اتفقنا.. هقوم انام بقي
☆☆☆☆☆☆☆☆☆☆
طارق في البلد شغال في حسابات الأراضي في أوضة صغيرة وسط الأرض
دخل عليه فلاح بملامح غاضبة ومعاه واحد وشاور علي طارق : انت اللي ماسك الحسابات انت
طارق بصله بتعجب : ايوة انا
- انت بوظت الدنيا كلها ..  انا اخدت فلوس اقل من اللي باخدها كل شهر ... عايز حقي
=وانا زيه هنكفي مصاريف العياف منين لما تقل فلوسنا.. يا تدونا حقنا يا نشتغل عند حد تاني
طارق : براحة بس .. انا مش فاهم ايه اللي حصل بالظبط.. مرتباتكوا قلت عن العادي يعني بس
- ايوة
طارق : طيب اقعدوا.. ونجيب اتنين شاي وتقولوا اساميكوا والأرض اللي بيشتغلوا فيها انهو واحدة وانا هظبط الدنيا
بدأ كل فلاح يهدي شوية وسمعوا كلام طارق
وطارق بدأ يشوف شغله وفعلا لقي ان كل فلاح نصيبه زي ما اخدوا بالظبط
طارق : انتوا كنتوا بتاخدوا كام في الشهر
-كل واحد فينا بياخد اربعتلاف
طارق : مكتوب عندي انكوا المفروض تاخدوا الفين ونص
=هو الحق يتقال احنا قصرنا في شغلنا بس بسبب الظروف
طارق : انتوا قرايب
=اه قرايب وساكنين علي اول الشارع جنب بعض و بنتي تعبت وراحت المستشفي
طارق بضيق : طب هم ازاي يقللوا مرتباتكوا كدة .. طب روحوا شغلكوا وعدوا عليا بكرة الصبح هديكوا باقي المرتب
-ربنا يخليك يا استاذ ..
طارق ابتسم : طارق .. ومش لازم استاذ احنا أهل
=راجل أصيل والله .. متشكرين
بعد ما خرجوا طارق قام ورجع البيت يقابل جده
طارق دخل لقي البنت اللي منتقبة قاعدة في الصالة : عاملة ايه
هند بتوتر : كويسة
طارق : هو جدك فين
هند : في اوضته فوق لسه طالع
طارق وهو طالع : تمام
خبط علي أوضة جده ودخل
الجد : انا مقولتلكش تدخل
طارق بضيق : وبعدين بقي خلاص دخلت اعمل ايه
الجد بهدوء: اخرج وخبط تاني ولما اقولك تدخل ادخل
طارق خرج بضيق وخبط وبعد ما اذنله بالدخول دخل
الجد : اقعد هنا
طارق : عالارض
الجد : مش انا قاعد عالارض
طارق : ايوة
الجد : يبقي تقعد انت كمان عالارض ..  واضح عليك التربية.. مانتاش نافع في حاجة خالص .
طارق قعد عالارض : كدة كويس
الجد : قول عايز ايه
طارق : فيه اتنين من الفلاحين لقيت ان قبضهم في الورق اللي براجعه ناقص الف ونص شغالين في الأرض اللي ورا
الجد : اه قبلهم ناقص عشان اهملوا الشغل.. ده كويس اني منقصتش نص المرتب بالظبط
طارق بصدمة : انت موافق علي ده
الجد : اه .. مفيش دلع في الشغل عندما هنا
طارق بضيق : طب ليه يعني هم حصلها ظروف غصب عنهم .. هديهم باقي المرتب بكرة
الجد : لا ملكش دعوة انت بالحاجات دي .. انت عليك بس تراجع الحسابات .. ويلا اتفضل بقي عشان انام ..
طارق قام بضيق: طيب
الجد : اعمل حسابك ان خطوبتك وكتب كتابك الاسبوع الجاي ابقي قول لأبوك عشان يحضر
طارق بدهشة: خطوبة مين مش فاهم
الجد بجدية : خطوبتك انت .. اهو بدل اللي انت اختارتها ومطلعتش كويسة دي
طارق : هي كويسة علفكرة بس حسيت اننا مش هنتفق .. وبعدين موضوع الخطوبة ده انا مش موافق عليه
الجد : ليه ان شاء الله خير مشغول ولا ايه
طارق : مش هقبل بكدة .. انا جاي اتعاقب اه لكن متجبرنيش علي حاجة زي كدة .. انا مش صغير
الجد : هي كلمة واحدة خطوبتك وكتب الكتاب كمان بعد اسبوع من النهاردة.. وده اخر كلام عندي
طارق سكت شوية وقال : تمام بس اشوفها قبلها واقعد معاها
الجد : لا
طارق بضيق : ده ميرضيش ربنا
الجد : وانت عرفت منين انه ميرضيش ربنا .. يلا روح شوف هتعمل ايه وسيبني عشان تعبان وعايز انام
طارق بضيق : حاضر .. حاضر
خرج طارق بضيق مش عارف يعمل ايه وضحك علي حاله : يعني بجد هتغصب علي جوازة .. ايه القرف ده .. اعمل ايه دلوقتي...
