عَقيديّ

أَغَرّ

سقطَ اللـيلْ علـى يَديّ وتَمادىْ

.

.

.

"آيه؟"قال بصدمه وهو يشوف مليكةَ گلبه وعقله،سبب خرابه وحطامه،الانسانه الي چان لو بيده يضحي بروحه علمودها،بهالمنظر وبهذا المكان،الرساله الي وصلته والمكتوب چان فعلاً حقيقي

ضبط اعصابه وضغط على نفسه حتى ميأذيها وتقرب منها والثانيه الي جانت دموعها تجري على خدها ابتعدت وهي تشوف رائف اتقرب منها،ضمت راسها بين رجليها وبدأت تون وتبچي بصوت عالي

ركع رائف گدامها وقال بسؤال"لهلدرجه خايفه مني ،تتوقعين ممكن يجي يوم وأذيج؟"رفعت الثانيه راسها وباوعت بعيون الثاني وماگدرت تنطق بشي،دار رائف راسها عنها وهو يحاول يتحكم بغضبه ومايحرگ المكان بالي بيه، من شاف الثانيه وهي بلبس مو مستور، وهو الي چان محافظ عليها تاليها توصل لهلمرحله

صاح بصوت عالي للضابط الي ويا"عماد"تقدم الثاني بسرعه ومن شاف البنيه ورائف گدامه نزل راسه ورد"أمر سيدي"

"الدوريات كلها بالي اعتقلوهم خلي يطلعون بيهم على المركز،واتصل على رائد يجي بسياره مظلله هسه،مااريد ضابط لو شرطي لو بشر يبقى بهالمكان اخذهم واطلعوا"قال وهو يباوع على الثانيه الي منزله عيونها
"امرك سيدي"قال الضابط وطلع وهو منزل راسه

طلع جگاره من جيبه ودخنها وقال بسؤال حاد"شتسوين هنا؟"هزت الثانيه راسها بنفي وماجاوبته،طگ رگبته وضرب لسانه بخده ورجع كرر سؤاله بس بنبرة تخويف"ثاني مره أكولج شتسوين هنا؟"

رفعت راسها وقالت بقهر ودموعها تنزل"مو واضح؟،برأيك شنو الواحد يسوي بـ بيت دعاره"نفث دخانه وركز عيونه عليها من شافها جعدت حواجبها وشكلها متوجعه"شبيج؟" قال وهو يتقرب منها وشاف بطنها ونصدم مبتعد عنها

"شبيها بطنج هيج؟"قال وتمنى مايكون الي براسه،ردت الثانيه وهي تتألم وتبچي"ح..حامل"توسعت عيونه وقال بعصبيه"لتكفريني حامل من منو؟"

"من طليقي وهو نفسه يشتغل هنا"جاوبته وشيطاين الثاني صارت فوگ راسه، طلع من الشقه وهو ثاير وسحب مسدسه وضرب بالجو خاف لا يروح ويقتلها وطلع غضبه بكل حياطين العماره،رائد الي جان هسه واصل ومن سمع ضرب النار وصراخ رائف وگف گلبه وطلع يركض

شاف الثاني نازل وهو هايج لزمه من ايده وقال بقلق"رائف شصاير"باوع عليه بحده وقال بعصبيه"آيه فوگ نزلها واخذها بالسياره لبيتي واتصل بدكتور يلحگك هناك واني جاي وراكم"