عَقيديّ

دَهَى

ثُمَ شَهقَ شهقةَ فاضَت نَفسهُ فيها

.

.

.

9:08 صباحاً:

"باباتي شنو مضوجتك، اوخرها؟!"قال نادر وهو يشوف آدم يلعب بالحمالات مال قميصه ومجعد ملامحه

"لا"رد بعبوس،زم نادر شفته وگعد حتى يصير بطوله وقال مقترح عليه وجاي ويا عقله"شنو رأيك نغير هاللبس ونلبس الدشاشه(الثوب) الي اشتريناها"

باوع عليه آدم وهز راسه بنفي"لا مو حلوه واني بعدني صغير،بس الكبار يلبسوها"

ضحك نادر بخفه ورد"لا عادي هنا الاطفال يلبسون هيج،يلا وحتى تشوفها لـ عمو احمد"ورغم انه الاطفال مايلبسون هيج بس هو چان حيل حاب يشوف شكل ابنه بيها

سكت آدم ومارد،ونادر الي اعتبرها موافقه راح للجنطه وطلع منها دشداشه صغيره لونها حليبي وبـ تصميم اماراتي ووياها شفقه لعمره وهو نفس الشي طلع دشداشته

اخذهم وگعد يلبس آدم،شاله وحطه على الميز مال المرآيه اخذ مشط وگعد يرتبله شعره والثاني عيونه مشدوهه على ملامح ابوه وتتحرك ويا كل حركه من الأكبر

مد ايديه الصغيره وحطها على لحية نادر وقال"بابا ليش عندك شعر ابيض هواي"

ابتسم نادر وهو ياخذ شيشة العطر حط منها شويه على ايده ومسح بيها رگبة آدم ورد"هاي لان يا بابا اني چبير فـ يطلع شعر ابيض"

آدم الي رچفت شفته وعيونه غورگت رد بخنگه"يعني راح تموت"

نادر الي توسعت عيونه من هاللكلمه وقال"ليش اموت منو كلك هيج حبيبي"وهنا جانت هالنقطه انطلاقه للبچيه الي دخلها آدم

شاله نادر ومسح على وجهه وهو مايدري شجاه هيج فجأه"حبيبي باباتي ليش تبچي احجيلي"

شهگ الاصغر ورد ودموعه تنزل"سعد"ولدغة السين ويا منظره جانت حيل متعبه نادر الي مو گادر يكتم ضحكته

ابتسم وهو يحاول يخفيها وكمل"منو سعد وشبي"

مسح دموعه آدم وشهگاته وحده ورى الثانيه،كمل وهو يلعب بياخت نادر"گالي الواحد من يكبر يموت،لان ابو چبير ومات"

باس نادر خده وقال بجديه"حبيبي هاي الامور المفروض ماتحجون بيها،انت هناك رايح تلعب وتتونس مو صحيح!!"