انتقام بعد منتصف الليل 🖤-- بقلم / ندا سعيد

part 33

بعد ٥ ساعات
يمني فتحت عينها بتعب بعد فترة ودموعها نزلت وقلبها واجعها جدا وعقلها مش قادر يستوعب ان خلاص بعد ما اتجمعت هي ومحمد في نفس الليلة يسيبها وللابد كمان
يوسف قرب وطبطب علي شعرها شوية : حببتي ادعيله .. اكيد ده خير لينا
يوسف سكت شوية وبعدها حكي عشان يقلل حزنها : فاكرة البنت اللي كنت بحبها وماتت
يمني هزت راسها ب لا
يوسف : اممممم انا وقتها خبيت اساسا ... عموما البنت دي عملت موقف بايخ اوي وضحكت عليا .. خليتني افكر اني سبب في موتها بس طلعت عايشة
نغم واقفة و حاسه هتمسك رقبته تموته
يوسف : عموما يعني مش هفتكر بقي القرف ده بس ربنا عوضني ببنت مجنونة ومتخلفة .. وهتجوزها وانتي اللي هتخليها تتجوزيني بالعافية عشان هي مش موافقة
نغم بتلقائية قربت منهم وحطت ايديها في وسطها : نعمممم يا عمري .. مين دي اللي مش موافقة .. قال مش موافقة قال ...انا بحبك يابو يمني
يمني ابتسمت
يوسف بصلها بدهشة : ابويمني
نغم ابتسمت وكشرت تاني: ايوة ابويمني مش عاجبك اسم يمني ولا ايه .. دي بنتنا الاولي
يوسف : وكمان الاولي يعني عايزة اكتر من عيل
نغم : ايوة ولا عند سيادتك مانع
يوسف : لا العفو
يمني بعياط : بتحبوا بعض يا جزم وسايبني كدة
يوسف حضنها بحب : يمني والله ربنا اكيد عايز كدة خير ليكي متقلقيش من حاجة ...
يمني : هي ماما فين
يوسف : بتشوف موضوع الدفنة مع بابا
يمني عيطت : خلاص كدة مش هشوفه تاني
يوسف : حبيبة قلبي خليكي قوية ... انا عارف ان الموضوع صعب اوي عليكي بس خليكي مع مامته شوية وبراحتك محدش هيجبرك تعملي ايه ومتعمليش ايه
يمني حاولت تقف : انا عايزة اخرج .. مش عايزة اقعد هنا .. فين الطرحة بتاعتي
نغم جابت الطرحة وساعدتها شوية وفجأة ليل دخلت تعيط وحضنت يمني
ليل : شدي حيلك... اجمدي كدة
يمني : شوفتي ملحقتش اشوفه
ليل حضنتها بحب : بس خلاص كفاية  عياط .. احنا كلنا معاكي ..ربنا يرحمه يارب ادعيله كتير يا يمني
ياسر دخل مع تسنيم وزينة
تسنيم : ايه هتمشوا ولا ايه
نغم : اه يلا
ليل : خيّال جهز العربية تحت كدة كدة
يوسف : طب كويس .. يلا بينا
ياسر : وسع ياض انا هشيل القمر دي قال عايزها تمشي قال .. ازاي القمر يمشي عالارض بس
يمني ابتسمت بألم
وياسر شالها وهي لفت ايديها حواليه وعيطت
ياسر قلبه وجعه اوي عليها مش عارف حتي يخفف عنها ازاي
-------------------------'
طارق واقف متنح مش عارف يقول ايه
هند اتوترت جدا من سكوته
طارق : انتي ازاي كدة
هند : ايه
طارق : جميلة
قطع كلامهم موبايله بيرن بص لقي نغم
طارق اخد نفس ورد : حبيبة قلبي
هند بصتله بضيق وغطت وشها
طارق بجدية : حصل امتي ده..... البقاء لله ... طب انتوا كدة هتتاخروا
نغم : ايوة يا طارق انا مش هينفع اجي الفترة دي .. اسفة يا طارق بجد بس مينفعش تأجل الموضوع طيب اسبوع مثلا
طارق : صعب يا نغم ده البلد كلها عرفت
