عَقيديّ

إنْتِزَاع

لـَم أفقدْ السَيطَره فقطْ،بـل فَقدتْ نفسي أيضاً

.

.

.

وصل رائد للبيت بعد مااتصلت عليه ام محمد وهي تبچي،وماافتهم اي شي منها غير انه آسر ماله أثر،وگف سيارته وانصدم من شكل السايق الي واگع بالگاع بدون اي حركه وتقدم اكثر وشاف حارس البيت فاقد حياته بسبب الطلقه الي بصدره،مسح على وجهه بغضب

ودخل للبيت،شافته ام محمد وگامت بسرعه وهي تبچي تقدم عليها رائد ولزم ايدها وقال"ام محمد احجيلي شصار"

آيه الي شافت الثانيه مو گادره تگول شي تقربت وقالت"چنا گاعدين على التلفزيون اني وآسر،وخاله بالمطبخ،ندگ الباب بس چان هذا الداخلي رادت خاله تطلع بس هو ماقبل وطلع تأخر لحظات وبعدها سمعت صوت سياره شخطت ومشت بسرعه ،فـ طلعت اشوف منو لگيت آسر مو موجود والحارس والسايق على هالوضعيه وخفنا نتقرب منهم"كملت آيه،وقالت ام محمد بحده

"اتصل على رائف هسه يجي يشوف حل للولد،لا انتوا تسون المشاكل وهو بلا ذنب يوگع بيها"كملت بصياح وحضنتها آيه،أشرلها رائد انه تاخذها لـ غرفتها والثانيه فهمت واخذتها وراحت

طلع برا واتصل على الاسعاف والشرطه،وبعدها اتصل مره ومرتين والثاني ما رد اتصل مره ثالثه ورد رائف"مو دااتشوفني مداارد عليك يعني مشغول"قال بعصبيه وجاوبه الثاني بهدوء"عقيد افضل لو تجي للبيت هسه"

استغرب الثاني ووگف من مكتبه وقال"خير صاير شي"اخذ نفس رائد ورد"آسر نخطف او هذا الي نعتقده بهاللحظات"،حط سلاحه بخصره واخذ الملفات الي جان يشتغل عليها وطلع وهو بعده على الخط ويا الثاني "انت منين تجيب هالحجي"

تنهد الثاني ورد"گلتلك عقيد افضل لو تجي ونشوف شنو السالفه لان الموضوع مبين حيل چبير"همهم رائف وسد الخط وطلع لـ سيارته واخذ وياه ثنين ضباط راجع للبيت

.
الاسعاف الي وصلت واخذوا السايق كونه مابيه شي غير انه فاقد للوعي والشرطه اخذت افادته بخصوص الي صاير اما الحارس اخذوا جثته وتبين انه نقتل بمسدس كاتم صوت ومات بنفس اللحظه،دخلت الشرطه وتأكدوا من البيت واخذوا افادات آيه وام محمد

ورائد الي ماحب يخبرهم انه اكو كاميرات مراقبه وترك هالأمر لـ رائف هو يتصرف بمعرفته

.  .  .

"من رحت گعدته گالي خاله احس شي ضاغط على صدري ومو مرتاح،سوده عليه ياأمي"جانت تبچي وهي تحجي لـ آيه الي مدااتعرف شلون تواسي الثانيه،رائد دخل عليهم وقال بأمل