عَقيديّ

الْتِبَاس

هدوءْ فـي الظّاهِر و فَوضى فـي الأعْماقْ

.

.

.

ا

م محمد الي طلعت ادور على الثاني ومن شافته ماكو وشافت الباب الخارجي مفتوح وگع گلبها بأيدها وعرفت انه هرب وماتدري وين راح تودي وجهها من رائف اذا عرف

.

.

"اني تاجر مخدرات،وقتلت خمسه اليوم اسجنوني"قال بكل ثقه للـ نقيب الي يحاول يفهم كلام الثاني

"اخويه ياسجن اذا انت فعلا مرتكب هالشي اعدام گبل"قال الضابط وابتسم من شاف ملامح آسر نخطفت

قال آسر بتوتر وهو يحكـ شعره من ورى"يعني مو لهلدرجه بس اني اريد انسجن"وقبل لا يرد عليه النقيب دگ تلفونه

اشر لـ آسر انه يطلع بين مايكمل مكالمته والثاني راح واول ماسد الباب شاف رائد گباله وتعكرت ملامحه"خير شكو جاي وراي والله ابلغ عليك ولي منا"قال بصوت عالي لـ رائد الي واگف بمكانه ببرود ومارد عليه

شويه وسمع صوت النقيب يصيح عليه دخل ولحگه رائد
ضحك الثاني وقال "غير تگول انت من طرف العقيد رائف"نفتحت عيون آسر من سمع كلام النقيب وتقرب من مكتبه وقال بقهر

"الله يخليك اسجني والله مو من طرفه مااعرفه اصلا هذا خاطف"قطع كلامه هي عيون النقيب الي تحولت خلفه وقال وهو يگوم من كرسيه "رائد شلونك حبيبي وين هالغيبه"
سلم الثاني على حمد وعينه مانزلت من على آسر الي گعد على الكرسي

نزلت دموعه وهو يشوف ماكو مفر من الاكبر،التفت للمكتب وشاف مسدس النقيب وقبل لا يفكر وبسبب حرگة دمه اخذ المسدس وانتبهوا عليه الاثنين

"والله اذا تلمسوني اگتل نفسي"قال وتنهد رائد من تصرفاته الطايشه "آسر تعوذ من الشيطان واترك السلاح يلا"غمز النقيب للثاني وفهم عليه رائد

"واذا تعوذ بعد مااشوف كوادك لتقرب والله ارتكب جريمه بيك"صاح من شاف رائد يقرب

"تمام مااقرب بس نزله لـ تأذي نفسك محد يستاهل"مسح دموعه وقال بقهر"جان ساعدتني من اخذني رهينه بدال اختي ماتختلف عنه بشي'

،النقيب بحركه سريعه تقدم  ضرب ايده ووگع المسدس تقدم رائد

"احمد ربك احنا معرفه ويا النقيب حمد ولا جان صدگ اكلت كم سنه محترمه على فعلتك هاي"قال وهو يسحبه من عضده وسلم على النقيب وطلع