عَقيديّ

تَبَرُّم

لا أستَطيعْ إٍحتِوائي أكادْ أَفقدَنيّ

.

.

.

12:30 ليلاً 'يوم الحادثه':

ايده على خصره ويروح ويجي مو گادر يگعد مايعرف ليش متوتر وخايف بس لا وائل مايسوي الشغله او تصير فد عرقله وماينشر الخبر

"منو"فز وصاح بصوت عالي وثبت بمكانه من نفتحت الباب"اسم الله عليك يمه شبيك"قالت الثانيه وتقدمت منه وهي شايله بـ ايدها صينيه،غمض عيونه وهدء انفاسه وقال بصوت يحاول يخليه ثابت ومايرجف "لا خاله مابيه شي بس مو جايني نوم"

همهمت ام محمد وسحبته من ايده للچربايه وكعدته عليها،والثاني مطاوعها اخذت گلاص(قدح)مي بـ الليمون وقدمته اله وقالت"اشرب هذا هسه تسترخي اعصابك وترتاح وبعدها اكل هاي الموزه حتى تنام وميصير عندك ارق"

هز الثاني راسه"شكرا خاله بس ليش تعبتي نفسج بهالوقت جان نمتي"ابتسمت ومسحت على راسه"ماكو اي تعب ياأمي ومن تحتاج شي گولي ولتستحي"

همهم آسر وهو يشرب وباوع عليهاورد بمستحى"ماتقصرين خاله"

"يلا نام وارتاح واني هم رايحه انام تصبح على خير"قالت ورد الثاني "وانتي من اهله"مشت ام محمد وقبل لا تطلع من الباب ابتسمت بحنيه واندارت على آسر وقالت"آسر شوكت ترجعلي تلفوني"غص الثاني وبدا يگح بقوه "شنو ياتلفون ماعندي شي"قال بتوتر وهو يمسح حلگه

"شوف حبيبي اذا انت اخذته حتى تخابر اهلك مو مشكله جان گلتلي وساعدتك بس اذا لنوايا اخرى هيج مااقبل عليك"قالت ووگف آسر وتوجه عليه"ماعندي اي نوايا ثانيه"ببرود رد والثانيه طبطبت على صدره وجاوبته"ادري بيك لذلك من تريد شي اطلبه ولتتردد واني اساعدك بالي أكدر عليه"

دمعت عيونه مو حاس بالراحه ولا الامان وهو بنص هالبيت قال برجى لـ ام محمد وبنبره متوسله"خاله فدوه اريد ادبريلي رقم دولي حتى اتصل على اهلي"

جعدت الثانيه حواجبها وبسؤال"ليش دولي يمه؟"رد آسر بنفس النبره"بعدين افهمج بس تگدرين تجيبيلي؟"هزت الثاني راسها وقالت بصوت مطمن"لتخاف ندبره راح اطلب من السايق يشوفلنه واحد"

"عادي احضنج"قال ونزلت دموعه يحسها نور اله وسط هالظلام،ابتسمت الثانيه وتقدمت وحضنته وبادلها آسر بقوه"ابو دميعه"ضحكت وهي تضربه على ظهره

"عادي يبقى جهازج عندي لـ فتره"قال وهزت راسها الثاني"عادي ولا تهتم بس لتخلي احد يشوفه"همهم