عَقيديّ

مُدْنَف

لم يَعُدْ يُجْدِي أسفٌ،سقطَ قَاطِبة

.
 

.

.

گاعد على القنفه يهز رجله بسرعه،عيونه تجدح نار من العصبيه،وايده تضرب على الطبله الي گدامه بقوه نفاظته انترست جگاير من كثرة تدخينه،ينتظر جية رائد،ومايدري يصدگ بكلام آيه لو هي مشبهه على اخوه

بس الي خلاه متأكد،من اتصل على الثاني وطلعله مغلق وابوه نفس الحاله هنا حس انه الهم ايد بالي صار ويتمنى بسره انه متطلع الشغله من عدهم لان وقتها مايدري شلون راح يتحكم بـ اعصابه ونفسه گدامهم

السايق الخاص بيهم جان واگف بالصاله وام محمد گاعده بصفه دموعها ابد ما وگفت وحست بنفسها شئم من اجتي والولد اختفى وكاعده تلوم نفسها رغم هي مالها اي ذنب،آيه الي گاعده بصف رائف بدون اي تعابير بس تباوع گدامها بملل

سمع رائف فتحة باب البيت وعرفه رائد،هدء نفس حتى مايطلع كل حرگته بالثاني،دخل رائد ووجهه چان بين حيره وسؤال قال"خير عقيد شصاير"انتبه للكل وماشاف آسر ووجه رائف الي مايبشر بخير خلاه يعرف انه الاصغر صايرله شي وتأكد بعد من رسالة ام محمد

بنظره حاده وگف وسأل الي گدامه والاورده الي برگبته كلها بينت من گد مايضغط على فكه"خير ليش لا، وين جنت؟"

جعد حواجبه"دزيتني لـ لواء عمار اخذه منه ملفات السجناء الي طلبتها"رد رائد وعينه بعين الثاني الي اعصابه بكل حرف من رائد تزيد

"الحماية الي جان ويانه منين جبته؟"قال وهو يطگ رگبته بسرعه، ونظرات الكل عليه وام محمد الي عرفت الليله هاي مراح تعدي على خير

"بما انه ثقتنا نعدمت بالكل فـ قررت استعين بـ والدك لان يعرف هالشغله وهو دزلي هالشخص ويعني المفروض يكون ثقه"رد وكمل كلامه بنبره بارده لان نغث من استجواب الاكبر اله

"تدري ضحكتني"قال وهو يبتسم وبلحظه تغيرت كل ملامحه،تقدم على رائد بسرعه وضربه بالحايط وعكسه صار على حنجرة الثاني،واعصابه تغلي،ورائد قابله بكل برود ومانطى اي رد فعل

"من اول مره جبتك تشتغل وياي گلتلك اي واحد يمس الي بطرف ماادخله بشغلي،رائد ابويه واخواني مااريد شي اكوله الك وخاص يطلع الهم رائد راح تلزم كل شغلي الف مره اعيد هالكلام عليك وهاي النتيجه"حجه من بين سنونه وصاح بالأخير

رائد الي حس روحه راح تطلع بسبب ذراع الثاني الي شادها حيل على رگبته دفعه بكل قوه وصاح بنفس الطريقه"رجع آسر لأهله،رجعه واخلص من كل هالمشاكل،من يوم الي صار يمك وانت مو رائف نگلبت علينا مثل الوحش، ماندري بيك لا انت الخاطفه لا انت الي مرجعه،انفصامك مو تجي اطلعه على اي واحد بهذا البيت،الولد بسببك اغتصبوه صار مريض نفسي ومعاق كلها علمود نتحمل مزاجياتك عقيد"وعلى اخر صرخه من كلامه