عَقيديّ

هُنا اَدركتْ قائلاً من اَنا

mabel matiz fırtınadayım
استمعوا الـها قبل القراءه

•|

هُنا اَنا وانتْ
والكثير من الألم الحربِ والسقمْ

هنا نفسيِ الخائرة وجسديِ المملوء بالأسى
وقلبكْ الوهن الذي يسكنهُ الرجى

هنا الرغبه والحُب وعيناي

'يُحادثهُ بـِحرقةٍ تُكاد تفيض من عيناه
قلبي ليس هنا انتَ فقط

ويجيبه الآخر مُلوث خداه الدمع
هنا عيناي وقلبكْ
دمعٌ شجي ووداع اَبدي

سُكونك داخليّ غريبْ دخل بـ جموح وانتهى بـ قطرة ندى توگع من ورقة شجره لان مااگدرت تتحملها

عيونك اغربَ سكنها الحُب متأخر

شنو ذنبي بـ حُب انتَ خلقتهْ

ذنبك عيونك

بُكل كلمه منك راح تذكر عيوني؟فقدت وحده والثانيه صرت اشوفك بيها بصوره ثانيه
اني اعمى كلياً هسه حتى شكلك صار صعب تمييزه

عَدم

مايكفيك اسم رماد'

بيك نخلق الآسر والرماد والعدمْ

كافي تخلق بداخلي شخوص وتسميهم افتقدني وافتقد هويتي

آسر
مات من اخذته عندكْ ونسيتهْ بـ هذيج الليله

ورماد
اه شحجيلك عن رماد الي بيه خلقت الاهتمام والخوف عليك وصار طاريك البسمه الوحيده بذاكرته

وعَدم
هو هَرف الجنان هو الاخير الي تخلتْ روحه عن جسمهْ

مو بس انتَ تفتقد نفسك

اني افتقد انسان مات من سنين بداخلي هو خلقْ السوء بيه وراح هو سبب أذيتك حاسبه هو لتحاسبنيّ

تذكر رگصتنا تعلمتها لان ردت
اجرب القرب الي حضى هو بيه قبلي بس ماظهرتلي ضحكتك الي ظهرتها اله

مو بس انت تكرهني حتى اني اكره نفسي
لهاي الدرجه جنت سيئ وياك حتى تروح بدون ماتلتفت عيونك جانت مُناي الاخير

خفت التفت واشوفك
ملامحك البارده جان وراها دموع وتوسل
شفت روحك عقيد
خفت التفت وانسى وعدي وارجعلك
كسرتني وگفتك البعيده عني

روحي الي جثت على ركبها گدامك
بس اني راقبتك بشموخ وكسر

ليش ما منعتني دريت بيه رايدك

لان دريت قربي راح يخسرك نفسك

جرحي بداخلك يلتئم وتنساه وتكمل حياتك

جنت دائماً تنطي حُكم مسبق لكلشي حتى لمستقبلي
بعيد عنك واليوم صار سنه
وعدت السنين وبعدني اشوفنا بذاك المكان
بعدني انتظر ايدك الي تسحبني الك

كبرتْ حييت عيد ميلادك على شمعهْ سوده
وماطفيتها تركت الوقت هو الي يطفيها وعدت الساعات
وطفت وشوگي الك ما طفى

المكان الي اني بيه بارد ومابيه روح اظلم ويحيطه
ضوا الخارج الخفيف
عذابك الي انتهى بهيج مكان حيل قاسي
انت وياي

شنو ذنبي احس بالمرض ومالي علاج
ساعدني،

ذنبك الوحيد حبيتكّ

دااتحس بـ الي دااحس بيه نهايتي ونهايتك
بديت احس بيها على شفا حفره
مراح تسوي شي النا

النا!!
انت وحدك بعد اني درت ظهري
وسكنت بعيد ونگطعت اخبارك عني وگاعد
اعيش ايامي الاخيره ويا خيالك

رائف
اسمك ثگيل هالمره گلته ونزلت دموعي
منو انتَ حتى تخلق بيه هالحزن
بس من اسمع اسمك

اني غُربتك واَثمك الوحيد
اني العذاب لـ نفسك
والدمعه الي تنزل من عينك
اني وجع گلبك
وكسرة روحك
اني عقيدك الـ ماهوى گلبه غيرك
اني الي بعيونك اضيع بالعدمَ
اني منك والكْ

مراح تگول شي أخير
شنو منتظر ابجي واحضنك واترجى گلبك

ابچي واحضني واني راح احضنك وابچي وياك
واخمد ألمنا سوى واخلق لروحنا ذكرى
بينلي ضعفك لمره وحده

اعتذر يامُناي لا دموعي راح ترجعك
ولا حضني راح يشفيك ذكرتنا الوحيده اول لقاء

انتَ انسان ضعيف وجبان اَذيتني وطلبت
منك شي اَخير ورفضته ما هان عليك شوفتي بذاك الكسر
ماگدرت ايدك تمسح وتخفف الألم

كُلشي وياك مُر عقيد

بديت احس بصوت النهايه يطرق على الابواب
اتمنى نهايتي وياك

لان بدونك مالي نهايه
ماكو طريق راح ياخذني

اَخذني الك انت طريقي الوحيد

•|

هذا الكلام ليس مستقبلاً هذه فقط
محادثه بين ارواحهم فقط مُناجاة لتغيير القادم

اتمنوا لو حاجيين هالكلام لـ بعض
بكل لحظه جمعتهم خمدوا مشاعرهم
وأثرها چان سيء على حياتهم

النقله الاخير لـ مشاعر آسر تبدي بـ
آخر البارتات قادمه

واَقبل الوداع دون رحبٍ