عَقيديّ

مِرَاس

بيـنَ اليـأس،والـلابأس

.

.

.

"شلونك"قال رائد بهدوء لـ آسر الي باوع عليه ببرود ورد "شلون النقيب"

ابتسم رائد على رده،وهز راسه مكمل"الحمدلله"

بعد آسر عيونه عنه وقال بملامح جامده"منو الي مسوي حادث"

طلع رائد جهازه من جيبه أثر صوت رساله ورد "اخوه الجبير"

تنهد الثاني بقوه وقال مرجع عيونه لـ رائد"تتوقع السره على منو"

جعد رائد حواجبه بعدم فهم وحط جهازه بجيبه ورد"ياسره؟!"

هز آسر راسه بـ ازدراء ورد"طلعت ماخذ جرعه زايده مال مخدر بـ مستشفى حاكم اربيل،ويا للصدفه بـ ثاني يوم اخوه يسوي حادث"

رائد الي ماعجبته طريقة آسر ولـ شنو داايلمح،"شتريد تگول"قال وهو يتقرب منه

جعد الثاني ملامحه ووگف على رجله ورد بدون نفس"يعني لو انت لو الگواد الي برى سراه جاي"

"هسه اگعد ولتضغط على رجلك لا رائف يسوي مصيبه"قال رائد ومااهتم آسر لـ كلامه وبدا يتمشى بخطوات بطيئه داخل الغرفه بعد ما گاله الدكتور انه يگدر يعالج عمليته بالمشي ومن ينشد العظم لازم يلتجئ للرياضه

. .

"شصاير"

قال رائف من ورى الجهاز وصوت عمر وبحته خلته يفقد كل الراحه الي بگلبه،

"عمليه اغتيال رائف مو حادث"قال بغصه وبسرعه وهو واگف بالمستشفى على اعصابه

ورد الاكبر بملامح جامده"آدم ويا؟!"
همهم عمر وماگدر يسيطر على دموعه"آدم حيل متأذي بس نادر منتهي رصاصتين بصدره"

"عدل صوتك وخليك يم ابوي وامي بين مااجي"رد بحده وسد الجهاز

ضغط على سنونه ماسح على صدره بخفه وشاف جهازه يدگ،باوع على الاسم ومابي يرفض

رفع الخط ورد"نعم سيادة العميد"وهو يمشي بالرواق وعقله بغير مكان

"رائف ترجع من اربيل فوراً لمقر المحافظه وتبقى هناك حالياً انت مستهدف"وقبل لا يكمل العميد كلامه رد رائف بعصبيه

"تعرفهم؟!"

جاوبه الثاني وهو گاعد بسيارته بهدوء"ماعليك انت اعرفهم لو لا سوي الي دااتسمعه وهذا أمر، الرتل ينتظر جوا المستشفى"وسد الخط