عَقيديّ

إْيْاْدْ

وكأنَ كُل ما كانَ، ما كان

.
.
،

"خلونا ندخل بالموضوع"قال رائف بملل وحزم الاب كعدته وأشر لأخو الجبير بعيونه، عم رائف انه هو الي يبتدي كونه شيخ عشيره معروف وكلمته موزونه، مو تقليل من نفسه بس الاحترام واجب بينهم وهذا الاصح

باوع الشيخ حسين لـ ابو سراب وهو ماسك سبحته بـ ايده وقال"شوف يا ابو سراب احنا من العادات عدنا مانجفت(ندخل)گبل بـ أي زواج لـ ولدنا، اولاً لازم نسئل عن اصل وفصل البنيه ونعرف اهلها خوش اوادم لا ونسئل المنطقه يلا نمشي بالموضوع وهذا مو شي اني لو غيري نگوله لا لان حتى نبينا وصانا وقال اختاروا نسبكم فـ إن العرق دساس، واني مااريد اجاملك الصراحه احنا ولدنا ننطيهم للي منا وبينا، لان نعرف القدر وغطاه، بس ابن اخوي رائف طلع ما مقصر وسائل عن بنتكم قبل مايخطي اي خطوه والبنيه حيل عجبته،ومن عرفنا وافقناه لان الرجال مو صغير وفاهم وواعي لذلك توكلنا،الي تطلبه انت والبنيه صاير من المليون للمليار، ومن حقكم تسألون على ولدنا وتشرفونا بتكريت وجثير(كثير )الهلا بيكم، والكلام بعد متروك الك اذا تردني،لو نصير اهل"

ابتسم ابو سراب بعد ما كمل الثاني"والله ياشيخ كلامك يكفي واحنا نتشرف بيكم،ومو حلوه بحقي اني اردكم،البنيه گالتلي واخذت رأيها وهي موافقه،بالنسبه الي نسرين روحي من الدنيا والعون بهذا البيت كون امها متوفيه واني من اجي انطيها لازم الي ياخذه يعزها ويقدرها مثل ما جانت ببيت اهلها،اني موافق على ولدي رائف بس شرطنا الوحيد انه تكمل وظيفتها لان هي مادرست حتى تكعد بالبيت،وباقي شروط المقدم والمؤخر متروك للبنيه" كمل كلامه ابو سراب بس حس نفسه مو مرتاح وحاول يتجاهل هالشي

رد عليه رائف بكل ثقه "والله ياعمي اني اخليها بعيوني واذا على وظيفتها مابيها شي ومو معترض"

وبين هذا كله نظرات نادر مانزلت عن احمد الي ضايقه هالشي ويحاول يتلافه عيونه بس الثاني جان عقله مو عنده دايخ بجمال احمد كل ثانيه يبعد عينه ويرجعها عليه ومايعرف شلون ممكن يفتح موضوع ويا

باوع ابو سراب لـ احمد وقاله بصوت ناصي"ها يابه شنو تگول"
رد عليه احمد بنفس الهمس بس بحده وهو يباوع على ابوه ببرود"تعرف قراري زين يابه بس الي تكوله صاير لذلك لـ تسألني"

تحمم الاب وباوع على الباقين، وقال ابو رائف بصوت عالي نسبياً"ها نقرا الفاتحه"،هز راسه ابو سراب وقروا الفاتحه ووگف طالع وقال لأخته. بصوت عالي انه تهلهل بمعنى انه خلاص تمت على خير

هلهلت العمه واختها وضحكت ام رائف مافارگت وجهها نسرين الي حست خلاص كأنما قدمها ابوها قربان لهذا الوحش برضاها، اختنگت وماگدرت تسيطر على دموعها وبچت بصوت عالي لفتت انتباه الكل الها ورنا تأكدت من شكوكها تقدمت عليها وهي تباوع لـ ندى وقالت بهمس"مجبوره على الزواج بـ اخويه مو" بلعت ندى ريگها وهزت راسها بنفي ونسرين سوت نفس الشي وهذا مااقنع رنا بتاتاً، نور الي ماگدرت تتحمل دموع صديقتها وطلعت برى تحس كلشي صار بسببها