عَقيديّ

تَأَسَنَ

وَتَظن إِنكَ نَجوتْ،وإذ بـِ فعلاٍ يُعيدُكَ غَريقَاً

.

.

.

12:08 ظهراً:

بـ لبسه العسكري،وسلاحه الي خصره وعطره الي اول ما طلع من غرفته فاح بالبيت لـ قوته،

"رائد"صاح بصوت عالي وجگارته بين شفايفه

رائد الي چان گاعد بالمطبخ مبدل ملابس رسميه وگالب خلقته،سمع صوت الاكبر ووگف رايح عليه

"ها عقيد"قال بعد مادخل للصاله الي چانت فاصله بين المطبخ وغرفة رائف،
بـ ملامح جامده وعيونه على كلشي اله رائف،

الاكبر الي چان فاهمه زين مااهتم لـ تصرفاته وكمل"گول لأم محمد تصبلي چاي هسه اجي"قال وصعد الدرج

هز رائد راسه ورجع للمطبخ

صعد بخطوات رزنه وثابته وكـ العاده اول ماقابله
غرفة آيه، وگف گدام الباب ولا إرادي التفتت عيونه لـ غرفة الثاني تنهد ورجع دگ الباب مره وفتحه گبل بدون اي استئذان،

الثانيه الي چانت گاعده ترضع ابنها،فزت من شافته گبالها رادت تبعد الطفل بس كلام رائف وگفها

"على اساس مشايف صدرج ،كملي رضاعه"قال بدون نفس وسد الباب متقدم من الچربايه،

"تعال رائف"قالت واشرتله يگعد يمها،واخذت الغطا مال الولد حطته على صدرها وراس ابنها

گعد ونفث دخان جگارته،والبيريه بيده الثانيه حطها على الفراش وقال بهدوء"راح اطلع لـ بغداد هسه وماارجع يجوز لـ راس السنه،مااريد حركات غبيه"كمل وباوع عليها ببرود

بلعت ريگها من نظراته وردت بدون فهم"ياحركات رائف؟!!"

التفت عنها وقال وهو يمسح وجهه"انتي وآسر، قربج منه غريب وواگف هنا"واشرلها على بلعومه وكمل مأشر على شعرها"صح انتي مو محجبه بس مااريد اشوفج بشعرج گدامه ولا اريد اسمع وراح اوصي ام محمد"

جعدت حواجبها وتعكرت ملامحها من كلامه"خير رائف،ترى كلش زين تدري اني وآسر منتراهم بس هو مرات يسألني واجاوبه ممتجاوزين هالشي"

باوع عليها وميل راسه"آيه اسمعي الكلمه لان تعرفين رائف اذا طگت براسه شيسوي"قال وهو يراقب ملامحها

ونظراته الي ارعبتها خلتها ادنگ راسها وردت بـ اختصار"صار، يصير الي تريده"