نغم : طب الفرح اجلوه يعني اعملوا كتب الكتاب والفرح لما اجي .. عشان خاطري يا طارق
طارق : يابنتي النظام هنا مختلف .. حاولي تيجي عشاني انا يا نغم ... انتي اختي الوحيدة وهحب تكوني موجودة في يوم زي ده
نغم بحيرة : طيب حاضر يا طارق بعد بكرة هكون عندك
طارق : ماشي يا قلبي هستناكي
نغم : يلا باي
طارق : باي باي
طارق ابتسم ل هند اللي نظراتها مشتتة جدا : لما تشوفي اختي هتحبيها جدا بقت مجنونة اكتر من الاول .. وبعدين يا قمر كنتي عايزاني ليه بقي
هند بتوتر : ولا حاجة خلاص
طارق: اممممم .. هند بجد انا حبيتك.. حبيت شخصيتك... طريقتك... كلامك ... عيونك الحلوين دول وكمان حبيت شكلك دلوقتي ... مفيش داعي للقلق ده خليكي واثقة فيا ... و عارف انك اتجوزتي قبل  كدة .... مش حرام يعني تتجوزي تاني .. افرحي وانبسطي بالفترة الجاية زي ما انا فرحان .. بلاش تفكير في اي حاجة مش موجودة من أصله
هند ساكتة واقلبها بيرقص من الفرحة
حنين فتحت الباب ودخلت: خلصت يا عم الرومانسي انت
طارق بهزار : ايوة خلصت اهو حالا بالا .. هنزل بقي انا عشان جدي هينفخني لو ماروحتش الأرض
حنين : انزل ياخويا انزل
طارق  : بقولك صح .. نغم كلمتني.. جوز صاحبتها مات في مهمة.. حالتهم صعبة جدا .. معرفش هيجوا معاها ولا لا بس الأفضل لو هيجوا هنا نجهزلهم البيت اللي ورا عشان ميبقاش الموضوع محرج
حنين بحزن : لا اله الا الله .. ربنا يرحمه يارب .. ماشي انا هكلم نغم اشوف هتعمل ايه
طارق : اشطا سلام بقي
--------------------
بعد يوم
نغم : ليل انا جهزت كل حاجتي
ليل : يابنتي استني لبكرة ونروح كلنا
تسنيم : مش هينفع .. انا اهلي زمانهم وصلوا دلوقتي  وكمان خالتي حنين وصلت امبارح .. الفرح الاسبوع ده
ليل : كنت عايزة اجي معاكوا يا بنات بس خيّال عنده شغل لسه
تسنيم : يا ستي لما يخلص تعالوا
نغم : اساسا امي كلمتها .. ف كدة كدة لازم نروح قبليكوا عشان نشوف الدنيا ايه .. طالما ممكن يمني تيجي ولا حاجة
ليل : هحاول اخليها تيجي أن شاء الله متقلقيش
ليل سلمت عليهم بحب وبعدها خرجوا للسفر
بعد ساعتين خيّال دخل البيت
ليل قابلته : حمدلله عالسلامة ... وحشتني اوي
خيّال حضنها بعشق  : وانتي كمان
ليل : قبضت عالراجل  ولا لا .. انقذت الأطفال ولا ايه
خيّال قعد بتعب : ايوة ياستي وياسر كان معايا .. كدة خلصنا كل حاجة
ليل : برغم ان كل حاجة خلصت بس موجوعة اوي علي بابا و علي محمد اللي مات بسببي
خيّال : مش بسببك.. متقوليش كدة
ليل : مش دي الحقيقة
خيّال: لا طبعا مش بسببك .. كل واحد له عمر
ليل : مخنوقة اوي يا خيّال .. احنا لازم نخلي يمني تروح معانا حتي تغير جو مش لازم تحضر الفرح يعني
خيّال بتفكير : صعب اوي عليها يا ليل .. اي حد مكانها هيبقي عايز تفضل لوحده فترة عالاقل
ليل : انا هقنعها
خيّال : جربي مش هنخسر حاجة
ليل سكتت شوية : خيّال
خيّال : اممم
ليل : انت ليه خبيت عني حياتك وشغلك وكدة
خيّال : مش بمزاجي.. يعني كل حاجة بيبقي ليها وقتها
