MUTUNCIN 'YA MACE

6

I think you'd like this story: "MUTUNCIN 'YA MACE" by HAFNANCY01 on Wattpad https://www.wattpad.com/story/278469404?utm_source=android&utm_medium=com.gbwhatsapp&utm_content=share_reading&wp_page=reading_part_end&wp_uname=HAFNANCY01&wp_originator=iz8CPN6PS5iBijnWCnJyZeR3xCDalw%2FS2dLvdKXzlX%2BoD4ooL404KjXP4OYtWm%2FIlDMCC7FZ5XYl3bXt017qr22oAhCdPbtZGRPGRH60DM92lS1VLMyAmRiFnRyGgHlQ

*MUTUNCIN 'YA MACE....!*
           _{Babban jarabawa agareta..}_

     
            *NA*

   _Hafsat Hafnan_

                *DA*
   
        _Zainab Chubaɗo_

*Labarin dake ɗaukeda Cin zarafi, cin amana, k'eta, illar k'awa da kuma zazzafar soyayya mai fuzgar zuciya❤*

       *06*

Gangarawa gefen titi yayi ya paka, ya sakko cike da tashin hankali yana fad'in"Baiwar Allah! Baiwar Allah! dan girman Allah ki rufamun asirin karki mutu mun acikin mashin ki jefani cikin matsala.."...ruwan faro d'in dake gaban mashin d'in nasa ya dakko ya balle murfinta, sannan ya daga goran ya fara tuttula mata ruwan afuska, wani irin dogon numfashi taja kana ta soma d'an bud'e idanu kadan kadan, can ta saki atishawa nan idanuwan nata suka ida washewa ta saukesu fes akan mai adaidaitan dake hamdala aransa, afirgice ta zabura daga kwancen da take ta matsa can k'arshen sit ta kankame jiki tana fad'in"karka tab'ani wallahi na tsani jinsinku! baku da tausayi! baku da imani! baku dauki d'iya mace abakin komai ba face dabba wacce bata da daraja, na tabbata kaima fyad'en kake son yimin! kaima so kake ka zubar da mutuncin da nake tunanin ya sauranmun, so kuke in wulakanta kuma in tozarta a idon duniya amma ku sani Allah na kallo shi zai sakamun, kuma insha Allahu ni SUMAIYYA sai nayi k'ok'arin cinye _*JARABAWAR MUTUNCINA..*_ "

Sosai jikinsa yayi lakwas da jin furucinta, idanunsa ya sauka akan kafarta dake tsiyayar da jini, aransa yace"Innalillahi wa'inna ilaihi raj'iun kenan hakan na nufin fyad'e akai mata kenan ? " shiyasa nace waya sani ko kaima shi d'in zaka mun ?, bani hanya ni in wuce.." ta furta tana jifansa da harara, kunyace ta kamashi sosai ganin maganar tasa ashe ta fito fili, da sauri ya kauce ta fito tana d'an dingisawa, garin yayi bakikirin wanda kiris kawai ya rage ruwa ya ballo, mutane da ababen hawa kowa sai sauri yake ya isa mafakarsa kafin ruwan ya sakko, tuni hankalin Sumaiyya ya sake dagawa ta fashe da kuka tana fad'in"ya Allah wannan wani irin jarabawa ne haka ? "Malama ki shigo in kaiki inda zaki kafin ruwan ya sauko, Allah ya saka miki da abunda aka miki amma ki sani ni bana daya daga cikin irin suffofin mazajen da kika zayyano, ki sani ba duka aka taru aka zama daya ba, akwai masu tsoron Allah amma basu da yawa acikin duniyar nan, kiyi hakuri kizo in kaiki Allah ne kawai zai bi miki hakkinki"...ko kadan kalamansa basu tab'a zuciyarta ba illa kara jin tsanar maza da taji ya ninku aranta, dogon tsaki taja tayi gaba abinta, ko kadan baya son ya matsa mata amma sai yaji aransa kawai yana son shiga rayuwarta don yaga ko akwai wani irin taimakon da zai iya yi mata, hakan yasa ya fad'a cikin mashin d'insa ya koma da baya..

Bayan bacewarsa ne hankalinta ya dawo jikinta, cike da sabon tashin hankali tace"Innalillahi jakata da wayata!" Hannu tasa ta toshe bakinta data tuna cewar ai adakin abokin Muntasir d'in ne ta manto da jakar, da wayar, kai da wasu muhimman abubuwanta acikin jakar..

       ****

Tafiyar Sumaiyya ba jimawa sai ga Lukman ya shigo gidan hankalinsa ba karamin tashiwa yayi ba ganin halin da Muntasir yake ciki, Muntasir wanda ya gaji da jiransa yana ganinsa yace"kai fa banza ne sai dana kusa mutuwa ne zaka bayyana ? " yi hakuri malam goslow ne ya tsai dani, baaba meya faru dakai ne haka ?, kutmelesi kaga yadda kake zubar da jini kuwa ?, ina fatar dai ba Sumaiyyar bace ta maka wannan aika aikar ?, " malam karka cikani da surutu muje ka kaini ko clinic ne awanke mun, sauran bayanan kuma zaka ji komai daga baya..." Lukman yace" Sai dai fa mai d'in babur d'ina ya kare, muje dai mu nemi abun hawa tunda kace tayar motar da kuka zo a ita tayi faci, Allah dai yasa mu samu abun hawan don ga iska nan ya taso..." suna fitowa adede lokacin mai adaidaitan nan wanda ya dauki Sumaiyya afarko shima yana isowa, akallon farko da yayi wa Muntasir sai da gabansa yayi mummunar faduwa, kuma ganinsu da yayi sun fito daga cikin gidan da Sumaiyyar itama ta fito ahargitse ya sakashi datsa ayar tambaya akansu "yauwa ga wata adaidaita nan.." inji Lukman, shine yasa hannu ya tsai dashi, da sauri suka fad'a ciki duk jini ya gama b'ata farar rigar dake jikin shi Muntasir d'in.