عَقيديّ

مُساوَمةَ

يـا شعُور أَبلَغ مِن الكَلام

.
.
.

"رساله ثانيه لـ عمار وتشوفين راس اخوج الحلو گدام الباب"وقبل حتى لتجاوبه نسرين تركها وطلع،بهالأثناء آسر لاحظ ملامح الثاني المتهجمه وشلون يحاجي اخته وماعجبه الوضع

سدت نسرين الباب وهي تدعي على الثاني بسرها'الله ياخذك يوم الي اشوف بي راسك'،ملامحها ماتغيرت واول مادخلت شافت آسر بوجها ونظراته تريد تفسير

"شبي وياج؟"قال بهدوء ورفعة حاجب لـ نسرين الي اصلا ماعدها خلگ تگعد تشكي وتبرر لذلك اختصرت كلشي بكلمتين"مابي شي" وعافته وراحت

استغرب من رد فعلها وحسها فشلته حزت بنفسه تصرفها وماحب يرجع ويسئلها لذلك تركها على راحتها

.

بيتهم صار كئيب لـ درجه وكل شخص بحاله ندى الي بعد ماكملت امتحانات جامعتها راحت لـ بيت خالتها بمحافظه ثانيه وجانت تتمنى نسرين تجي وياها بس رائف رفض،

احمد الي حابس نفسه بغرفته لا اكل ولا شرب مثل الأوادم من يوم صارت حادثة اياد وهو ترك دوامه ولازم البيت اربعه وعشرين ساعه،يلوم نفسه على الي صار كونه هو الي طلب منه يطلع،ونادر الي من يوم ما تعارك ويا ما رجع حجه ويا غير بس قاله انه يترك المستشفى وهو باقي عند ابنه

وابوهم الي قرر يسافر بسبب شغل عنده خارج العراق
وآخيراً آسر الي ماعنده شي غير دراسته وتجهيزاته للبعثه

. . .

بعد يومين 5:27 عصراً:

رنا الي جانت متردده وخايفه وهي واگفه گبال مكتب رائف بس قررت تنتهز الفرصه بما انه موجود ودگت الباب مرتين وسمعت صوته يقول "ادخل"

فتحت الباب ودخلت راسها وهي تباوع عليه،انتبه رائف انه ماكو صوت فـ رفع راسه وشاف اخته وهي على نفس وضعيتها، مسح على جبينه وقال بهدوء"لا تبقين واگفه هيج مثل لعابة الصبر تعال وگولي شتريدين"كمل ونزل راسه يگلب بـ الاوراق الي بين ايديه

هزت راسها وكأنما يشوفها وتقدمت من مكتبه وضحكت بتوتر"رائف عندك شغل هواي اليوم؟"قالت بسؤال للثاني الي نزلت نظارته وهز راسه بالنفي
"لا ماعندي شي قليل وراح اخلصه ليش؟"

"هممم شوف هو عادي تاخذنا اليوم اني وخطيبتك نسرين ونطلع نفتر ببغداد لان اكو هواي اماكن ماشايفتها فدوه اقبل"قالت وهي مشبكه ايديها ببعض وعيونها كلها توسل