وهو طالع اوضته لقي هند طالعة اوضتها
طارق : بقولك يا قمر
هند بخجل : ايوة
طارق : انتي اسمك ايه
هند بارتباك: هند
طارق : طب بصي يا هند ايه رأيك نتفق اتفاق
هند : ايه
طارق : جدي هيخليني اتجوز واحدة معرفهاش..لو عرفتي حاجة عن الانسانة اللي هتدبس فيها في الجوازة المنيلة دي قوليلي وقصادها هديكي فلوس زي ما انتي عايزة
هند بضيق : وهي جوازات منيلة ليه
طارق : عشان هتجوز واحدة معرفهاش ولا شوفت شكلها ايه
هند : يعني بتفرق معاك الشكل
طارق بهدم تفكير : طبعا ويفرق حاجات كتير
هند بزعل مشت دخلت اوضتها من غير ما ترد عليه
☆☆☆☆☆☆☆☆☆☆

ليل قاعدة بضيق في قاعة المحاضرة مستنية نغم اللي راحت تجيب اكل وتيجي ومخنوقه من كل حاجة ومتضايقة ان خيّال مكلمهاش ولا مرة
= القمر زعلان لبه
ليل بصت وراها وكان المعيد بتاعهم اللي هيشرح : دكتور صالح
=عاملة ايه يا ليل
ليل باستغراب: حضرتك عارف اسمي
=اكيد .. مالك
ليل : مليش عادي
= انا كنت عايز اكلمك في موضوع كدة
ليل : اتفضل
=انا كنت عايز اجي يعني اتقدملك .
ليل لسه هتتكلم
=بلاش رد دلوقتي فكري وابقي قوليلي رأيك علي مهلك
ليل بسرعة : انا متجوزة وعيب اوي اللي حضرتك طلبته ده من غير ما تركز .. وشاورت علي الخاتم اللي في ايديها
=انا اسف .. مكنتش اعرف فعلا .. عن اذنك
ليل قعدت مكانها بضيق: ياتك القرف دكتور مستفز .. بيدور علي اي واحدة يخطبها وخلاص
طلعت موبايلها بضيق ورنت علي ياسر
ياسر : الو
ليل : ياسر انا ليل
ياسر : ليل .. فيه حاجة حصلت ولا ايه
ليل بحزن : لا .. بس كنت عايزة اعرف حاجة
ياسر: اتفضلي
ليل بصوت مهزوز : انت تعرف خيّال راح فين صح
ياسر بكدب : هو مقالكيش!
ليل : لا .. قال شغل وسافر بس مرضاش يقولي حاجة
ياسر : مش عارف يا ليل
ليل برجاء: ياسر انا حاسه انك عارف مكانه .. بالله عليك لو عارف تقولي
ياسر : مش عارف صدقيني .. بس لو عرفت هقولك
ليل : طيب ماشي شكرا يا ياسر
ياسر : العفو علي ايه .. يلا سلام عشان عندي شغل
ليل : سلام
☆☆☆☆☆☆☆☆
محمد دخل بسرعة مكتب ياسر: الحق تسنيم
ياسر  : فيه ايه
محمد : تعالي بس يلا وفي السكة هقولك
ياسر خرج بسرعة معاه بقلق ومحمد بيتكلم وهو ماشي : مش احنا بنراقب الزفت ضياء .. لقيته امر الرجالة بتاعته تراقب تسنيم والظاهر عرف انها معانا و معرفش هيعمل معاها ايه
ياسر ساق بسرعة ومسك موبايله يرن علي تسنيم بس مش بترد .. اتصل علي ليل بسرعة : الو ايوة يا ليل هي فين تسنيم
ليل : في البيت و هتقابلنا نخرج زمانها خرجت من شوية .. حصل حاجة ولا ايه
ياسر : طب لو كلمتك خليها تكلمني ... وانتي ونغم خليكوا برة متخرجوش من الجامعة .
ليل بتوتر : حصل حاجة
ياسر : بعدين هقولك ..  اشوف تسنيم فين بس الاول
......
  تسنيم نازلة من بيتها وبتكلم نفسها : انا كدة مش ناسية حاجة البيت كله مقفول .. الشبابيك قفلتها .. الغاز مقفول .
اول ما خرجت من الباب وقفلته : يالهوي نسيت المفاتيح جوة
.....