عَقيديّ

غَيْب

يوّد لـو يُعانِقَ نَفسهْ مِن شِدةّ حُزنَه

.

.

.

"اشرقت وانورت"قال رائف وهو رافع حاجبه وماانتظر اي جمله من آسر طلع وطلع وراه رائد

باوع آسر عليه بدون فهم وهو يشوفه متوجه لـ سيارته بـ بدلته العسكريه وقال"هيي انت وين رايح"

مااهتم رائف ولا جاوبه،بس التفت لـ رائد وحجه ويا بصوت هامس وبعدها ركب سيارته وراح

تقدم رائد على الثاني وأشرله انه يدخل للبيت وهو مخلي ايده على ظهره،بعدها آسر بقوه وباوع عليه بحقد ودخل وهو يسب بـ رائف بصوت عالي'ابن الكلب روح بلكي الله تسوي حادث وتموت ونخفف من هالعارات'

"وين غرفتي"قال بعصبيه لـ رائد الي استغفر ربه بسره يلاگيها من رائف لو من هذا، تمالك نفسه وحجه بهدوء مستفز
"راح ننتقل لـ بيت ثاني بالليل لذلك اكعد انت بالاستقبال لحد مايجي الوقت ونروح"

"وين الصخام"قال وآشرله رائد انه يتبعه،دخل وگعد على القنفه وحط جنطته بصفه،ورائد تركه وحده وطلع

.
تمدد على القنفه وحط ايده على عيونه،يحاول يخفف من التوتر والتفكير السلبي،وبنفس الوقت يتمنى لو هذا جان مقلب من اخته وخطيبها وبعدين كلشي يرجع لـ وضعه

ولان الليل كله سهران وخلال تفكيره راح بنوم عميق ومادرى عن نفسه
الا وهو سامع صوت داايداخل ويا احلامه،عفس وجهه وتحرك للجهه الثانيه والصوت بعده يتردد بـ أذنه

"نسرين عوفيني ماعندي دوام"قال وهو بعده غالق عيونه ويبعد الأيد الي اطبطب على وجهه، ثواني واختفى الصوت وابتسم هو بس ما مر الا القليل وحس بشي وكع عليه

فز وصرخ بقوه وهو يشوف رائد كاتم ضحكته"حيوان انتَ اكو بشر هيج يگعدونه"

"نومك ثگيل لذلك هذا انسب حل ويلا امشي راح نطلع"قال رائف وهو يمشي تارك الثاني

زفر آسر انفاسه بقوه وهو يمسح المي الي غرگ وجهه وملابسه،گعد على ركبته گدام الجنطه مالته حتى يطلع تشيرت ثاني يلبسه،كمل وتأكد من غراضه بس تلفونه ماكو،دور عليه بجيوبه على الطبله والقنفه ما لگاه،فارت اعصابه وطلع بسرعه شاف رائد واگف تقدم عليه ولزمه من ياقته"طلع تلفوني لا انعل والديك هسه"قال بعصبيه وانفاسه الحاره تضرب بوجه رائد

تنهد الثاني ولزم ايده وبعده بقوه وقال ببرود"هاي آوامر العقيد اذا مو عاجبك روح اتفاهم ويا اني مالي دخل عليه انفذ وبس"هاج آسر من شاف برود الثاني وهو يحجي وتقدم وضرب رائد بوكس على وجهه