عَقيديّ

مَأتى

ومن شِدةِ عْبئهِ تحَطمَ ذلِك الأِناءْ الفُخاريّ

.

.

.

9:30 مساءاً:

"شعجب"قال صديقه بتعجب وهو مو مصدگ الي سمعه من الثاني

رفع حمد كاسه ورد ببرود"هم يلا الحگ"،

ابتسم صديقه هاز راسه بدون فهم وكمل وهو يشرب ويا"ماتنعرف حمد قبل شهر تگول شايل الفكره من راسك وهسه تريد تزوج شنو سالفتك"وكمل مثبت عيونه عليه

حط حمد كاسه بقوه على الميز وقال بملل"اكولك جاي هنا اتونس مو تگعد تسألني شنو تورطت گلتلك"

سكت صديقه من شاف عصبيته الي ما منها داعي،والتفت يباوع على الي گاعده ترگص گدامهم،

"بربكم منو ناقصنه بهاي الگعده"قال واحد من الموجودين وياهم ورد حمد بسخريه"العقيد"

"بس عمي العقيد بعد شيحجي صار قائد شرطه هالگعدات مو من مستواه"قال الثاني وهو مو عاجبه وضحك الي بصفه ضارب الكاس وياه

اشر حمد للنادل وتقدم عليه الاصغر"جيبلي ثاني"وكمل ماشر على البطل،هز الثاني راسه بـ ايجاب وابتعد عنهم

ميل حمد راسه وهو يباوع على الراقصه بملامح خامله،سند ايده على الميز الي گدامه ووگف ماد ايده لـ جيبه الي ورى ساحب شدة فلوس،وتقدم للستيج

"وهاي لعيونه"قال بصوت عالي وشمر على الثانيه الي ابتسمتله،رجع للميز گاعد وشرب كاسه دفعه وحده

"ارگصلك وتشمرهن عليه"قال واحد من اصدقائه وضحكوا الگاعدين،وكمل هو بجديه ونظرات حاده"البس مثلها وصعد على الستيج واني مو رجال اذا مااشمر عليك عدالهن"

"واضح الاخ اخذ الموضوع بجديه"قال صديقه وكمل المقصود قاصد حمد"ياجديه ترى الشرب ضرب براسه"

جعد حمد حواجبه من سوالفهم ووگف طالع من المكان وكاسه بيده،وبطريقه تقدمت عليه وحده"ليلة"قالت وهي تباوع عليه

بلل شفته وعيونه نزلت على لبسها"ليش لا انتظريني"كمل وطلع من الباب الثاني للمكان وبخطوات مو متزنه استند على الحايط واگف وسط ممر اظلم،يدندن بـ الحان وكلمات مو مفهومه،سكران وعقله مو ويا بس رائد بين عيونه نزل نظره للگاع

ضاغط علي كاسه بقوه وعيونه صارن حمر من عصبيته وكمية الشرب، وبـ لحظه شمر الكاس بقوه على الحايط