عَقيديّ

إِجْتَوَى

ثُم يأتيّ ذاكَ الغَريبْ لـيَكسُر كُل قواعِدي

.

.

.

"البقاء لله"قال نادر بصوت متأسف لـ والد احمد،وهز الثاني راسه بدون كلمه،وبعدها تقدم من أحمد وحضنه"عظم الله اجرك"قال وهو يمسح على ظهر الثاني الي الدموع مغورگه عيونه،ابتعد وگعد بصفه وهو لازم ايده گدام العالم

"خليك مؤمن بقضاء الله وقدره وكلنا على هالطريق ماشي حبيبي"قالها وهو مقهور على حالة الثاني ،نزلت دمعه من عين احمد ورد بصوت يرچف"بس بعدها صغيره ما شافت شي من الدنيا"

"الموت مايعرف صغير ولا چبير،ابني اياد مو ست سنين واخذه بلحظه من بين ايدي بس وكلت امري لله والعوض بـ آدم،وانت عندك نسرين هسه خاف عليها وقوي نفسك علمودها"هز الثاني راسه ومارد شي الحزن أكل گلبه من ماتت اخته

قبل يومين:

"احمد فدوه والله طگت روحي من البيت"قالت ندى وهي تتوسل بالثاني انه تروح لـ عرس صديقتها العصر،بس الثاني لاول مره يركب راسه هيج ومايقبل تطلع

"ندى ليش تلحين گلتلج ماكو طلعه يعني ماكو"رد عليها احمد وهو يباوع على المباراة على التلفزيون،تنهدت الثانيه بقهر وقالت وهي رايحه من عنده"لو آسر جان قبل واجا وياي"سمعها ومادار بال

بس مرت نص ساعه وحس ضميره يأنبه،وفعلا من رجعت من بيت خاله وهي ماطلعت من البيت،تنهد وصعد رايح لغرفتها هي ونسرين،دگ الباب وماسمع صوت، فتحه وشافها گاعده على الچربايه وهي مبوزه وتگلب بجهازها بعصبيه

"اذا رحتي منو يروح وياج؟"قال ببرود وهو واگف ومنتچي على الباب،اندارت عليه وقالت بقلة حيله"محد نسرين تگول مابيها حيل تطلع وتعبانه،عندي احد بعد؟ بس انت اذا تريد تعال"

زفر ورد"ندى راح اخليج تروحين ساعتين واجي اخذج دقيقه زياده ماكو"ابتسمت وصفگت بيدها وركضت عليه حضنته وباست خده"الله لايحرمني منك حمودي"

دفعها وقال بمزح"ترى اعرف هاي الكلاوات وحمودي وحركات،يلا تحضري لان ادري بيج اطولين"هزت راسها ودفعته بقوه وسدت الباب بوجه،انصدم بس عرف هاي نتايج الفرحه

مر الوقت وراحت لحفل صديقتها وهي فرحانه ومكيفه للثانيه ومن صار الوقت انه يطلعون العروس للباب هي اتكفلت كونها صديقتها ومن وصلوها، اقارب العريس اطلقوا نار ووحده من طلقاتهم خطفت حياة ندى بلمح البصر،تحول من عرس لـ عزا

.

كل مايتذكر الاتصال الي وصله وصوت صديقة اخته وهي تبچي،ومن شاف شكل اخته سابحه بدمها بدون اي نفس،ماتت بنفس اللحظه وحتى مالحگوا يسعفوها،كلشي چان سريع حتى يتقبله عقله ماعرف شلون قال لأبو واخته نسرين الي من يوم الوفاة وهي بالمستشفى وحالتها حاله،واخو آسر الي مداايگدر يوصله