ليل: حتي معايا ، يعني مكانش ينفع تقولي خالص
خيّال: لا طبعا بس مكنتش حابب اقلقك عالفاضي ، انا بحبك اوي يا ليل ، حبيتك من اول مرة شوفتك فيها ، محبتش اخوفك لما تعرفي شغلي او العمليات اللي بنزلها
ليل : اوف خلاص بقي انا بس بحب اعرف عنك كل حاجة .. هانروح الفرح صح ولا مش هتعرف
خيّال حضنها : هانروح طبعا ، بكرة هطمن علي ياسر ونشوف هنعمل ايه

___________________________________
يمني دخلت اوضتها قعدت عالارض وفضلت تعيط كتير كتير : ربنا يرحمك يا روحي ، صبرني يارب
نامت مكانها من كتر الحزن والتعب
احمد دخل الاوضة بعد ماخبط كذا مرة ومردتش لقاها كدة ، شالها وحطها عالسرير براحة ومسك المصحف وبدأ يقرأ جنبها
ياسر دخل : بابا هو حصل حاجة 
احمد : لا بس حابب اكون جنبها .. قلبي وجعني عليها يا ياسر مش متخيل اللي حصل
ياسر بحزن : ربنا يرحمه
يمني فتحت شوية بتعب : بابا
احمد حضنها : حبيبت بابا انتي ، ربنا يرحمه يا يمني ، لازم تصبري ، عارفة يوم ما امك مشت من الدنيا وانا مش عارف نفسي.. دايما هي كانت كل حياتي و معاها كل أسراري حتي كنت بحكيلها عن شغلي
يمني هديت شوية وافتكرت كلام محمد قبل ما قلبه يقف " قلبي متعيطيش.. انتي عارفة اني حبيتك اوي اوي اوي اوي يا يمني
يمني بعياط : انا كمان بحب اوي يا محمد متسيبنيش
محمد بتعب : ششش بطلي كلام واسمعيني كويس .. امي خلي بالك منها يا يمني هي ملهاش حد ..ممكن الدنيا تشغلك عنها بس كلميها عالاقل مرة في الأسبوع..ادعيلي كتير يا يمني.. انا يمكن اتاخرت في موضوع جوازنا بس كله قدر ومكتوب .. انا .. انا عايزك تتجوزي وتجيبي عيال كتير .. متوقفيش حياتك .. بس تجيبي راجل كدة يبقي ظابط شبهي وسميه محمد ..
يمني : انا مش عايزة حد غيرك
محمد بثبات عكس اللي جواه: مينفعش انتي قدامك عمر طويل .. عايزاني اطلقك قولي
يمني بغضب : لا اوعي تعمل كدة والله اغضب عليك ولا عمري هسامحك لو عملتها .. انا بحبك اوي من زمان يا محمد .. انا كنت مكسوفة اقولك بس انا بموت فيك .. مقدرش اعيش من غيرك ابدا
محمد : هتقدري عشاني .. انا عندي اخ توأم دوري عليه
يمني بدهشة : توأم .. طب هو فين
محمد دموعه نزلت بقهر : في الصعيد.. لقيته بس ملحقتش اروحله.. حاولي ترجعيه لأمي
يمني : طب سابكوا ليه
محمد : اتخطف وهو صغير .. مكنتش اعرف .. مكنتش اعرف ان عندي اخ غير من قريب شوفت صور بالصدفة في دولاب امي .. سألتها عليه .. مقدرتش تقولي اكتر من انه اتخطف وهو صغير جدا ، انا بدأت ادور كتير من غير ما اقولها ، كنت خايف ملقهوش وخايف اقولها يزيد أملها انه يرجع
يمني ماسكة ايده بحب : اوعدك هحاول الاقيه بس انت هتلاقيه معايا انت هتبقي كويس
محمد ابتسم وبدأ يقول الشهادة
يمني بانهيار: لا لا لا محمد فوق بالله عليك ....."
احمد : يمني ... يمني
يمني بتشويش: بابا انا مخنوقة اوي .. ممكن اروح عند مامت محمد اقعد عندها يومين عشان خاطري
احمد : زي ما تحبي ..بكرة هوديكي